Iruuku 10:7 - IWE ỌNỊNỊ

⁷ Yà ini eehi ọnọọ nịnị; ịsa tụra ịsa ẹnẹ ẹ̀ẹ sị wụ nịnị, dị ụ rị ọọ nịnị! Ịsa oyihù ẹnẹ ẹ̀ẹ sị wụ nịnị, di u hú ọọ nịnị, agụvị ka â vọrọ ka ọnụkọrọ ọ̀ dọ ẹkẹhị ụkọrọ anị. Asị u hụụnị eehi ẹnyị na ngụ ọsa nịnị.

Iruuku 10:7 ပူးပေါင်းရင်းမြစ်များ

Ịrịka 18:31

Ẹnịrị ovwoovu ẹnịnị ẹ zụ rị ọ ịzị e zee wa eyi. Utosi ụkọrọ ọnị ẹ yaa ịnị ajẹngụ anị ọ vị ọnọọ nị.

Ịmaakị 6:10

Dị ọ kà a yị wa ka, “Irehi ana àa dọ wụ nịnị azọga aha tụra aha ọnị ụ wàa nọ, yà ịzọọ nịnị pooro, dị ụ wa hụụ ịzọọ nịnị!

Iruuku 10:6

Àa nyị ọza ene sì ịrẹyị ẹngwọọrọ ịzọọ, ẹngwọọrọ awụ nịnị vaa yà ịzọọ; ẹ̀ yị vavọọ nyị ọza, dị ẹngwọọrọ awụ nịnị ọ̀ và ká wụ nịnị vẹ.

Iruuku 9:4

Ọ kà, “Irehi tụra irehi ọnị ụ wàa ngụ nịnị, yà ịzọọ nịnị pooro dị ụ wa va hụrẹ ẹkụra ọnọọ nịnị!

Odeyi 16:15

 mẹ̀ ọyịhwọzenyi yọ beri aneehi anị. Dị ọ dá ịpẹ ka ya vẹ ini eehi anị, yàa dọ ka ọnị ộ nyị ịzẹyịza hi Ananyị yị. Dị ọ dá ịpẹ yị ẹtẹẹtẹrẹ nị.

Odeyi 16:34

Dị ọ sị Ịpọọrụ ọnịrị Isira nọ ini eehi anị, dị ọ sị ịsọyịrị yị wa nị. Ọnịrị aneehi anị kụkụ aa jẹ, agụvị ka ẹ sị Ohomorihi dọ wụ́.

Odeyi 16:40

Dị Ịpọọrụ ọnịrị Isira hụụnị ẹngwa, dị ẹ nọ ini eehi Iridiya nị. É re ọdọwụ nịnị ịzọọ, dị ẹ tụ́ wa ọtụtụrụma, dị ẹ hụụ ịzọọ nị.

Anigaratiya 6:6

Aza ana aa kọsẹ ịrẹyị Ohomorihi, ịsị ọ̀ọ nyị, ọnịrị ọza ana aa sị ịrẹyị Ohomorihi zụ̀ ọọ è dudu gàa!

Iwe Ọhụhị Imosiisi ana aa hị́ Ọyịvatụrọda 12:12

Ụ vaa yà ọvịdị Ẹnẹyịmavara Ohomorihi awụ nịnị, dị ụ waa jẹ ịrajẹ. Ẹwụrị ezi ọnọrụ awụ nịnị ọnịrị anẹẹ. Ẹwụrị ọrịhị awụ nịnị anọrụ ọnịrị anẹẹ, beri Anireevi ana ra ẹkụra awụ nịnị; tamayị nịnị ka Anireevi nịnị ẹ yị nyị ẹtẹ yị ẹngụ ẹnịnị ụvọta.

Iwe Ọhụhị Imosiisi ana aa hị́ Ọyịvatụrọda 18:8

Ọpa ịsọyịrị anaa sịị yị ohirẹsụ irehi Ohomorihi ana vọ a rẹ vaa sịị yị ọnị nị, ọ̀ọ daka vị aza ệ sị ịsa va yọ.

1 Itimoti 5:13

Ẹ yị vị avọọ kẹnẹ, dị ẹyaa nyị uworo, dị ẹ rẹ yaa ngụ irehi-irehii zị. Ene divi hu ọ vị ka, dị ẹ kụkụ aa kụ́ ọza ịrẹkaa zị, dị ẹyaa jị eyii ngụ ịnị ịrẹyị ọnịrẹyị, dị ẹ rẹ yaa kà ịsa ẹnẹ ẹ̀ yị vọrọ.

2 Itimoti 2:6

Ọkụrịkụ ene re osiye ụkọrọ, a vọrọ ka ọ̀ vịdị rị ịnị ịsa ịnị aarẹ anị nị.