Iruuku 13:8 - IWE ỌNỊNỊ

⁸ Dị ọza ene ee tenyii hi ụbazị ọnọọ ka, Ọga, rẹ sị ayịrọnị tụ́ ọọ yọ. Maa chị ẹtẹẹ kara a, dị ma kụ́ ịhyẹrẹ ụnọ hi ọ.

Iruuku 13:8 ပူးပေါင်းရင်းမြစ်များ

Ahẹ Ụgama 106:23

Ohomorihi vi ana ka ọnị ọ̀ yaanị wụ̀ wa va ha, à yị vị oni Imosiisi ọnị ọ nyị va jị Ohomorihi oze, dị ọ̀ yị zẹẹ ka ọ̀ sị ọyịkụ wụ̀ wa và ha.

Ọyịkụra 34:9

Dị ọ ka, “Ananyị mị, aarịhịnị wèe nyị mi iyi navọ wa saasa yị na. Ịzẹyịza aza ẹnẹnị vị anakamawụ, ama navọ wa vagu yị ịnị avaba ebira odivi ọnị yaa mẹ̀ aanị. Navọ wa sị yị mẹ aza awụ.”

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ijeremaya 18:20

Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Ijowẹrị 2:17

Ohirẹsụ irehi Ohomorihi nịnị ana vi ezi ahụ anị, ẹ jẹẹ ịnị akakana ụta ịsọvọ ọnịrị oze irehi Ohomorihi, dị ẹẹ jị òrèrè, dị ẹẹ mẹ̀ aduwa: Dị ẹ da ịpẹ ka Ẹnẹyịmavara ọ vayị aza anị. Asị ọ zẹ ka anẹkụra ọsa nịnị ẹ sị eyi wụ̀ wa, dị ẹẹ nyi wa unyi, di e yee họ̀ use ka ịzị Ohomorihi ẹnịnị ya.

Iruuku 13:7

Dị ọ kà a yị ọza enee tenyii hi ụbazị anị ka: ‘Re! Hụrẹ ịrayị ẹẹta ọnị mị hụrẹ ee sì ẹtụtụ ịrẹsụ ọchị ọnọnị yị, ama me yi re ikonya há. Má a kwooze! Sị ọ yà ịzẹnị ee du ẹtẹẹ haa mẹ!’

Iruuku 13:9

Ọ̀ọ na tụ́ ẹtụtụ ụpọsa, ô zoza; ọ̀ yị na tụ́, dị ụ kụkụ má a kwooze!”

Iruuku 14:35

Ọ yị nyị ịsị ọ kụkụ wụra mẹ ini eteesu, ọza ọ yị rẹ zụ sị mẹ ịsị ẹẹ̄ sị ẹtẹẹ zoza, vi e kuku ee ne e ta nị. Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ o!”

Aniroomi 10:1

Ẹwụ nịnị ẹyịnyara amị, maa mẹ̀ aduwa, ayị amị ee sì ọọ ẹtẹẹtẹrẹ ka ọ maa navọ Anisirẹrị nịnị ẹ̀ zụ há.

Aniroomi 11:14

Àa ka ọnị mẹ, mị zụ mẹ ka anẹkụra amị è zụ beri Anigiriki kụ̀ ụhị, dị à nyị ịsị mị zụ mẹ, dị Ohomorihi ọ̀ dọ aza ẹnẹ ẹ̀yị vị Aniju kụ̀ ụhị, dị à nyị ịsị mị zụ mẹ, dị Ohomorihi ọ̀ dọ aza ẹnyị ẹnịnị há.

2Ipita 3:9

Aza ẹnyị ee roo ka Ohomorihi aa za ịrẹyị anịị tura ẹtẹ, ọ yị mẹ̀ ịsa ọ kà a ka ọnị vaa mẹ. Ẹ́ yị vavọọ ọ mẹ vị. Ama vị ọ nyị isuuru wụ nịnị nị, agụvị ka ó yi sì ka ọzọnyị-ọzọnyị ò vú ẹtẹ, ama ee sì ka avaba aza è ro ịnẹ varẹma hụụnị ịvị ẹnịnị.