Iruuku 2:10 - IWE ỌNỊNỊ

¹⁰ Dị anggẹẹrị ọnọọ kà a yị wa ka, “Asị u rè hí angwa nịnị! Enube ọyịza mị va kà wụ nịnị nị, ọnị ọ vị ka ịnẹ avaba aza vee hine ẹtẹẹtẹrẹ.

Iruuku 2:10 ပူးပေါင်းရင်းမြစ်များ

Oyinyima 12:3

Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.

Ayịsaya 40:9

Ẹwụnị ene hi Ijerusarẹmị hịrẹ nọ ịrẹsụ ataba, dị waa ka enube ọyịza yị Ịzayọnị. Sị ọngwẹ tụ́ ẹba, dị ụ wa nọ ka Ijerusarẹmị ọ kụ̀rà eyi tụ ẹba asị o hí angwa. Kà ẹ yị ẹkụra-ẹkụra ene hi Ijuda ka Ohomorihi ẹnịnị yị.

Ayịsaya 41:27

Ẹnẹyịmavara kà ọnị ọ vị ọnịpaapa ana ka enube yị Ịzayọnị nị; Ọnị ọ tụ ọnụtụ hi Ijerusarẹmị ka aza ẹnịnị va vaa vẹ eehi nị.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Ayịsaya 52:10

Ẹnẹyịmavara ọ sị ụvọ ọnịnị anị tana eyi avaba anẹhẹ. Avaba aza ene hi ịzị ẹhẹ ana ta hi vee re Óhomorihi ayị mẹ vaa dọ aza anịị ha.

Ayịsaya 52:7

Ộ da zoza ka è vene re ka ọnụtụ aa vẹ ịrẹsụ ataba, anaa vaa kà enube ẹngwọọrọ dị ọ sị enube ịrajẹ ve. Ọza ana vaa kà a ka, “wa sị ha nịnị”. Ọza ana vaa kà a yị Ịzayọnị ka, “Ohomorihi awụ nịnị ọ vị Ohinọyị nị”.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

Ịdanịyẹrị 10:19

Dị ộ ka, Ohomorihi ọ da sị ịrẹyị anị kẹnẹ, agụvị avọọ a sị ọnị hí angwa, ẹngwọọrọ ọ̀ sị vị aanị. Ộ ka, ọnị ọ sị tụ ọtụtụrụma dị asị ọnị va ẹngụ hi ẹtẹ. Ịdanịyẹrị ka ịjị ọ maanị sị ka yị ọnị, dị ọnị sị ụkata nyị huna avọọ nị. Dị ọnị ka, aarịhịnị ịsị ọ̀ọ nyị ọ yị ka ọ̀ kà a yị ọnị agụvị ka ọ ra mệ ka ọnị ọ nyị ụkata booro aanị nị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Imatiwu 14:27

Dị Ijeesu wụsẹ kà ịrẹyị yị wa nị, dị ọ ka, “Và ayị nẹtẹ nịnị! Ẹmịị yọ nị, asị u hí angwa nịnị!”

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Imatiwu 28:5

Dị anggẹẹrị ọnọọ kà a yị anẹẹ ẹnẹẹ ka, “Asị u rè hí angwa nịnị! Mâ yẹ ka Ijeesu anaa kanyị za apavahị u wee sì nịnị nị.

Ịmaakị 1:15

dị ọ ka, “Ụmẹ o si tù, ọ sị vọ chee, dị ịjọva Ohomorihi ọ̀ vẹ. Ro ịnẹ varẹma hụụnị ebira odivi awụ nịnị, dị ụ wa dọ enube ọyịza wụ́ nịnị!”

Ịmaakị 16:15

Dị Ijeesu kà a yị wa ka, “Waa nọ avaba ẹhẹ nịnị, dị ụ waa kà enube ọyịza yị avaba anẹhẹ nịnị.

Iruuku 1:13

Dị anggẹẹrị ọnọọ kà a yọ ka, “Ịzakaraya, asị u hí angwa agụvị ka Ohomorihi ọ raà wụ́ aduwa awụ. Erizabẹẹtị ose ewu vaa ma ozi ọnọrụ ọnyaa yị wụ, Ịjọọnụ ụ vaa yị ọ nị.

Iruuku 1:19

Dị anggẹẹrị tụ́ ọọ ohi dị ọ ka, “Ẹma vị Igebirẹẹrị nị. Ọvịdị Ohomorihi mịị̄ jẹẹ nị. Ộ tụ́ mị ka ma va kà ịrẹyị yị wụ, dị ma sị enube ịrajẹ ọnọnị va yị wụ nị.

Iruuku 1:30

Dị anggẹẹrị ọnọọ kà a yọ ka, “Imeri, asị u rè hí angwa, Ohomorihi ọ sị wụ re eyi.

Iruuku 2:11

A sị ozi ọnya ma yị wụ nịnị ajịnị tụ́ ịnị ẹkụra Idevidi. Ozi ọnọọ ọ vị Ọdọzaha nị, ọnị ọ vị Ikirisiti Ananyị yị nị.

Iruuku 24:47

Ịnị ịrẹha anị a vaa yàa kà enube ọyịzaa yị aza ka è ro ịnẹ varẹma hụụnị ebira odivi ẹnịnị, dị Ohomorihi ọ̀ vagu wa ịnị ịvị ẹnịnị nị. E vee nyimaa hụrẹ Ijerusarẹmị, dị ẹ vavọọ kà a pooro na ngụ avaba ẹhẹ.

Iruuku 8:1

Ịnị ụmẹ ọnya, di Ijeesu aa ngụ ịnị ẹkụra ọbanyị ọnịrị ẹkụra oweyii zị, dị aa kà enube ọyịza ịzị Ohomorihi yà aa mẹ ịjọva nị. Ọnịrị ezirẹma anị ẹwụrẹva ẹ zị nị.

Odeyi 13:32

Dị ẹyị raa kà enube ọyịzaa wụ nịnị, ka oto oni Ohomorihi wo yị ada ayị nịnị,

Aniroomi 10:15

Ọza ọ̀ yị tụ́ ọza ka ọ̀ na kà enube ọnọọ, ọ mẹmẹ va naa kà a? Â vịdị vavọọ chẹrẹẹ tụ́ ini Iwe Ohomorihi ka, “Ọọ da zoza kẹnẹ ka aza anaā kà enube ọyịza aa vẹ.”

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.