Iruuku 2:11 - IWE ỌNỊNỊ

¹¹ A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Iruuku 2:11 ပူးပေါင်းရင်းမြစ်များ

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Oyinyima 49:10

Ijuda, ẹwa vaa vi ohinọyị nị. Ẹ yị nyị ọza ana vaa dọ wụ ohinọyị. Aza vaa kụ̀ ịsa ẹtẹ vaa wụ, anẹhẹ vị ana vaa vẹ vaa kụ̀ wụ, ịsa ẹtẹ ini Ihiburu a ka Isiro. Ọza ọ yị yẹ ịsị ẹ vị iruvo anị booro.

Ahẹ Ụgama 2:2

Avaba ohinọyị anẹhẹ ẹ sị ịrẹkụ gu agụvị Ẹnẹyịmavara ọnịrị ọza ọnị ọ nyị ka ọnị ọ̀ sị mẹ ohinọyị, vị ẹ gẹ eyi vabẹ ụvị anị nị.

Ayịsaya 9:6

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Imatiwu 1:16

Ijekọvụ ọ ma Ijosẹẹhụ, ọva Imeri ana ma Ijeesu ana aā hị́ Ohinọyị oni Ohomorihi nyị ka ọ̀ dọ ọza ha nị.

Imatiwu 1:21

Ọ vaa ma ozi ọnọrụ ọnya, dị ụ hị́ ịrẹha anị Ijeesu; agụvị ka ọnị ọ vaa dọ aza anịị háa hụụnị ịvị ẹnịnị nị.”

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Imatiwu 16:20

Ịjọnọọ di o hú ezirẹma anị ụvọ ka asị ẹ kà a yị aza ka ọnị ọ vị Ikirisiti nị.

Iruuku 1:43

Ẹnẹ vị ẹmị, ọnị ọnyị Ananyị yị ee vee heyi?

Iruuku 1:69

Ọ raà sị Ọdọzaha ọbanyị ọnya hụrẹ ini ovwoovu Idevidi ozi ahụ anị yị yị.

Iruuku 2:26

Ộ vịdị sị zụ̀ ọ ka o yi vee sú pooro di ò re Ikirisiti oni Ohomorihi aa tụ́ụ vẹ ẹhẹ.

Iruuku 2:4

Ijosẹẹhụ ọnị ọ rẹ hụrẹ ẹkụra Ịnazarẹtị ịnị ẹtẹ Igariri nọ Ijudiya, dị ọ nọ ẹkụra Ịbẹtịrẹhẹmị ịzị a yà ma Idevidi ohinọyị nị. Ijosẹẹhụ ộ nọ ịzọọ, agụvị ka ini ovwoovu Idevidi ọ chị hụrẹ vẹ nị.

Ịjọọnụ 1:41

Andụrụ ộ vịdị ne sì Ịsayịmọnị ọyịnyara anị. Dị ọ kà a yọ ka, “Ya sị Imesaya ọnọọ re, ọ!” Iruvo Imesaya ọ vị Ikirisiti nị.

Ịjọọnụ 1:45

Ihwiripi oni o re re ọza ịnya aanị ana aā hị́ Inatanẹrị. Dị Ihwiripi kà a yọ ka, “Ọza oni Imosiisi chẹrẹ ịrẹyị anị tụ́ ini iwe ọda, dị ọnịsẹ nịnị ẹnị rẹ chẹrẹ ịrẹyị anị, ye si o re. Ọnị ọ vị Ijeesu Anịnazarẹtị, ana vị ozi Ijosẹẹhụ nị.”

Ịjọọnụ 11:27

Di Ịmata ka, “Hịịn, Ananyị yị, mâ dọ wụ́ ka ẹwa vị Ikirisiti ọnọọ ana vị Ozi Ohomorihi ana a kà a ka ọ vaa vẹ ẹhẹ nị.”

