Iruuku 2:34 - IWE ỌNỊNỊ

³⁴ Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Iruuku 2:34 ပူးပေါင်းရင်းမြစ်များ

Oyinyima 14:19

Dị ọ mẹ̀ aduwa yi Abụramị dị ọ ka, “Ohomorihi ọgọdọgọdọ ọnị ụvọ ọza è yi mè tù ana mẹ ẹbẹẹba ọnịrị ẹhẹ ọ̀ navọ ó zee yị Abụramị.

Oyinyima 47:7

Di Ijosẹẹhụ rẹ sị Ijekọvụ ada anị na zụ̀ Ihwarawo nị. Di Ijekọvụ kụ́ Ihwarawo nị.

Ọyịkụra 39:43

Di Imosiisi zama ụkọrọ ọnọọ re di o re ka vị ẹ mẹ̀ ẹ anka Ẹnẹyịmavara mẹ̀ kà a yị ẹnị nị. Dị ọ mẹ̀ aduwa ka ò zee yị wa nị.

Ayịsaya 8:18

Ẹmị yị, beri ezi ẹnẹ Ẹnẹyịmavara sị yị mị. Ẹnẹyịmavara Ochẹtẹẹngụ vị ana nyị aha ọkarẹyị tụ́ ịrẹsụ ataba. Ọ raà sị yị mẹ apọtẹrẹwa yị Anisirẹrị.

Ihoseya 14:9

Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Imatiwu 11:19

Ẹmị Ozi ọza onigirima ọ vavẹ; maa rị, mee hú, ẹ rẹ ka: ‘Ho! Wee re ọnịnọbanyị ọnịrị ohweche! Ọta ọdẹkẹhirehi ọnịrị aza edivi ọ vị nị.’ Ịrẹyọyẹ Ohomorihiī sị ẹngụụ zụ̀ ịnị ịsa ana aa mẹ.”

Imatiwu 12:46

Íjeesu màa yịị kà ịrẹyịị yị ọkọnị aza ẹnẹẹ, dị ọnyị anị ọnịrị ẹyịnyara anị vẹ, dị ẹ jẹẹ ẹhẹ nị. Eyee sì ka eni è pe e kà ịrẹyị.

Imatiwu 21:44

[Ọza tụra ọza ana àa hyẹdụ nya ịrẹta ọnọnị, vị aa gara nị. Ama ọza ọnị ịrẹta ọnọọ ọ̀ọ hụrẹ nya, vị aa kwọ̀ ọ nẹrẹ-nẹrẹ nị.”]

Imatiwu 27:63

Dị ẹ ka, “Ọga, yâ tamayị ka ovenọza ọnọọ mẹ̀ yà ẹhẹ, ộ kà a ka ịhyẹgwẹta ọnị ọnị sú, ọnị rẹ vaa haa kwẹẹtẹ.”

Iruuku 2:35

dị ọ sị ịsị aza ọrụrụ-ọrụrụ were ee roo tụ́ ẹhẹ. Ẹwụ ọnyị anị, ayị awụ vee du anka èe rere jị ụhwọ ngụ ọza ayị avọọ.”

Ịjọọnụ 3:20

Ọza anaā mẹ̀ ịsa odivi, o mē sì ịrẹyị ẹtohweyi, ọ mā rẹ vẹ ịnị anị, agụvị ka e ve re ịsa odivi ana aa mẹ.

Ịjọọnụ 5:18

Agụvị avọọ dị Aniju ẹnẹẹ ee sì oze hu avọọ ka ẹnị ẹ̀ wụ ọọ nị, agụvị ka ẹ yị vị ọ jịnẹ ọda ẹkụhị ụhwọtụ kẹnẹ, ọ rẹ ka Ohomorihi ọ vị Ada anị nị, ọnọọ vị ka aa sị ẹngụ anịị pe Ohomorihi mẹ ọpa.

Odeyi 13:45

Ịjị Aniju nịnị maanị re ọkọnị aza ẹnẹẹ, ẹyaa kụ̀ ụhị dị ẹ ka, ịrẹyị Ịpọọrụ vị ireche, dị ẹya kụ̀ ọọ ụhụ nị.

