Iruuku 10:2 - IWE ỌNỊNỊ

² Dị ọ kà a yị wa ka, “Ịsa ịnị aarẹ ọ sị hụrẹ tụ́ ịnị aarẹ, ộ rụrụ; ama ẹ yị nyị ọnụkọrọ yà. Waa dá ịpẹẹ yị ọza ana nyị aarẹ nịnị ka ọ̀ tụ́ aza, dị ẹ̀ na mẹ̀ ịsa ịnị aarẹ.

Iruuku 10:2 ပူးပေါင်းရင်းမြစ်များ

1 Ohinọyị 18:22

Di Erija rẹ kà, “Ẹmị ịnyara kẹnẹ ọ vị ọnịsẹ Ẹnẹyịmavara ana vọ nị. Ama ọnịsẹ Ịbaarị ẹnị vị ẹnị akava tụra ẹvarẹwụ.

Ahẹ Ụgama 68:11

Ananyị yị ọ sị ịrẹyị kà, di Ohomorihi anyẹnẹẹ kụkụ aa kà ana nị

Ijeremaya 3:15

Ọ kà ọnị vaa sị ẹngụ ọza ana vaa wụ́ chire ọnịị yị wụ nịnị ene vee sere wụ nịnị anka oseratẹmẹ avọọ. Ọza ọnọọ vaa sị ịrẹyọyẹẹ pá wụ nịnị.

Ịzakaraya 11:17

Oseratẹmẹ kẹnẹ-kẹnẹ ọnọọ ọ sị da, ọ raà para atẹmẹ anị hu. Ịrẹkụ vee du avaba ụkata anị. Ụvọ anị vaa su, di eyi ụvọrị anị gu.

Ịzakaraya 11:5

Aza anaa hị́ wa vị ana a wụ̀ wa, dị ọza ẹ yị sị ụya rị wa. Aza ana ná wa vị ana kụ́ Ẹnẹyịmavara avọ ka ẹnị ẹ raà nyị ẹkẹhị. Oseratẹmẹ ẹnịnị ẹ yị vayị ẹnịnị vụrụ-vụrụ.

Ịrịka 11:17

Ọnị vee chi vẹ, dị ọnị ọ ka ịrẹyị yị wa. Ọnị vaa ga ụkata ọnị ọnị sị Imosiisi yị wa agụvị di e pe e za ẹnya aza, dị asị ọ vị ọnị ịnyara.

Ịrịka 11:29

Ama dị Imosiisi tụ ọ ohi ka ọ́ọ́ waa kụ ịhị agụvị anị aanị nị? Dị ọ ka ọnị o si ka avaba aza ẹ nyị ụkata dị ẹ ka ịsẹ.

Imatiwu 20:1

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka adarehi ọnya aanị, ana kwẹẹtẹ ẹnẹnẹ viri-viri ka ọnị ọ̀ na dọ anụkọrọ, dị ẹ̀ va mẹ̀ ụkọrọ yị ọnị ịnị ụbazị anị.

Ịmaakị 13:34

Vị ọ sị mẹẹ anka ọza ana aa hụrẹ eehi, dị ọ sị irehi anị chire ezi ahụ anị ụvọ, dị ọ ka è sị eyi pee nị. Dị ọ sị ụkọrọ yị ọzọza, dị ọ rẹ ka oserẹtẹ òo sere ẹtẹ nị.

Ịmaakị 16:15

Dị Ijeesu kà a yị wa ka, “Waa nọ avaba ẹhẹ nịnị, dị ụ waa kà enube ọyịza yị avaba anẹhẹ nịnị.

Ịmaakị 16:20

Dị ezirẹma anị na, dị ẹ naa kà enube ọyịza avaba aha nị. Ananyị yị aa mẹ ọgụvọọ yị wa, dị aa sịị zụ ka ịrẹyị ẹnẹ ẹyaa ka vị ịzẹyịza zị oze ini oze apọtẹrẹwa ana aa mẹ nị.]