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

Ịjọọnụ 4:25

Dị ọnẹẹ ọnọọ ka, “Mâ yẹ ka Imesaya ana aā hị́ Ikirisiti vaa vẹ ẹhẹ. Ọ̀ọ vẹ, ọ vaa kà avaba ịsaa zụ̀ yị.”

Ịjọọnụ 4:42

Dị ẹ kụkụ kà a yị ọnẹẹ ọnọọ ka, “Ẹ ya raà sị ayị tụra a booro aanị, ẹ yị vị agụvị ịrẹyị ọnị ụ kà yị kẹnẹ; ama ẹyị ụvọta ọ sị ịrẹyị anị wụ́, ya sị yẹ ka ịzẹyịza, ọnị ọ vị Ikirisiti, ana vị Ọdọzaha anẹhẹ nị.”

Ịjọọnụ 6:69

Ya sị dọ wụ́, ya rẹ sị yẹ ka ẹwa vị Ọza Ọnịnị Ohomorihi nị.”

Ịjọọnụ 7:41

Dị aza ẹnyị ka, “Ọnị ọ vị Ikirisiti ọnọọ nị.” Ama dị aza ẹnyị ka, “Aanịka Igariri Íkirisiti ọnọọ vaa hụrẹẹ vẹ nị?

Odeyi 10:36

Wâ yẹ ụtụ oni Ohomorihi tụ́ hi Anisirẹrị nịnị. Ini oze Ijeesu Ikirisiti, ộ kà enube ọyịza ẹngwọọrọ yị aza. Ijeesu ọnọọ ọ nyị avaba ịsa nị.

Odeyi 13:23

Ọnya ini ezi Idevidi Óhomorihi sị mẹ ọdọzaha, dị ọ sị ọọ va yị Anisirẹrị, anka ọ mẹ̀ vịdị kà a tịtẹ nị. Ọdọzaha ọnọọ ọ vị Ijeesu nị.

Odeyi 17:3

Dị aa kà a yị wa, dị ọ raa sịị zụ̀ wa ka â nyị ka Ikirisiti ọ̀ rị ụya, dị ọ̀ rẹ ha kwẹẹtẹ hụụnị isu nị. Dị Ịpọọrụ ka Ijeesu ọnị ọnị aa kà ịrẹyị anịị yị wa aanị, ọ vị Ọdọzaha nị.

Odeyi 2:36

“Agụvị avọọ ẹwụ nịnị Anisirẹrị, yẹ nịnị ịzẹyịza ka Ijeesu ọnọọ ọnị ụ kanyị za ọchị nịnị, ọnị Óhomorihi mẹ Ananyị yị ọnịrị Ọdọzaha nị!”

Odeyi 5:31

Ohomorihi ọ raà sị ọọ tụ́ ẹba éyi ụvọrị anị, ka ọ̀ vị Ohinọyị ọnịrị Ọdọzaha. Dị ọ̀ rẹ mẹ ka Anisirẹrị nịnị è ro ịnẹ varẹma, dị ọ̀ vagu wa ịnị ịvị ẹnịnị.

1 Anịkọrịntị 15:47

Eteesu asị mẹ ọnịpaapa nị, ama ọnụpọhụva ọnị vị ana hụrẹ ẹbẹẹba vẹ.

Anihwiripi 2:11

Avaba ẹnịnị rẹ vaa sị irenu ẹnịnịị kà a ka Ijeesu Ikirisiti ọ vị Ananyị yị nị. Ọnọọ rẹ vaa sị igirima yị Ohomorihi ana vị Ada anị.

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

Anikorasi 2:6

Ụ mẹ̀ sị Ijeesu Ikirisiti dọ ka ọnị ọ nyị wụ nịnị aanị nị, waa mẹ̀ ebira ana vọrọ tụra ọza ọnị ọnịrị Ikirisiti sị vị ọnya.

1 Ịjọọnụ 4:14

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.