Iruuku 11:9 - IWE ỌNỊNỊ

⁹ Dị ma kà a wụ nịnị: Wee họ̀ use ịsa nịnị ka a vaa sị yị wụ nịnị! Wee sì ịsa nịnị ka u vee re e nịnị! Waa sị ụvọọ ká oze nịnị ka a vaa na oze yị wụ nịnị!

Iruuku 11:9 ပူးပေါင်းရင်းမြစ်များ

Ahẹ Ụgama 118:5

Ịjị ẹngụ amị kata, me nowu na za Ẹnẹyịmavara. Ộ ba mi owu, dị ọ dọ mị hụrẹ ụvọ ọnịvị nị.

Ahẹ Ụgama 27:4

Ịsị mee sì ọnị maa dá ịpẹ ka Ẹnẹyịmavara ọ̀ mẹ mị! Ọ vị ka ma zụ yà ini eehi anị pooro ịnị avaba ẹhẹ amị Màa vavọọ yà ini eehi anị di mee re ụbanyị anị. Mee sì ka maa yà ini irehi anịị mẹ̀ aduwa pooro.

Ahẹ Ụgama 27:8

Ayị amị vị ana kà a mị ka maa hẹkẹ wụ. Ẹnẹyịmavara, ẹwụ mị vaa hẹkẹ ịzẹyịza nị.

Ahẹ Ụgama 34:10

Wáá yẹ ka ịjị ẹnyị ụngwẹ kụ̀ idu nịnị di e yi re ịsa rị? Ama aza ana ahịka ẹẹ̄ mẹ̀ ịsa ẹnẹ Ẹnẹyịmavara kà, ẹ yị nyị si e yee sì ẹnị è yi vee re.

Ahẹ Ụgama 34:4

Mâ ma dá ịpẹ yị́ Ẹnẹ yị mā vara ka ọ̀ gụ mị ụvọ ịzẹyịza dị ọ gụ mị ụvọ nị Dị ọ dọ mị tụ́ hụụnị ụvọ avaba ịsị e vịdị ee chire mị angwa nị.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ahẹ Isoromọnị 5:6

Mâ na oze yị ọza ọnị mị maanị sì ịrẹyị anị, ama ó si hu. Aayẹ ma wụ̀ ka aa kà ịrẹyị. Mê sì ọ zịịzị, ama mé yi ré e. Mâ hị́ ọ, ama é yi tụ́ ohi.

Ayịsaya 45:19

Ọnị e yi were ka ịrẹyị. Ọnị ẹ yị ka yị Anisirẹrị nịnị ka ẹ họ̀ use ịsa ọnị ọnị ẹ yị vaa zụ mẹ yị wa. Ịzẹyịza ọnịrị ịsa ana vọrọ ọnịị̄ kà a nị.

Ijeremaya 29:12

Ịjọnọọ, ụ kụkụ vaa hị́ ọnị nịnị, Ẹnẹyịmavara kà ụ vaa vẹ vaa mẹ̀ aduwaa hi ọnị nịnị, dị ọnị tu u nini ohi.

Ijeremaya 33:3

wa hị́ ọnị ka ọnị vee tu u ohi, dị ọnị ka ịsị ẹbanyị-ẹbanyị ọnị ọza ẹ̀ yị yẹ́ iruvo anịị yị ụ. Ịsa ọnị wẹ yị yẹ.

Ịdanịyẹrị 9:3

Ọ kà ịjị ọnị maanị re e kẹnẹ, dị ọnị ệ ro ịrẹyị Ohomorihi Ananyị yị nị. Di oni nyima â mẹ̀ aduwa, dị ọnị â dá ịpẹẹ yọ nị. Ọ kà ọnị ệ yị rị ịsa, dị a hịka ịta kawụ-kawụ ọnya aanị kẹnẹ ọnị sị vụ, dị ọnị kụ atịtọ ku ịrẹsụ nị.

Imatiwu 21:22

Ịsa tụra ịsa ọnị ụ wàa dá ịpẹ anị nịnị wàaa mẹ̀ aduwa, dị ụ dọ wụ́ nịnị nị, u wee re waa dọ nị.”

Imatiwu 21:31

Ye re ana mẹ̀ ịsa ana ada anị sì ịnị ẹnị ẹyịva avọọ?” Dị ẹ kà a yọ ka, “Ọnịpaapa yọ nị.” Dị Ijeesu kà a yị wa ka, “Ịzẹyịza m maa kà a wụ nị: Aza edivi ọnịrị ọsẹrẹka nịnị vaa vịdịị ngụ ịzị Ohomorihi yà aa mẹ ịjọvaa tụ́ wụ nịnị.

Imatiwu 6:29

Dị ma kà a wụ nịnị ka Isoromọnị ộ nyị ụbanyị obodaasụ, ama ọ yị nyị ịta ene zoza anka ọnya ini ododo ẹnẹẹ.