Odeyi 17:6

Ịjị ẹnịnị è yi re wa, di e tura Ijasoni ọnịrị ọdọwụ ẹnyị nọ ịdị ọdọvịdị ẹkụra nịnị nị. Di eyee nowu ka, “Aza ẹnẹnị ẹ kụ́ ẹhẹ và angga, ẹ rẹ va sị ngụ ịzẹnị bẹẹ.

Odeyi 24:5

Ya sị yẹ ka enezigi ọ́nọrụ odivi ọnọnị vị nị. Aa mẹ ka avaba Aniju nịnị avaba ẹhẹ ệ mẹ ẹvazi. Ọnị ọ vị ọdọvịdị ogu Anịnazarẹtị nịnị nị.

Odeyi 28:22

Ama ẹnị yaanị sì ka ya wụ́ ịsị Ịpọọrụ ro, agụvị ka ẹnị ẹ́ yẹ ka avaba aha aza yà aa kà ịrẹyị odivii hi ogu ọnọnị nị.”

Odeyi 4:26

Ohinọyị anẹhẹ ẹ sị ẹngụ tenyi, ohirẹsụ aza nịnị ẹ sị ẹngụ kụ́ gụ agụvị Ohomorihi ọnịrị Ikirisiti anị.

Odeyi 6:7

Dị ịrẹyị Ohomorihi aa yịị garaa zị nị. Ezirẹma ene hi Ijerusarẹmị aa rụrụụ hu avọọ ẹtẹẹtẹrẹ; di ohirẹsụ irehi Ohomorihi ọrụrụ-ọrụrụ ẹnị raa dọ ọ wụ́ nị.

Aniroomi 9:32

Sị ẹ vẹ? Agụvị ka ịsa ẹnẹẹ mẹ ọ yị jẹẹ ịrẹsụ ẹdọwụ, ama ị́rẹsụ ụkọrọ ụvọ ẹnịnị ọ jẹẹ nị. Agụvị avọọ ẹnịnị ệ tụ́ ahụ, dị ẹ và angga ịnị ịrẹta ọnọọ anaā mẹ ọzaa tụ́ ahụ nị.

1 Anịkọrịntị 1:23

Ama ẹyị vị ana aa kịị kà enube ọyịza Ijeesu ana a kanyị za ọchị apavahị kẹnẹ. Enube ọyịza ọnọọ vị ana aa mẹ ka Aniju nịnị ẹ̀ và ịrẹma kà a. Ọ rẹ mẹ ka Anigiriki nịnị è ree ka ụra kẹnẹ-kẹnẹ ọ vị nị.

Anihiburu 7:1

Imerikizẹdẹkị ọnọọ vị ohinọyị Ịsarẹmị, dị ọ rẹ vị ohirẹsụ irehi Ohomorihi yị Ohomorihi ana nẹba hu keekere nị. Abụrahamị ộ và hụrị ịrẹkụ aa vẹ, ọ mẹ̀ na wụ ohinọyị ẹnyị aanị. Imerikizẹdẹkị ộ va gẹrị ọ, dị ọ mẹ̀ aduwaa yọ nị.

Anihiburu 7:7

Ẹ yị nyị ka àa jị ọ ịrẹka ka ọza ana mẹ ka ò zé yị ọza o huna ọza ọnị ọ mẹ ka ò zé yị nị.

1Ipita 4:14

Aza àa kụ̀ wụ nịnị ụhụ agụvị Ikirisiti, ọyịza ọ vaa vịị yị wụ nịnị nị; agụvị ka Ụhwẹ Ọnịnị ana nyị ụbanyị yàa wụ nịnị ịrẹma.

1 Ịsamụwẹrị 2:20

Èe tù ịzọọ di Eri mẹ̀ aduwa yị Erikana ọnịrị ose anị, dị ọ ka Ẹnẹyịmavara ọ̀ navọ ose anị ọ̀ ma ezi ọsa dị ọ sị dọ ịrẹsụ ọnị ọ pa hụụnị ụvọ Ẹnẹyịmavara dị ọ rẹ varẹma sị yọ. Àa maanị sị aduwa mẹ̀ yị wa, dị ẹ rẹ yaa nọ eehi nị.