Iruuku 3:7 - IWE ỌNỊNỊ

⁷ Aza ọrụrụ-ọrụrụ ệ ká Ịjọọnụ na ka ọ̀ mẹ̀ ọyịhwọzenyi yị ẹnị. Dị ọ kà a yị wa ka, “Ẹwụ nịnị ezi ibe, ẹnẹ va kà wụ nịnị ọ̀nọ̀ ka we zwe yị ọyịkụ Ohomorihi ana aa vẹ?

Iruuku 3:7 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Ayịsaya 59:5

Ịrẹyị ẹnịnị divi anka ajẹ ẹwụ ana a hị́ ụ̀hị̀ avọọ nị. Wàa rị ọ vị ịrẹyị, ọ̀ọ chaka dị ọ chị ibe. Ebira ẹnịnị vị ana sị mẹ anka ịta arahị avọọ.

Imatiwu 12:34

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Imatiwu 23:33

Ẹwụ nịnị ẹwụ ana rẹ vị ezi ibe, wéé ro ka wa zụ jị ọkarẹyị ẹkụra nyee nịnị?

Imatiwu 3:6

Ệ dọ irenu ebira odivi ẹnịnị, dị ọ́ mẹ̀ ọyịhwọzenyi yị wa ịnị Okuha Ịjọdanị nị.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Odeyi 13:10

Dị ọ ka, “Ẹwụ ozi Echu, ẹwụ ana sị avaba ẹngụ vị ireche-ireche ọnịrị irikichi, uū sì ka we du avaba ịsa ene zoza. Aanị ka aanị ụ mẹ̀ vaa vara ịzẹyịza Ohomorihii tụ́ ini ireche pooro nị?

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

1 Ịjọọnụ 3:8

Ama ọza ana àa mẹ ịvị, ozi Echu ọ vị nị, agụvị ka Echu vị anaā mẹ ịvị dị a va yẹ ka aa mẹ ẹhẹ. Agụvị avọọ Ozi Ohomorihi vẹ ẹhẹ ka oni ò ve vú ụkọrọ Echu ẹtẹ nị.