Ịmaakị 11:24

Agụvị avọọ dị ma kà a wụ, wàa mẹ̀ aduwa, ịsa tụra ịsa ọnị ụ wàa dá ịpẹ anị, dọ wụ́ ka wa sị ọọ re dọ, agụvị we re e dọ.

Ịmaakị 13:37

Ịsị mị kà wụ nịnị aanị, mị rẹ kà yị avaba aza nị: Sị eyi pe ẹtẹ nịnị, oo!”

Iruuku 11:10

Agụvị ka avaba ọza ene èe họ̀ use ịsa, aā sịị yọ; ọza ene èe sì ịsa, oō re e; ọza ana àa rẹ sị ụvọ ká oze, a vaa na oze yọ.

Ịjọọnụ 14:13

Ịsa tụra ịsa oni u wèe họ̀ use anị ịnị ịrẹha amị nịnị, mị vaa mẹ̀ ẹ, agụvị dị à zụ sị igirima yị Ada amị ini oze ẹmị Ozi anị.

Ịjọọnụ 15:16

Ẹ yị vị ka ẹwụ nịnị ọ nyị mị nị, ama ẹma vị ana nyị wụ nịnị nị. Mâ nyị wụ nịnị ka wa zụ naa nyị ẹtụtụ nịnị ẹtẹẹtẹrẹ ana vaa yà pooro zịna-zịna, agụvị ịsa tụra ịsa ọnị ụ wàa họ̀ Ada amị use nịnị ịnị ịrẹha amị, dị ọ̀ sị yị wụ nịnị.

Ịjọọnụ 15:7

Wàa zẹẹ ka ẹmịrị ẹwụ nịnị ọ̀ vị ọnya, dị ịrẹyị amị yà ịnị ayị awụ nịnị nị, we zụ họ̀ use ịsa tụra ịsa ene èe zé wu nịnị eyi, ụ waa nyị ọọ nịnị.

Ịjọọnụ 4:10

Dị Ijeesu re tụ́ ọ ohi, dị ọ ka, “À kà ka wâ yẹ ẹyịza oni Ohomorihiī sịị yị ọza, dị ụ rẹ yẹ ọza ana kà ka wa ká enyi yị ọnị di oni ò hú nị, ẹwụ rẹ yaanị dá ịpẹ yọ, dị ọ yaanị sị enyi anaā mẹ ka ọza ọ̀ yàra yị wụ.”

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

2 Anịkọrịntị 6:2

agụvị ka Ohomorihi ộ kà a ka: Ọnị ộ wụ́ ịpẹ awụ nịnị ịnị ụmẹ ene zé oni eyi; Ọnị ọ́ rẹ gụ wụ nịnị ụvọ ịnị ẹkụhị ẹdọha. Re, ọyaanị ọ vị ụmẹ ene zé Ohomorihi eyi nị; ọyaanị ọ vị ẹkụhị ọ vị ẹkụhị ọnị ọ zụ sị dọ wụ nịnị há nị.

Anihiburu 11:6

Ọza ẹnẹ ẹ̀ yị sị ayị tụra Ohomorihi, ọ yị nyẹngụ zé Ohomorihi eyi vụrụ-vụrụ. Iruvo ọ vị ka ọza ana àa vẹ ịdị Ohomorihi, áa nyị ka ọ̀ vịdị dọ wụ́ da ka Ohomorihi yà ịzọọ, ọnịrị ka ọọ̄ sị ọgụụ yị aza ene èe sì ọọ.

Anihiburu 4:16

Agụvị avọọ, à vẹ ya nyị ọtụtụrụma, di ye tere vẹ ọvịdị aga ohinọyị ịzị Ohomorihi yà dị aa mẹ ọyịzaa yị aza. Ịzọọ Ohomorihi vaa vayị ayị, dị ọ rẹ gụ yị ụvọ ịnị ụmẹ oni yèe sì ọgụvọ nị.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Ijemiisi 5:15

Aduwa ana àa mẹ ini oze ka aa sị ayị tụra ịrẹha Ananyị yị, vaa mẹ ọnịkụ ọnọọ ụkụ anị, Ananyị yị vaa sị ọọ kwẹẹtẹ. Àa vị ọ mẹ ịvị nị, Ohomorihi vaa vaagu ọ ịnị anị.

1 Ịjọọnụ 3:22

Ịsị yèe họ̀ use hụụnị ụvọ anị, ọ raa sịị yị, agụvị ka yaa saasa ọda anị; ị raa mẹ̀ ịsa ene zée eyi.

Ẹtore 2:24

Ẹwụ nịnị ana vọ ene hi Itiyatira, wẹẹ̀ yị saasa ịsa odivi ọnị ọnẹẹ ọnọọ aa sịị zụ̀ aza nịnị. Wẹẹ̀ yị jị ụvọ ngụ ịrẹyị Echu ana nyịnẹ. Mẹ yị vaa da ẹnya ọsaa tụra wụ nịnị.