Iruuku 3:8 - IWE ỌNỊNỊ

⁸ Mẹ ịsa ana vọrọ nịnị kẹ, ana vaa sị zụ̀ ka we reè ro ịnẹ varẹma nịnị! Asị u ne ro o, dị ụ waa kà a ịnị ayị awụ nịnị ka: ‘Ị yàaa nyị Abụrahamị ana vị ada ayị nị,’ Dị ma kà a yị wụ nịnị ka Ohomorihi ọ zụ sị ịrẹta vara ezi, dị ọ sị yị Abụrahamị.

Iruuku 3:8 ပူးပေါင်းရင်းမြစ်များ

Inehemaya 5:11

Ma rẹ da ịpẹ yị wa ka ẹ̀ và aarẹ ẹnịnị, ụbazị ịvayịnị ọnịrị orivi ne beri irehi ẹnịnị ịrẹma yị wa ịhị ọnọọ nị. Dị ẹ̀ rẹ và ọtụrọsarẹsụ ọnị ẹ dọ aza ịrẹma yị wa.

Ezikẹẹrị 33:24

Ozi-ọza, aza ana ra hi ẹkụra-ẹkụra ana jị eburu ịnị ẹtẹ Isirẹrị aanị, aa kà a ka, Abụrahamị vị ọnịnya, di a sị ẹtẹ ọnọnịị yị ọ. Ẹnị ẹ́ sị rụrụ booro aanị, ẹnị ẹ nyị ẹtẹ ọnọọ nị.

Imatiwu 21:43

Agụvị avọọ, dị ma kà a wụ nịnị ka a vaa dọ wụ nịnị oze anaa vọrọ ka wa zị ngụ ịzị Ohomorihi yà aa mẹ ịjọva, dị a sị yị anẹkụra ana vaa nyị ẹtụtụ anị.

Imatiwu 3:8

Mẹ ịsa ana vọrọ kẹ, ana vaa sị zụ ka we reè ro ịnẹ varẹma nịnị.

Imatiwu 3:9

Asị u ne roo, dị ụ waa kà a ịnị ayị awụ nịnị ka, ‘Ị yàaa nyị Abụrahamị ana vị ada ayị nị.’ Dị ma kà a yị wụ nịnị ka Ohomorihi ọ zụ sị ịrẹta ẹnẹnị dị ọ sị vara ezi yị Abụrahamị

Iruuku 13:25

Ịjị adarehi ọ̀ọ sị kwẹẹtẹ dị ọ sị oze gu nị, dị ẹwụ nịnị kụkụ jẹẹ ẹhẹ aa sị ụvọọ ká oze ka: ‘Ananyị yị! Ananyị yị! Na oze yị!’ Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’

Iruuku 13:26

Ịjọnọọ dị ụ ka: ‘Ẹyịrị ẹwụ o dudu aa rị, di yee hú nọ! Wâ zụ̀ aza ịsa ịnị ẹkụra ayị, ọ!’

Iruuku 14:9

Dị ọza ana hị́ ẹwụ nịnị ẹyịva vẹ, dị ọ ka: ‘Sị aha yị ọza ọnọnị!’ Dị ụ kụkụ sị ụhị-ụhị aa naa yaayịtẹ aha ene weyi hu keekere.

Iruuku 19:40

Dị Ijeesu tụ́ ohi, dị ọ kà a yị wa ka, “Ẹma kà a wụ nịnị nị, aza ẹnẹnị èe kú irenu ẹnịnị, vị ịrẹta nịnị ee nowuu tụ́ ẹba nị.”

Iruuku 19:9

Dị Ijeesu kà a yọ ka, “Ẹdọha o si tù aneehi ọnọnị ajịnị; agụvị ka ọza ọnọnị ọnị rẹ vị ozi Abụrahamị.

Iruuku 5:21

Dị ọzwọzọda ọnịrị Anihwarisi ene hi ịzọọ aa kà a ka, “Sị ẹ vẹ dị ọ maanị aa kà? Vị aa kụ̀ Ohomorihi ụhụ aanị nọ! Ẹnẹ zụ vagu ọza ịnị ịvị anị, ẹ̀ yị vị Ohomorihi ọnịnya kẹnẹ?”

Ịjọọnụ 8:33

Dị ẹnịnị tụ́ Ijeesu ohi, dị ẹ ka, “Ezi Abụrahamị ị vị nọ! Yẹẹ̀ yị vị ọrịhị ọzọnyị-ọzọnyị da. Sị ẹ vẹ dị ụ waa kà a ka: ị vaa hụụnị ọrịhị?”

Ịjọọnụ 8:39

Dị ẹnịnị tụ́ ohi, dị ẹ ka, “Abụrahamị ọ vị ada ayị nị.” Dị Ijeesu kà a yị wa ka, “Àa vị ezi Abụrahamị ụ yaanị vị nịnị obooro nị, ụ yaanị aa mẹ̀ ịsa ana Abụrahamị mẹ nịnị.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Aniroomi 4:16

Ye si oo re ka oto oni Ohomorihi wo, vị ana jẹẹ tụ́ ịrẹsụ ka ọza ộ sị ayị tụra Ohomorihi. Ọnọọ vaa mẹ ka ịsị Ohomorihi wo oto anị vị ọọhẹ, dị avaba ezi Abụrahamị re re oze dọ ọ nị. Ẹ yị vị ịrẹyị aza ana aa saasa ọda Aniju kẹnẹ, ama yị avaba aza ana aa sị ayị tụra Ohomorihi, anka Abụrahamị ọnị mẹ̀ rẹ mẹ. Yâ yẹ ka avaba ayị Ábụrahamị vị ada anị nị.

Aniroomi 9:7

Ẹ yị rẹ vị avaba ezi Abụrahamị ẹ vị ezi anị obooro, agụvị ka erima ezi Ayiziiki kẹnẹ, a vaa za ịrịkaa tụ́ ịnị ezi Abụrahamị nị.

Anihwiripi 1:11

dị ụ wa rẹ zụụ mẹ̀ ebira ana vọrọ tụra ọza oni Ohomorihi raà jị ịhị yị. Ijeesu Ikirisiti ọọ̄ mẹ̀ ka ọza ọ̀ vavọọ zụ mẹ̀ ebira nị. Ọnọọ vaa mẹ ka aza ẹ̀ẹ sị ụga ọnịrị ụbanyịị yị Ohomorihi.