Iruuku 9:1

Ẹkụhị ọnya, Ijeesu ộ hị́ ezirẹma anị ẹwụrẹva gụ, dị ọ sị ọda ọnịrị ụkata yị wa ka ẹ̀ naa dụ avaba ụhwẹ echu nịnị ị jịnẹ hụụnị ẹngụ aza, dị ẹ̀ rẹẹ mẹ aza ụkụ nị.

Odeyi 11:19

Ọdọwụ ẹnyị vị ana gara hi ịnị ụmẹ ụyọrị ana a yà ịnị anị wụ Isitivini. Aza ẹnyị ệ hyakụ na pooro na ngụ Ihwonesiya, aza ẹnyị ệ nọ Ịsayịpịrụsị, dị aza ẹnyị rẹ nọ Antịyọkị nị. Dị ẹ yaa kà enube ọyịza ọnọọ yị Aniju nịnị kẹnẹ nị.

Odeyi 13:2

Ẹ màa mẹ ụkọrọọ yị Ananyị yị, dị ẹyaa za awẹ, dị Ụhwẹ Ọnịnị kà a yị wa ka, “Sị Ịbanabasị ọnịrị Ịsọọrụ tịtẹ mị nịnị, dị ẹ̀ na mẹ̀ ụkọrọ ọnị mị hị́ wa tụ́ ịnị anị!”

Odeyi 13:4

Aza ẹnị ẹyịva ọnị Ụhwẹ Ọnịnị tụ́ ụtụ aanị, ê chí nọ Iserusiya, dị ẹ na ngụ ẹpa hụụ ịzọọ, dị ẹ nọ Ịsayịpịrụsị nị.

Odeyi 20:28

Sị eyi pe ẹngụ awụ nịnị! Du we re sị eyi pe avaba aza Ohomorihi ọnị Ụhwẹ Ọnịnị si chire wu nịnị ụvọ! Waa tẹsị anịragụ Ohomorihi nịnị! Wâ yẹ nịnị ka anya ẹngụ anị ọ sị mẹ ka ẹ̀ vị áanị nị.

Odeyi 22:21

Dị Ananyị yị ka maa na, ka vị ọnị aa tụ́ mị huuu nọ ịda Anigiriki nịnị nị.”

Odeyi 8:4

Ọdọwụ nịnị ana gara hi, ệ nọ avaba aha, dị ẹyaa kà enube ọyịza nị.

1 Anịkọrịntị 12:28

Ohomorihi ọ raà sị ọzọza tụ́ udi anị ịnị ịragụ anị. Udi ịpaapa, áa nyị Ezirẹma Ijeesu nịnị; udi ụpọhụva, áa nyị ọnịsẹ nịnị. Udi ụpọhụta, dị a rẹ nyị ọzwọzịsa nịnị nị. Dị a kụkụ va nyị aza ana aa mẹ̀ ụkọrọ ohyozirenu nị, dị a rẹ nyị aza anaa sị ụkata yị ka ẹ̀ẹ mẹ aza ụkụ, dị ẹ̀ẹ gụ aza ụvọ nị. Dị aza ẹnyị ẹnị aa sị oze zụ̀ aza; dị aza ẹnyị raa sị ẹkụra ọsaa kà ịrẹyị nị.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Anihwiripi 2:21

Ọzọza vị ene ee sì ẹ́ẹngụ anị kẹnẹ. Ẹnịnị ẹ yị tẹsị ịrẹyị Ikirisiti.

Anihwiripi 2:25

Mèe roo ka áa vọrọ ka ma tụ́ Ẹpahwịrọdịtụsị vavẹ ve tù wu nịnị. Ẹmịrị ọ dudu vị ọdọwụ. Ẹmịrị ọ ore dudu mẹ̀ ụkọrọ, di i re dudu và ụvọ bẹ kụ́ ịrẹkụ nị. Ọnị ụ tụ́ vẹ nịnị ka ọ̀ va gụ mị ụvọ ini oze ịsa ọnị mẹ yị nyị nị.

Anihwiripi 2:30

Ọ sị vọ chee ò wusu agụvị ụkọrọ Ikirisiti kẹnẹ. Ộ sị ịrẹsụ tụ́ isu, agụvị ọ̀ nyẹngụ mẹ ọgụvọ ọnị ụ yaanị mẹ yị mị nịnị.

