Iruuku 1:8 - IWE ỌNỊNỊ

⁸ Ẹkụhị ọnya, o si tù ka ogu Ịzakaraya ọ̀ na mẹ̀ ụkọrọ. Dị Ịzakaraya aa mẹ̀ ụkọrọ anị anka ohirẹsụ irehi Ohomorihi ọ́vịdị Ohomorihi nị.

Iruuku 1:8 ပူးပေါင်းရင်းမြစ်များ

1 Ịtọpa 24:19

 chẹrẹ ịrẹha aza ẹnẹnị tịtẹ beri ụkọrọ ana a sị yị wa, ka ẹẹ nọ ini irehi Ohomorihi naa mẹ̀ ụkọrọ ẹnịnị anka ohiku ẹnịnị Eerọnị mẹ vịdị kà a tịtẹ yị wa. Avọọ Ẹnẹyịmavara, Ohomorihi Anisirẹrị mẹmẹ mẹ̀ ẹ ọda yị Eerọnị nị.

1 Ịtọpa 24:2

Inadavu ọnịrị Avihu e vịdị sú tụ́ ada ẹnịnị nị. Ẹnịnị ẹ yị ma ozi di e su, agụvị avọọ dị ahịka ẹyịnyara ẹnịnị, Eriyaza ọnịrị Ịtama ẹ vana vị ohirẹsụ Ohomorihi.

2 Ịtọpa 11:14

Anireevi nịnị vị ana navọ ẹtẹ aarẹ ọnịrị ogu ẹnịnị dị ẹ vẹ Ijuda ọnịrị Ijerusarẹmị agụvị ka Ijerobowami ọnịrị ezi anị ana dọ ịrẹsụ ẹ̀ yị zẹ ka ẹnịnị ẹ mẹ̀ ụkọrọ anka ohirẹsụ irehi Ẹnẹyịmavara Ohomorihi.

2 Ịtọpa 31:19

 nyị ẹnị ohirẹsụ irehi Ohomorihi ana ra hi ịzị a dà tịtẹ yị evere Eerọnị, dị a nyị ẹnị ana ra hi ịzị aa kụ ịsụpa rị ana a sị vaka ẹtẹ ẹnịnị yị wa nị. Ịnị ẹngụ ẹnịnị, â nyị aza ana a nyị ka ẹẹ gà ịsọyịrị yị avaba anọrụ ini ovwoovu ohirẹsụ irehi Ohomorihi nịnị, dị ẹ̀ rẹẹ sị ịsọyịrịị yị avaba ẹnị ana a chẹrẹ ịrẹha ẹnịnị tụ ezi Ireevi nịnị.

2 Ịtọpa 31:2

Ohinọyị Ihezekaya ô tenyi ohirẹsụ irehi Ohomorihi ọnịrị Ireevi nịnị ga hi ogwoogu, dị ộ ga ụkọrọ yị ogu ọzọza ana aa mẹ̀ nị. Ẹ yaa mẹ̀ ịsọvọ ọyịrịịra, dị ẹ yaa mẹ̀ ịsọvọ ayohine, dị ẹ rẹẹ̀ nyị tụ́ ịnị ụkọrọ ahẹkẹ nị. Ẹ yaa kụ́ avọ, dị ẹ yaa jị ahẹ ga Ẹnẹyịmavara ịnị irehi anị nị.

2 Ịtọpa 8:14

Idevidi ada Isoromọnị ộ saasa ọda ọnị ada anị Idevidi vịdị mẹ̀ tịtẹ ka aa sịị mẹ̀ ụkọrọ ịnị irehi Ohomorihi. Ohirẹsụ irehi Ohomorihi vị ọnị ọ́ nyị ka ẹẹ mẹ̀ ụkọrọ ịnị irehi Ohomorihi, dị Anireevi nịnị ẹẹ̄ gụ wa ụvọ dị ẹẹ̄ jị ahẹ. Dị ộ ga ụkọrọ yị oserẹtẹ nịnị eneē sere oze ọnyọọnya eyinị-eyinị. Avọọ Idevidi ọza Ohomorihi mẹ mẹ̀ ọda yị wa nị.

