Iruuku 2:7 - IWE ỌNỊNỊ

⁷ Dị ọ ma ozi ịpaapa anị ọnọrụ nị, dị ọ sị ịta para a, dị ọ sị ọọ tụ́ ịzị ịsụpaā yàa rị ịsa nị. Ẹnịnị e yi re aha yà ini irehi ọnị ọzọgaā chí.

Iruuku 2:7 ပူးပေါင်းရင်းမြစ်များ

Oyinyima 42:27

É mè tù ịzị azaā chi, dị ọza ịnyara ẹnịnị ngwara achuchu anị ka ọnị ọ̀ sị ịsa yị ịkẹrịkẹtẹ anị nị. Di o ne tù ka â sị ẹkẹhị anị tụ́ irenu achuchu anị.

Oyinyima 43:21

Ẹnị màa na dị ẹnị tù ịzị eē chi dị ẹnị nā achuchu ẹnịnị irenu nị. Di ọzọza ne tù ka ẹkẹhị anị yà ịnị achuchu anị nị, ọ yị hyakụ jị ha. Aarịhịnị ọnị ẹnị sị vavẹ aanị nị.

Ahẹ Ụgama 22:6

Mâ yẹ ka ẹmị ẹ yị bẹrị ọza vụrụ-vụrụ Aza vi ene ee nyị mi unyi dị ẹ yaa sị eyii wụ̀ mị.

Ọyịkụra 4:24

Ọ màa na ózee di e tù ịzị eē chi, dị Ẹnẹyịmavara va gẹrị ọ, dị ọ ka ọnị aa wụ̀ ọ nị.

Ayịsaya 7:14

Ananyị yị ọnị ụvọta vaa sị apọtẹrẹwa ọnya yị wụ dị wa yẹ ka ịrẹyị ẹnẹnị vị ịzẹyịza. Ozwoorihi ọnya vee zyẹẹ, dị ọ ma ozi ọnọrụ ọnya aanị. Ẹmanụwẹrị ụ vaa hị́ ịrẹha anị nị.

Imatiwu 1:25

Ama ọ yị yẹ ahwaahụ anị pooro dị ọ ma ozi ịpaapa anị ọnọrụ, dị ọ sị́ ịrẹha yọ ka ọnị ọ rị Ijeesu nị.

Imatiwu 13:55

Aanị ka ẹ yị vị ozi ikahunta ọnọọ yị? Áa vị Imeri ọ vị ọnyị anị? Aanị ka ẹ yị vị Ijemiisi ọnịrị Ijosẹẹhụ beri Ịsayịmọnị ne beri Ijudasi ọ vị ẹyịnyara anị?

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Iruuku 10:34

Di o ne tù ọọ, dị ọ ká angwẹ ọnịrị eche hi ịnị ụnava anị, dị ọ sị ịta sụ́ ọọ yọ nị. Ịjị ọ vavọọ sị ọọ mẹ, dị ọ sị ọọ tụra uye ọnị ọnị vịdị tụra, dị ọ sị ọọ nọ ini eehi ọnị ọzọgaā chí, di aa tẹsị anị nị.

Iruuku 2:6

Ẹnịnị mẹ̀ yà Ịbẹtịrẹhẹmị, ụhwẹ ọ sị gụ Imeri ana a vọrọ ka ọ̀ sị ma ozi.

Iruuku 2:8

 nyị oseratẹmẹ ẹnyị aanị ịnị ẹkụra ọnọọ. Dị ẹnịnị hi ịnị avị ịrahụ, di eyee sere atẹmẹ ẹnịnị nị.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,