Iruuku 17:3 - IWE ỌNỊNỊ

³ Sị eyi pe ẹngụ awụ nịnị! Ọhụva awụ ọ̀ọ rị ịvị awụ, ụ tụ́ ọọ ohuvọ! Òo ro ịnẹ varẹma, dị ụ vagu ọọ!

Iruuku 17:3 ပူးပေါင်းရင်းမြစ်များ

Ahẹ Ụgama 141:5

Mâ dọ ka aza ana aa mẹ ịzẹyịza è vene tụ́ mị dị ẹ̀ẹ tụ́ mị ohuvọ. Mâ yẹ ka vi e sì ịrẹyị amị nị. Ẹngụ ẹnẹẹ vị ana sị mẹẹ angwẹ ozoza ana a sịị̄ sisi ọza ịrẹsụ Mẹ yị vaa kà ka mẹ yị dọ ẹngụ ẹnẹẹ. Ama aza edivi vị ọnị maa mẹ̀ aduwa ịnị ẹhẹ amị ka asị ẹ̀ zụ mẹ̀ ebira odivi ẹnịnị.

Ọyịkụra 34:12

Sị eyi pe ẹngụ awụ nịnị, o. Asị ụ na zẹẹ ka ẹwụrị anẹkụra ọnị ụ waa nọ nịnị aanị ọ̀ na rị vabẹ. Ẹwụrị wa ọ̀ọ na rị vabẹ, vi eyee vene wuu ngụ ụvọ nị.

Ụhịrẹyị 17:10

Aa tụ ọyẹrẹyị ohuvọ ụpẹ ọnya ọ zụ zị ọ ẹngụ huni èe tu ọnụra inori ụpẹ ẹchẹhị.

Ụhịrẹyị 27:5

Ọza ọ̀ tụ ọza ohuvọ ịnị eyigede ọ mẹ hụụnị ka ọza oo gu ụra hi ọza ẹngụ ka vị́ ọnị vị ọta anị nị.

Ụhịrẹyị 9:8

Asị ụ tụ́ ọza anaā sịị ẹngụ tụ ẹba ohuvọ agụvị asị ọ nyị ịhyẹrẹ awụ. Ama waa tụ́ ọnịrẹyọyẹ ohuvọ dị ọ sị ịrẹsụ nẹtẹ yị wụ.

Ireevi 19:17

Asị ẹ sị ịrẹyị ọhịmị ọza tụ ịnị ịnẹ, ama ọza ọnị ẹnịrị ọ̀ọ nyị ịrẹyị, ẹnịrị wa ẹ̀ kà a, agụvị à sị ẹ na hụvị ọza mẹ̀ ịvị.

Imatiwu 18:21

Dị Ipita ve tù Ijeesu, dị ọ họ̀ ọ use ka, “Ananyị yị, ụ́pẹ yà ọnọhụva amị vaa mẹ mị ịrẹyị, dị ma yịị vagu ọọ? Ụpẹ ịhịmba wáá yọ?”

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Anẹhwẹsọsị 5:15

Agụvị avọọ sị eyi pe ẹngụ awụ ịnị avaba ebira ọnị ụ waa mẹ nịnị! Asị ụ rẹ̀ mẹ anka aza ẹnẹ ẹ̀ yị nyị ịsị ẹ yẹ; ama waa mẹ̀ ebira ọza ana yẹ ịrẹyị nịnị!

Iwe Ọhụhị Imosiisi ana aa hị́ Ọyịvatụrọda 4:15

Ẹnẹyịmavara mẹ̀ beri ẹwụ nịnị ka ịrẹyị hụụnị ịra ịrẹsụ ataba Ịsịnayị ẹ yị nyị ịsọnyịsọnyị ọnị ụ rẹ. Ẹnịnị ee sị ọyịza yị ẹngụ ẹnịnị, ẹ sị eyi pe ẹngụ ẹnịnị.

Iwe Ọhụhị Imosiisi ana aa hị́ Ọyịvatụrọda 4:23

Avọọ, ọnị e su ịnị ẹtẹ ọnọnị, dị asị e hi ayị oto ọnị ẹnịrị Ẹnẹyịmavara Ohomorihi ẹnịnị mẹ. Ẹ saasa ọda, dị asị ẹ mẹ̀ ori ẹnyẹẹnyị,

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Ijemiisi 5:19

Ẹwụ nịnị ẹyịnyara amị, àa nyị ọza ịnị awụ nịnị ana há hụrị oze ịzẹyịza Ohomorihi, dị ọza ịnya za a vavẹ nị,

2 Ịjọọnụ 1:8

Sị eyi pe ẹngụ awụ nịnị agụvị asị ụkọrọ awụ nịnị na vị osusu, ama dị ụ wa zụ rị ọgụ ụkọrọ awụ nịnị gụ.