Iruuku 2:41 - IWE ỌNỊNỊ

⁴¹ Aza ana ma Ijeesu vị anaā nọ Ijerusarẹmị ịrayị-ịrayị, dị ẹ̀ na rị Eche Ọyịparahu.

Iruuku 2:41 ပူးပေါင်းရင်းမြစ်များ

Ọyịkụra 12:11

Dị aa ka yị wa ka aanị ẹ mẹmẹ vaa rị ọ nị. Ọ kà ẹ̀ sị obo sụ́ ịta ẹnịnị za ọtẹ, dị ẹ̀ kụ́ adava ẹnịnị hi ahụ, dị ẹ̀ rẹ sị okutẹ ẹnịnị rị ụvọ, Dị ẹ wụsẹ rị ọ eyiha-eyiha. Ọ kà ịsọvọ ọnị ọnị Ẹnẹyịmavara kà ẹ̀ mẹ dị ọnị ọ̀ para irehi ẹnịnị huu ọ vị ọnọọ nị.

Ọyịkụra 12:14

Ẹkụhị ọnọọ vị ọnị ụ vaa tamayị anị nịnị pooro. Ezi ịrẹma-ịrẹma ana aa vẹ vị ana vaa tamayị ẹkụhị ọnọnị, dị ẹ yaa rị eche anị dị ẹ̀ sịị kụ́ ọnị Ẹnẹyịmavara avọ. Eche ọnọọ vị ẹnị ẹ vanaa rị pooro zịna.

Ọyịkụra 34:23

Ụpẹ ẹẹta ịnị ịrayị ọnọrụ awụ nịnị vaa vẹ va hẹkẹ ẹmị ana nyị wụ nịnị ana vị ohinọyị nị. Ẹmị ọnọọ ọ vị Ohomorihi Anisirẹrị nị.

Ireevi 23:5

Eche ọyị para hu vị ẹnẹ ẹ vaa rị ọyị sị ụbanyị yị Ẹnẹyịmavara ịnị oruva ẹkụhị ẹwụrẹna ịnị ụhwẹ ịpaapa ẹnịnị.

Ịrịka 28:16

Ịnị ẹkụhị ẹwụrẹna ịnị ụhwẹ ịpaapa ịrayị, Ẹnẹyịmavara kà Anisirẹrị nịnị ẹ sị mẹ̀ ịsọvọ eche ọyịparahu yị ọnị ịrayị-ịrayị nị.

Iruuku 2:42

Íjeesu mẹ̀ sị gụ ịrayị ẹwụrẹva, di e dudu zị nọ Ijerusarẹmị, anka ẹ mẹ̀ vịdị yị mẹ nị.

Ịjọọnụ 11:55

Eche Aniju ana aā hị́ Eche Ọyịparahu ee vee tù. Dị aza ọrụrụ-ọrụrụ hụrẹ ẹkụra ẹnịnị, dị ẹ hịrẹ nọ Ijerusarẹmị ka ẹnị ẹ̀ na mẹ̀ ido ọyị mẹ ẹngụ ẹnịnị nị (anka ọda mẹ̀ kà a), di eche ò ve tù.

Ịjọọnụ 13:1

Ọ sị vọ ka ụhwọọ aa rị Eche Ọyịparahu nị. Ijeesu ộ yẹ ka ụmẹ o si tù ọnị ọnị aa sịị hụụnị ẹhẹ, dị ọnị ọ̀ nọ ịdị Ada anị. Oō sì ịrẹyị aza anị ene hi ịnị ẹhẹ. Booro aanị, o si tù ka ọ̀ sị zụ̀ wa ịzị o sì ịrẹyị ẹnịnị na za.

Ịjọọnụ 2:13

Ụmẹ ana Aniju nịnị sịị̄ rị Eche Ọyịparahu ee vee tù, dị Ijeesu aa hịrẹẹ nọ Ijerusarẹmị nị.

Ịjọọnụ 6:4

Ụmẹ ọnọọ, ọ sị vọ chee di Aniju nịnị ẹ̀ rị Eche Ọyịparahu.

Iwe Ọhụhị Imosiisi ana aa hị́ Ọyịvatụrọda 12:11

Ẹnẹyịmavara vaa nyị aha ọnya ịzị ụ vaa yaa hẹkẹ ẹ nịnị. Ịzọọ ụ vaa sị avaba ịsa ọnị mị mẹ ọda anịị wụ nịnị, vaa yị Ẹnẹyịmavara nịnị nị. Ịsị ẹnị ụ vaa sị vaa yọ nịnị yị: Ịsa ịsọvọ awụ nịnị ana a vaa rị ịra, ọnịrị ịsa ịsọvọ awụ nịnị ana vọ, achehi ẹẹwụ awụ nịnị ọnịrị ẹyịza ana vọ, beri ẹyịza oturenyi oni u wo oto ka ụ vaa sịị vaa yị Ẹnẹyịmavara nịnị.

Iwe Ọhụhị Imosiisi ana aa hị́ Ọyịvatụrọda 12:18

Ọvịdị Ẹnẹyịmavara Ohomorihi awụ nịnị ụ vaa yaa rị ẹngụ ịsa ẹnẹnị ịzị Ẹnẹyịmavara Ohomorihi awụ nịnị vaa nyị nị. Ẹwụrị ezi ọnọrụ awụ ọnịrị anẹẹ, beri ọrịhị awụ anọrụ ọnịrị anẹẹ, ọnịrị Anireevi nịnị ana ra ẹkụra awụ nịnị e dudu vaa rị ịsa ẹnẹnị nị. Dị ụ yà ọvịdị Ẹnẹyịmavara Ohomorihi awụ nịnị aa jẹ ịrajẹ tụ́ ịrẹsụ avaba ịsa ọnị ụ mẹ nịnị.

Iwe Ọhụhị Imosiisi ana aa hị́ Ọyịvatụrọda 16:16

Ụpẹ ẹẹta ịnị ịrayị avaba ọnọrụ awụ nịnị vaa kụụ gụ ọ̀yị hẹkẹ Ẹnẹyịmavara Ohomorihi awụ nịnị ịzị ọ kà à yaa hẹkẹ ọnị nị. Ẹ vavọọ waraa gụ ụmẹ Eche Ọyịparahu, ụmẹ Eche ịsa ọyịkụ gụ, ọnịrị ụmẹ Eche ịnị Ajẹngụ. Ẹ yị ọza ana vaa sị ụvọ osusuu vẹ ọvịdị Ẹnẹyịmavara o.

1 Ịsamụwẹrị 1:21

Ị́rayị mẹ̀ rẹ sị gẹ, di Erikana ọnịrị aneehi anị rẹ nọ Isiro ka ẹnị ẹ̀ na mẹ̀ ịsọvọ ẹnị ẹẹ̄ mẹ̀ ẹ yị Ẹnẹyịmavara ịrayị-ịrayị. Ọ̀ọ sị ịsọvọ ọnọọ mẹ, di o re sí ịzẹzẹ ọnị ọ zẹẹ Ohomorihi.

1 Ịsamụwẹrị 1:3

Erikana vị ana aā hụrẹ ẹkụra anịị nọ Isiro ịrayị-ịrayị naa hẹkẹ Ẹnẹyịmavara Ochẹtẹẹngụ dị ọ rẹ mẹ̀ ịsọvọ. Eri ọnịrị ezi anị ẹyịva ana aā hị́ Ihohwini ọnịrị Ihwinehasi vị ohirẹsụ irehi Ohomorihi.