Anikorasi 1:29

Agụvị avọọ m maa sị avaba ụkata oni Ohomorihi sị mịị mẹ̀ ụkọrọ ọnọnị nị. Maa vụrị ka ma zụ mẹ̀ ụkọrọ ọnọọ ta.

Anikorasi 4:12

Epahwirasi ka ọnị rẹ kụ́ wụ nịnị. Anda awụ nịnị ọnị rẹ vị, dị ọ rẹ vị ozi ahụ Ijeesu Ikirisiti nị. Ọọ̄ mẹ̀ aduwaa wụ nịnị ẹtẹẹtẹrẹ, ka waa vịraa tụ́ ịnị ịsa Ohomorihi nịnị; dụ wa zụ yẹ ịsị Ohomorihi sì, dị ụ wa rẹ zụụ mẹẹ nịnị.

1 Anịtẹsaronika 2:9

Ẹwụ nịnị ẹyịnyara amị, wáa tamayị, ị mẹmẹ mẹ̀ ụkọrọ, di i re osiye. Yáa mẹ̀ ụkọrọ ọọdụ ọnịrị ịrahụ, agụvị asị ị na vị ẹnya yị ọzọnyị-ọzọnyị awụ nịnị, ị màa kà enube ọyịza Ohomorihii yị wụ nịnị.

1 Anịtẹsaronika 5:12

Ẹwụ nịnị ẹyịnyara amị, aarịhịnị, waa sị ụbanyị yị aza ana aa mẹ̀ ụkọrọ ịnị akakana awụ nịnị ẹnị ana vịra hu wu nịnị ini oze Ananyị yị, dị e re yee pe wu nịnịị juwe.

2 Anịtẹsaronika 3:1

Ẹwụ nịnị ẹyịnyara amị, dị ma va za ịrẹyị amị ẹtẹ, waa mẹ̀ aduwaa yị nịnị ka ịrẹyị Ohomorihi ọ̀ wụsẹẹ garaa hi ẹtẹ, dị ọ̀ọ nyị ụbanyị, anka ọ mẹ̀ yà ịdị awụ nịnị!

1 Itimoti 4:10

Agụvị avọọ, ị vụrị aa mẹ̀ ụkọrọ nị, agụvị ka yáa sị eyi tụra Ohomorihi ana yára. Ọnị ọ vị Ọdọzaha avaba aza nị, hu keekere, aza ana hyakụ sị ayị tụraa.

2 Itimoti 4:5

Ama ewè re ka wáa sị ụvọ za ẹngụ awụ ịnị avaba ịsa! Waa sị ẹngụụ dọ ụya, dị waa kà enube ọyịza anka ụkọrọ awụ! Di u we re ka waa mẹ avaba ụkọrọ awụ saka-saka!

Ihwirimọnị 1:1

Ẹmị Ịpọọrụ ana yà ịnị ẹngwa agụvị enube ọyịza Ijeesu Ikirisiti ne beri ẹnẹbẹnị ayị Itimoti ini Ikirisiti aa chẹrẹ iwe ọnọnịị tụ́ụ hi ẹwụ ọta ayị Ihwirimọnị oni yi sì ịrẹyị anị, ọnị ẹyịrị dudu aa mẹ̀ ụkọrọ ọnyara.

Anihiburu 3:6

Ama Ikirisiti ọnị vị ozi. Ộ nyị ịzẹyịza tụ́ ini eehi Ada anị. Ẹya vị aza anị ọnọọ nị, yaa nyị ọtụtụrụma, dị ị sị ịrajẹ sị eyi tụ́ ịnị ịsa ọnị yee zi eyi pooro nee tù ẹtẹ nị.

Ẹtore 2:1

(Ọza oni mi re ka): Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Ẹhwẹsọsị ka: Ọza ana kụ́ ụzọmị ịhịmba tụ́ ịnị ụvọ anị dị aa zị ụsẹ ịnị akakana ịzị aā sị ozotupaa tụ́ ịhịmba ana a sị igooru mẹ avọọ, ọ tụ́ mị ụtụ ọnọnị nị: