Iruuku 12:9 - IWE ỌNỊNỊ

⁹ Ama ọza ana àa rẹ kà a ẹ́yị aza ka ọnị ọ yị yẹ mị, ẹmị rẹ vaa kà a ọ́vịdị anggẹẹrị Ohomorihi ka ẹmị ẹ yị rẹ yẹ ẹ.

Iruuku 12:9 ပူးပေါင်းရင်းမြစ်များ

Imatiwu 10:33

Ama ọza ana àa rẹ kà a éyi aza ka ọnị ọ yị yẹ mị, ẹmị rẹ vaa kà a ọ́vịdị Ada amị ẹbẹẹba ka ẹmị ẹ yị rẹ yẹ ẹ.”

Imatiwu 25:12

Dị ọva ọnẹẹ ọnọọ tụ́ wa ohi ka: ‘Ịzẹyịza m maa kà nị, mẹ yị yẹ wụ nịnị vụrụ-vụrụ.’

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Imatiwu 7:23

Dị mị kà a yị wa ka: ‘Mẹ yị vịdị yẹ wụ nịnị; hụrẹ mi eyi nịnị, ẹwụ nịnị enebira kẹnẹ-kẹnẹ!’ ”

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Iruuku 15:10

Dị ma rẹ kà a wụ nịnị ka avọọ gẹdẹ-gẹdẹ anggẹẹrị Ohomorihi màa jẹ ịrajẹ agụvị ọnịvị ọnya ene ro ịnẹ varẹma nị.”

Iruuku 22:57

Dị Ipita ka ireche yọ nị. Ọ kà, “Ọnẹẹ ọnọnị, mẹ yị hyakụ yẹ ọza ọnị ụ waa kà aanị.”

Iruuku 9:26

Agụvị avọọ, àa nyị ọza ana aa nyị ụhị ọyịkà a ka áamị ọnị vị nị, à vị ka dị aa nyị ụhị ịrẹyị amị nị, ẹmị Ozi ọza onigirima rẹ vaa mẹ nyị ụhị ọyịkà kà a ka ọza ọnọọ vị áamị, ịjị màa vavẹ ini igirima amị beri igirima Ada amị ọnịrị áanggẹẹrị ọnịnị nịnị.

2 Itimoti 2:12

Yàa yịị sị ẹngụụ dọ ụya, ẹyịrị ọọ rẹ vaa rị ohinọyị. Yàa kà ka yẹ yị yẹẹ, ọnị rẹ vaa kà a ka ọnị ọ yị rẹ yẹ ẹyị.

1 Ịjọọnụ 2:23

Ọza ẹnẹ ẹ̀ yị dọ Ozi Ohomorihi, vị ẹ̀ yị rẹ dọ Ohomorihi Ada ayị avọọ nị. Ama ọza ana àa sị Ozi Ohomorihi dọ, vị ọ rẹ dọ Ohomorihi Ada ayị avọọ nị.

1 Ịjọọnụ 2:28

Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ.

Ẹtore 3:8

Máa yẹ ịsụ ụ mẹ. Máa yẹ ka ẹ yị nyị ụkata awụ yà. Wa sị sị ụvọ za ịrẹyị amị, wẹ yị kà a ka wẹ yị yẹ mị. Ma raà na oze hi ẹtẹ wụ, ana ahịka ẹ yị nyị ọza ene zụ gu ọọ.