Iruuku 18:9 - IWE ỌNỊNỊ

⁹ Ijeesu o re che ụhịrẹyị ọnọnị yị aza ene ee re ẹngụ ẹnịnị ka ẹnị ệ vị ọnịzẹyịza, dị ẹyaa sị eyii wụ̀ aza ana vọ. Ọ kà,

Iruuku 18:9 ပူးပေါင်းရင်းမြစ်များ

Ụhịrẹyị 30:12

Aza ẹnyị vị ene ro ka ẹnị ẹ gụ ịnị eyi ẹnịnị, ama ẹnịnị e divi anka ụsẹmụsẹ ịnị ututu.

Ayịsaya 65:5

Ẹnịnị vanaā kà a yị aza ana vọ ka, “kana kwooze, a sị ụ sị ụvọ kanyị yị, ka aza ọnịnị ị vị̀ nị.” Ẹmịrị ẹngụ aza ẹnẹẹ ẹ yị zụ mẹ ọnya. Màa kụ ayịị hi wa, vị ọ sị mẹẹ anka ịra ene è yi me mí avọọ nị.

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Ireevi 13:32

Ịhị ẹ tụ ọ ẹkụhị ịhịmba, ohirẹsụ irehi Ohomorihi rẹ vaa zama ụkụ ọnọọ re, ẹngụhụ anị ọnọnị ẹ̀ yị gara hị́ ọ ẹngụ, dị ẹ̀ yị rẹ nyị ẹyị ẹnyị gegege ịnị anị nị, ịtahụ ọnọọ ẹ̀ yị nyịnẹ huni ụpẹngụ anị ana kara a,

Iruuku 10:29

Ama ọzwọzọda ọnọọ ee sì ka ọnị ọ̀ jị ịhị yị ẹngụ anị; dị ọ họ̀ Ijeesu ka, “Ẹnẹ vị ọnọhụva amị kẹ?”

Iruuku 15:2

Dị Anihwarisi nịnị ọnịrị ọzwọzọda nịnị aa rị ihuhu, dị ẹ ka, “Ọnọrụ ọnọnị aa dọ aza edivii pe ẹngụ, ọ hyakụ ee beri waa rị ịsa bẹẹ.”

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Iruuku 18:11

Dị Anihwarisi ọnọọ kwẹẹtẹ jẹẹ aha anị irenyi, dị ọ maanị aa mẹ̀ aduwa nị ka: ‘Ohomorihi, mâ kụ́ wụ avọ ka mẹ yị yà aza ana vọ mẹ̀ yà: aza anaā họ́họ̀ha, dị ẹyaa mẹ irikichi, dị ẹ rẹ yaa sẹ̀ ịrẹka. Mẹ yị hyakụ yà anka ọdẹkẹhirehi ọnọnị bẹẹ.

Iruuku 19:7

Ịjị aza maanị ree, dị ẹyaa rị ihuhu nị, ka, “Ho! Ijeesu o ne ree chí ini irehi ọza odivi o!”

Iruuku 7:39

Ịjị Anihwarisi ana hị́ Ijeesu nọ ini eehi anị aanị maanị re e, dị aa kà a ịnị ayị anị ka, “Àa vị ọnịsẹ ọnọrụ ọnọnị vị nị, ọ yaanị yẹ ẹngụ ọnẹẹ ana aa kanyị ọọ aanị, ka ọsẹrẹka ọ vị nị.”

Ịjọọnụ 8:48

Dị Aniju nịnị tụ́ Ijeesu ohi, dị ẹ ka, “Aanịka yẹ yị vịdị yị kà a ka Anịsamarịya ụ vị nị, ka wâ nyị ụhwẹ echu?”

Ịjọọnụ 9:28

Dị ẹyaa kụ̀ ọọ ụhụ nị, dị ẹ ka, “Ẹwụ nya kẹnẹ ọ vị ozirẹma anị, ẹ yị vị ezirẹma Imosiisi.

Ịjọọnụ 9:34

Dị ẹnịnị tụ́ ọọ ohi, dị ẹ ka, “Ẹwụ ana a ma, da a rẹ sị enyi ịvị kà, ee sì ka wa zụ̀ yị ịsa nịị? Dị ẹ dụ ọọ kwooze nị.”

Odeyi 22:21

Dị Ananyị yị ka maa na, ka vị ọnị aa tụ́ mị huuu nọ ịda Anigiriki nịnị nị.”

Aniroomi 10:3

Ẹnịnị ẹ yị yẹ, Óhomorihi mẹmẹẹ̄ jị ịhị yị ọza. Ẹnị ee sì ka ẹnị ẹ̀ zị oze ẹ́ẹngụ ẹnịnị mẹẹ. Ẹ yị zẹẹ ka ẹnị ẹ̀ saasa oze oni Ohomorihi ọnịị̄ zịị jị ịhị yị ọza.

Aniroomi 14:10

Sị ẹ vavẹ, dị waa jị ịvịị yị ọnọhụva awụ? Sị ẹ vẹ dị waa sị eyii wụ ọnọhụva awụ? Avaba ayị ọ va naa jẹẹ ọvịdị Ohomorihi, dị aa mẹ̀ ọkarẹyị ayị nị.

Aniroomi 14:3

Ọza ana dọ ka ọnị ọ zụ rị avaba ịsa, asị ọ sị eyi wụ̀ ọza ẹnẹ ẹ̀ yị vavọọ dọ! Ayị rẹ vọrọ ka ọza ẹnẹ ẹ̀ yị mā rị avaba ịsa, ọ̀ọ jị ịvịị yị ọza ana ka ọnịị̄ rị avaba ịsa! Wâ yẹ ka Ohomorihi ộ dọ ọ.

Aniroomi 7:9

Ịjị mẹ̀ yị vịdị yẹ ọda, máa yàra, ẹ yị nyị ịrẹyị. Ịjị ọda vẹ, ịvị ọ sị ụkata nyị,