Iruuku 13:1 - IWE ỌNỊNỊ

¹ Ịnị ụmẹ ọnọọ, â nyị aza ẹnyị ana yà ịzọọ. Dị ẹ kà a yị Ijeesu, Ípayireti mẹmẹ wụ̀ Anigariri ẹnyị, ẹ màa mẹ ịsọvọ hi Ohomorihi nị.

Iruuku 13:1 ပူးပေါင်းရင်းမြစ်များ

Arụwẹ 2:20

Tee! Ẹnẹyịmavara, sị ẹ vẹ dị ọ maanị aa sị ụya rị yị aanị? Ọnyị ozi nịnị kụkụ aa rị ezi ẹnị ẹnịnịị sì ịrẹyị anị. Ohirẹsụ irehi Ohomorihi ọnịrị ọnịsẹ nịnị vana kụkụ aa wụ̀ ịnị irehi Ohomorihi bẹẹ.

Imatiwu 27:1

Ịnị ẹnẹnẹ viri-viri, avaba ohirẹsụ ẹbanyị irehi Ohomorihi beri ọdọvịdị Aniju nịnị ê gẹ eyi Ijeesu ka à wụ ọọ.

Imatiwu 27:2

Ệ sụ́ Ijeesu orupa, dị ẹ và a tụ́ ọvịdị, dị ẹ sị ọọ na yị Ipayireti ana vị ịgọvọnọ ịzọọ nị.

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

Odeyi 2:7

Ô hí wa irenu pooro, dị ẹyaa kà a yị ẹngụ ka, “Áa vị Anigariri aza ana aa kà ịrẹyị aanị vị?

Odeyi 5:37

Ịrẹma ọnọọ, ịnị ụmẹ ana aa za aza ịrịka, dị Ijudasi ọnya aanị, Anigariri ọnị rẹ vẹ, dị ọnị rẹ tọ̀ọ́ aza kú ẹngụ nị. Dị a rẹ wụ ọnị, dị aza anị ẹnị rẹ gara hi nị.