Iruuku 11:1 - IWE ỌNỊNỊ

¹ Ẹkụhị ọnya, dị Ijeesu aa mẹ̀ aduwa aha ọnya aanị nị. Ịjị ọ sị hụụnị aduwa, dị ọnya ini ezirẹma anị kà a yọ ka, “Ananyị yị, sị zụ̀ yị, a mẹ̀ vọrọ ka yaa mẹ̀ aduwa, anka Ị́jọọnụ ọnị mẹ̀ rẹ sị zụ̀ ezirẹma anị!”

Iruuku 11:1 ပူးပေါင်းရင်းမြစ်များ

Ahẹ Ụgama 10:17

Ẹnẹyịmavara, mâ yẹ ka ụ vaa wụ́ ịpọda oniruwa nịnị, ụ rẹ vaa gụ wa ụvọ.

Ahẹ Ụgama 19:14

Ẹnẹyịmavara, ịda awụ mị vaka tụ́ nị Navọ wa dọ ịrẹyị ọnị maa kà ọnịrị ịrẹyị ọnị mee ro.

Iruuku 10:42

 nyị ịsa ọnya chọchọchọ anaa vọrọ ka ya nyị; ịsa ana vọrọ ọnọọ, Ímeri nyị aanị nị. Ọza ọ yị vaa dọ ọ hụrẹ ẹ ụvọ.”

Iruuku 11:2

Dị Ijeesu ka, “Wàaa mẹ̀ aduwa nịnị, kà a ka: ‘Nda, â vọrọ ka à sị ụbanyị yị ịrẹha awụ. Navọ ụmẹ ịjọva awụ ọ̀ vẹ!

Iruuku 6:12

Ẹkụhị ọnya, dị Ijeesu hịrẹ nọ ịnị ataba ka ọnị aa na mẹ̀ aduwa nị. Dị ọ yà ịzọọ ịnị avaba ịrahụ, dị aa mẹ̀ aduwa nị.

Iruuku 7:13

Ịjị Ananyị yị re e, ayị anị ộ vá a. Dị ọ kà a yọ ka, “Asị u rè sụ ùnè!”

Iruuku 7:19

Dị Ịjọọnụ hị́ ẹẹva ini ezirẹma anị, dị ọ tụ́ wa nọ ịdị Ananyị yị ka ẹ̀ na họ̀ ọ ka, “Ẹwáá vị ọza ana a ka ọ vaa vẹ nị, à vị ye yii zí ọza ẹnẹsa eyi?”

Iruuku 9:18

Ẹkụhị ọnya, di Ijeesu ọnịnya na aa mẹ̀ aduwa nị; ezirẹma anị ê ve tù ọ, dị ọ họ̀ wa ka, “Ẹnị aza sị ọ hị́ ka máa vị?”

Iruuku 9:28

Ịnị ana tụ́ ọọ ẹkụhị ịhịnta oni Ijeesu maanị sị ịrẹyị ẹnẹnị kà, dị ọ sị Ipita ọnịrị Ịjọọnụ beri Ijemiisi nọ ịnị ataba ọnya aanị, dị ọ na mẹ̀ aduwa ịzọọ nị.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

Ijudi 1:20

Ama yị ẹwụ nịnị anda ayị, waa gụ ẹngụ ụvọ nịnị, di ụ waa vịra nịnị tụ́ ịnị ẹdọwụ oni Ohomorihi sị wụ nịnị. Waa mẹ̀ aduwa nịnị anka Ụhwẹ Ọnịnị ọ̀ọ mẹ sị ụkata yị wụ nịnị.