Ẹzịra 6:18

Ệ rẹ mẹ̀ eto ụkọrọ ahẹkẹ ịnị irehi Ohomorihi ana ya Ijerusarẹmị yị ohirẹsụ irehi Ohomorihi nịnị ọnịrị Anireevi nịnị anka ọda ọnị Imosiisi mẹ kà a.

Ọyịkụra 28:1

Ẹnẹyịmavara ọ rẹ kà a yi Imosiisi ọ ka kà a ka à sị Eerọnị ẹnẹbẹnị awụ hụụnị Anisirẹrị nịnị va wụ. Kà a ka ọnịrị Inadabi, Abihu ne beri Eriyaza ọnịrị Ịtama ezi anị ẹ̀ zị vẹ. Ẹnị ẹ vaa vị ohirẹsụ irehi amị dị ẹ yaa mẹ ụkọrọọ mị nị.

Ọyịkụra 28:41

Wàa maanị raà kụ́ ẹnya ẹnẹẹ hi Eerọnị ọnịrị ezi anị ẹngụ, dị ụ va ká angwẹ kú wa, dị ụ nyị wa tụ́ ịnị ụkọrọ amị. Sị wa dị ẹ̀ kụkụ vị aamị, dị ẹ̀ vi ohirẹsụ irehi amị dị ẹ̀ẹ mẹ ụkọrọọ mị.

Ọyịkụra 29:1

Ịhị wàaa sị Eerọnị nịnị vaa mị ka ẹ̀ va vi ohirẹsụ irehi amị dị ẹ̀ẹ mẹ ụkọrọọ mị, dị ụ mẹ ịsị mee vee juwe anị aanị. Zama ozi imaaru ọnya ọnịrị ịdẹba ẹẹva ẹnị ẹ̀ yị nyị ịsị ẹ mẹ̀ vụrụ-vụrụ dị wa sị waa hụụnị ịsụpa awụ.

Ọyịkụra 29:44

Mị vaa sị ajẹngụ ọnọọ ịzị aā gẹ dị mị sị mẹ ajẹngụ amị. Mị rẹ vaa sị ụta ọnọọ mẹ ụta amị, dị mị rẹ nyị Eerọnị ọnịrị ezi anị ka ẹ̀ vị ohirẹsụ irehi amị dị ẹ̀ẹ mẹ ụkọrọọ mị.

Ọyịkụra 29:9

dị ụ rẹ jị ẹnị ubobo. Dị ụ vụ Eerọnị ọnịrị ezi anị ụbaja. Ido ọ vị pooro zịna-zịna nị ka ẹnị ẹ vaa vi ohirẹsụ irehi amị nị. Avọọ ụ mẹ̀ vaa nyị Eerọnị ọnịrị ezi anịị tụ́ ịnị ụkọrọ amị nị.

Ọyịkụra 30:30

Sị angwẹ nyị Eerọnị ọnịrị ezi anị dị ụ wa sị wa mị dị ẹ̀ vị ohirẹsụ irehi amị dị ẹ̀ẹ mẹ ụkọrọọ mị.

Ịrịka 18:7

Ama Eerọnị ọnịrị ezi anị ẹ vị ohirẹsụ irehi Ohomorihi ana vaa hẹkẹ ẹ nị. Ẹnị ịnya kẹnẹ ẹ zụ gụrị ụta ịsọvọ, dị ẹ rẹ ngụ aha enyisi nị. Ẹnẹyịmavara kà ẹyịza ọnị mẹ yị wa ka ẹẹ hẹkẹ ọnị anka ohirẹsụ Irehi anị nị. Aza ana vọ ẹ̀ẹ ngụ aha enyisi à wụ́ wa.

Iruuku 1:5

Ịnị ụmẹ ọnya aanị ọnị Ịhẹrọdị vị ohinọyị Ijudiya, â nyị ohirẹsụ irehi Ohomorihi ọnya ana aā hị́ Ịzakaraya. Ini ogu Abija Ízakaraya yà nị. Ose anị vị ozi Eerọnị, ịrẹha anị ọ rị Erizabẹẹtị nị.

Iruuku 1:7

Ẹnịnị ẹ yị ma ozi agụvị ka Erizabẹẹtị vị ọbọrị. Ẹnị ẹyịva ệ da vịra ẹtẹẹtẹrẹ.