Iruuku 2:4 - IWE ỌNỊNỊ

⁴ Ijosẹẹhụ ọnị ọ rẹ hụrẹ ẹkụra Ịnazarẹtị ịnị ẹtẹ Igariri nọ Ijudiya, dị ọ nọ ẹkụra Ịbẹtịrẹhẹmị ịzị a yà ma Idevidi ohinọyị nị. Ijosẹẹhụ ộ nọ ịzọọ, agụvị ka ini ovwoovu Idevidi ọ chị hụrẹ vẹ nị.

Iruuku 2:4 ပူးပေါင်းရင်းမြစ်များ

Oyinyima 35:19

Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị.

Oyinyima 48:7

Ọ kà agụvị ọnya anị ọnị vavọọ sị kà nị. Ọ kà ọnị mẹ̀ hụrẹ akẹbẹẹba Imesopotamiya aa vẹ Irechẹrị ve sú ịnị ẹtẹ Ikanaani nị. Ịrẹyị ọnọọ ộ zị ọnị ẹtẹẹtẹrẹ. Ọ kà ịjọnọọ ẹnị aa vaa ngụ Ehwirati. Dị ahịka oze Ehwirati ọnị ne e tụ́ nị. Ehwirati ọnọọ a kụkụ aa hị́ Ịbẹtịrẹhẹmị booro aanị nị.”

Imika 5:2

Ẹnẹyịmavara kà wéē re Ịbẹtịrẹhẹmị ana yà ini ẹtẹ Ehwirati avọọ Ọza ee re ka oni o weyi ini ovwoovu Anijuda. Ẹnẹyịmavara kà ọnị vaa sị ọza ịnya hụụ ịzọọ mẹ ohinọyị Anisirẹrị. Hụrẹ ụmọrụmọ ovwoovu ọza ọnọọ hụrẹ aa vẹ nị.

Imatiwu 1:20

Ama o mee rò ịrẹyị tụ ịrẹsụ ịsa ẹnẹnị, re, dị anggẹẹrị Ohomorihi sị ẹngụ zụ ọ ịnị ụra nị. Dị ọ ka, “Ijosẹẹhụ, ozi Idevidi, asị u hí angwa ọyị nyị Imeri ose wu, agụvị ka Ụhwẹ ọnịnị ọ mẹ ka oo zyẹẹ nị.

Imatiwu 2:23

Dị ọ na yà ịnị ẹkụra ọnya ana aā hị́ Ịnazarẹtị nị, agụvị ịsa ọnị ọnịsẹ kà, ọ̀ rẹ zụ sẹ ka, “Anịnazarẹtị á vaa hị́ ọ nị.”

Iruuku 2:3

Dị ọzọza nọ ẹkụra anị ka à na chẹrẹ ẹnị nị.

Iruuku 2:5

Ọnịrị Imeri ọ zị na ka à na chẹrẹ ẹnị nị. Imeri vị oni Ijosẹẹhụ nyị tụ́ oze. Ịjọnọọ, Imeri ee zyẹẹ.

Iruuku 4:16

Ijeesu ộ vẹ Ịnazarẹtị, ịzị a yà pá a. Ẹ́kụhị ụhwọtụ mè si tù, dị ọ rẹ nọ ini irehi Ohomorihi Aniju nịnị nị, anka ọ mẹ̀ vịdị yị mẹ. Dị ọ kwẹẹtẹ ka ọnị ọ̀ kà Iwe Ohomorihi nị.

Ịjọọnụ 1:46

Dị Inatanẹrị ka, “Aanịka â nyị ịsa ozoza ana zụ hụrẹ ẹkụra Ịnazarẹtị vẹ?” Di Ihwiripi kà a yọ ka, “Vẹ, di u we ve re e!”

