Iruuku 3:16 - IWE ỌNỊNỊ

¹⁶ Agụvị avọọ dị Ịjọọnụ kà a yị avaba ẹnịnị ka, “Ịzẹyịza, ẹmị aa sị enyi mẹ̀ ọyịhwọzenyi yị wụ nịnị, ama â nyị ọza ịnya ana vaa vẹ ị́rẹma amị, ọza ọnọọ ọ nyị ụkata hu mi ẹtẹẹtẹrẹ nị. Mẹ yị hyakụ yà ọza ana a vọrọ ka ò nyima, dị ọ̀ ngwa adava hụụnị ahụ anị. Ọnị vị ana vaa sị Ụhwẹ Ọnịnị beri ịra hụ́ nịnị enyi

Iruuku 3:16 ပူးပေါင်းရင်းမြစ်များ

Ụhịrẹyị 1:23

Sị ụtọ pe ohuvọ ọnị maa tụ wụ nịnị. Maa sị ịrẹyọyẹ pá wụ, dị wa yẹ ịrẹyị.

Ayịsaya 32:15

Avọọ ọ mẹ̀ vaa yà pooro di Ohomorihi ọ̀ tụ́ ụhwẹ anị hụrẹ ẹbẹẹba vẹ dị ọ̀ va mẹ ka ẹtẹ ana vịdị tịtẹ paapara ọ̀ vara ẹtẹ ozoza. Ọ hyakụ vee zozaa huna ẹtẹ ene ozoza ẹtẹẹtẹrẹ dị ọọ̄ mẹ̀ ịsa.

Ayịsaya 4:4

Ananyị yị vaa nyịna avaba ebira odivi ana yà ịnị ẹhẹ anẹẹ Anịzayọnị. Ọkarẹyị ịrịịra ọnị ọ vaa mẹẹ yị wa ọ vavọọ vaa sị nyịna Anijerusarẹmị hụụnị ịvị aza ẹnẹ sị wụ nị.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Imatiwu 3:11

Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

Ịjọọnụ 1:26

Dị Ịjọọnụ tụ́ wa ohi, dị ọ ka, “Ẹmị aa sị enyi mẹ ọyịhwenyii yị wụ nịnị; ama â nyị ọza ana yà ịnị akakana awụ nịnị, ọnị ụ wẹ̀ yị yẹ nịnị.

Ịjọọnụ 1:27

Ọza ọnọọ mị ka aa vẹ ị́rẹma amị nị; mẹ yị hyakụ yà ọza ana a vọrọ ka ọ̀ ngwa adava hụụnị ahụ anị.”

Ịjọọnụ 1:33

Mẹ yị vịdị yẹ ẹ, ama Ohomorihi ana tụ́ mị ka maa sị enyi mẹ ọyịhwenyii yị aza, ộ vịdị kà a mị ka, ‘Ọza oni u wèe re ka Ụhwẹ Ọnịnị ô chí vẹ, dị ọ va yà ịrẹsụ anị nị, ọza ọnọọ gẹdẹ-gẹdẹ ọ vaa sị Ụhwẹ Ọnịnị hụ̀ aza mẹ enyi nị.’

Ịjọọnụ 7:38

 kà a tụ́ ini Iwe Ohomorihi ka enyi anaā mẹ ka ọza ọ̀ yàra obooro, vee sìi hụụnị ayị ọza ana àa sị ayị tụra mịị jịnẹ.”

Odeyi 1:5

Ịyẹẹyẹ, enyi obooro Ị́jọọnụụ̄ sịị mẹ ọyịhwenyii yị aza nị. Ama yị ẹwụ nịnị, ọ̀ọ na aa mẹ ẹkụhị chee, Ohomorihi vaa sị Ụhwẹ Ọnịnị hụụ wụ nịnị enyi.”

Odeyi 10:44

Ípita màa yịị kà ịrẹyị, dị Ụhwẹ Ọnịnị dọ ayị avaba aza ana aa wụ́ ịrẹyị anị nị.

Odeyi 2:33

Ohomorihi ọ raà sị Ijeesu tụ́ ẹba, dị ọ yaayịtẹ éyi ụvọrị Ohomorihi nị. Ọ raà dọ Ụhwẹ Ọnịnị hụụnị ụvọ Ohomorihi Ada anị, anka Óhomorihi mẹ̀ vịdị kà a ka ẹ yị zụ nyị ka ọnị ọ yị vaa sịị yọ. Ụhwẹ Ọnịnị ọnọọ Íjeesu sị yị oni u wee re, dị ụ raa wụ́ nịnị aanị nị.

1 Anịkọrịntị 12:13

Yàa vị Aniju, yẹ̀ yị vị Aniju, yàa vị ọrịhị, yàa vị ozi; avaba ayị ọ sị vị ẹngụ ọnya, a mẹ̀ sị Ụhwẹ Ohomorihi mẹ̀ ọyịhwọzenyi yị. Ụhwẹ Ohomorihi ọnọọ ọnyọọnya ọ yà ịnị ayị avaba ayị nị.