Ịjọọnụ 7:42

Áá vi Iwe Ohomorihi kà a ka ịpa evere Idevidi Íkirisiti vaa hụrẹẹ vẹ nị; dị ahịka Ịbẹtịrẹhẹmị a yà ma a nị. Ịzọọ Ídevidi vịdị ra nị.”

Iruutu 1:19

Dị ẹnị ẹyịva vavọọ zị va ngụ Ịbẹtịrẹhẹmị nị. Ịjị ẹ na ngụ ẹkụra ọnọọ, di ẹtẹ aa sụ́ ịrẹyị hyịwụụ nị. Di anẹẹ ẹnẹ hị́ ịzọọ yee họ̀ use ka, “O! ayoo! Inawomi wáá yịị yị?”

Iruutu 2:4

Ẹ mẹ̀ vavọọ hi ịzọọ, di e vene re ka Ibowazị ộ hụrẹ ịnị ubooro Ịbẹtịrẹhẹmị aa vẹ nị. Dị ọ kụ́ anụkọrọ ẹnẹẹ nị, dị ọ ka, “Ẹnẹyịmavara ọ̀ yà pè wụ nịnị.” Dị ẹnịnị va ụkụ yọ ka, “Ẹnẹyịmavara ọ navọ ò zee wu.”

Iruutu 4:11

Dị avaba aza ene hị́ ịzọọ beri azọkụ nịnị ka, “Ee, avaba ayị vị onivenu. Ẹnẹyịmavara ọ̀ navọ ọnẹẹ ana aa vẹ ịnị eehi awụ aanị ọ̀ ma ozi anka Irechẹrị ọnịrị Iriya. Ozi Irechẹrị ọnịrị Iriya ẹ mẹ ka irehi Isirẹrị ọ̀ yara. Ẹnẹyịmavara ọ̀ va sị wụ tụ ẹbẹẹba ịnị ịrẹsụ Ehwirati, dị wa va ngụ ịrẹyị ịnị ẹkụra Ịbẹtịrẹhẹmị.

Iruutu 4:17

Dị Ẹnyẹnẹẹ anokokooro ọnọọ aa kà a zị ka a si ozi ọnọrụ ma yị Inawomi. Dị ẹ ka ịrẹha aanị ọ rị Ọbẹdị nị. Ọbẹdị ọnọnị ọ vị ada Ijeese, dị Ijeese ọnị vị ada Idevidi ana vị ohinọyị nị.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 16:4

Ịzẹyịza dị Ịsamụwẹrị mẹ̀ ịsa ẹnị Ẹnẹyịmavara kà ọ̀ mẹ nị. Ịsamụwẹrị mẹ̀ na ngụ Ịbẹtịrẹhẹmị, Angwa ô hí ọdọvịdị ẹkụra nịnị èe me re e. Dị ẹ kà, “Áá vị ẹ̀ yị nyị ịrẹyịị?”

1 Ịsamụwẹrị 17:12

Idevidi vị ọnya ịnị ezi ọnọrụ Ijeese ana vị Anehwurata ana ra Ịbẹtịrẹhẹmị ịnị ẹtẹ Ijuda. Ijeese ộ ma ezi ọnọrụ ịhịnta. Ijeese o si bo ẹtẹẹtẹrẹ ịnị ụmẹ ọnị Ịsọọrụ sị vị ohinọyị.

1 Ịsamụwẹrị 17:58

Dị Ịsọọrụ ka, “Ozi ọnọnị, ẹnị ẹ ma wụụ?” Di Idevidi ka, “Taarụ, Ijeese ana vị Anịbẹtịrẹhẹmị ọ vị ada amị nị.”

1 Ịsamụwẹrị 20:6

Àa vị ada awụ ee sì mị nị, dị ụ kà a yọ ka mâ dá ịpẹ wụ ka aarịhịnị mị wụsẹ ee zwee nọ Ịbẹtịrẹhẹmị ịdị ayị, ka ịsọvọ ana avaba anda ayịị mẹ ịrayị-ịrayị o si tù.