Iruuku 1:72 - IWE ỌNỊNỊ

⁷² Ọ kà ọnị vaa vayị ohiku ayị, dị ọnị rẹ tamayị oto ọnịnị ọnị ọnị wo yị wa.

Iruuku 1:72 ပူးပေါင်းရင်းမြစ်များ

Oyinyima 12:3

Ọza ana àa ka oze yọ, dị ọnị rẹ mẹ ka ò zee yọ. Ọza ọnọọ Ọza òo si eyi wụ, vi oni ee chii hi ọza ọnọọ nị. Di o re ka avaba anẹhẹ vaa mẹ̀ aduwa ka ò zee yị ẹnị anka o mè zee yọ.

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

1 Ịtọpa 16:16

Ịrẹyị ọnọọ vị ọnị ọ vịdị kà yị Abụrahamị, dị ọ rẹ hị́ eku anị yị Ayiziiki ka ọnị vaa mẹ̀ ẹ nị.

Ahẹ Ụgama 105:42

Ohomorihi ộ vavọọ mẹ agụvị ka ộ tamayị ịrẹyị ọnị ọ kà yị Abụrahamị ozi ahụ anị ka ọnị vaa mẹ.

Ahẹ Ụgama 106:45

Ohomorihi ộ hụ ụvị ẹnịnị tamayị ịrẹyị ọnị ọ kà tịtẹ, dị ọ nyị isuuru yị wa nị agụvị ka ô sì ịrẹyị ẹnịnị ẹtẹẹtẹrẹ.

Ahẹ Ụgama 111:5

Aza ene hí angwa anị vị ọnị ọọ̄ sị ịsọyịrị yị. O mē hi ayị ịrẹyị ọnị ọ kà tịtẹ ka ọnị vaa mẹ.

Ahẹ Ụgama 98:3

Ộ tamayị ka ọnị ộ vịdị kà a yị Anisirẹrị ka ịzẹyịza ọnị ve sii sì ịrẹyị ẹnịnị nị. Avaba anẹhẹ ẹ si o re ka Ohomorihi ọ nyị ehuna nị.

Ezikẹẹrị 16:60

Ama ọnị vaa mẹ ịsị ọnị ọnị kà a ka ọnị vaa mẹẹ yị wụ ụmẹ ọnị ụ vị ozweyi, dị ọnị hị́ eku yị wụ ọnị ọnị ẹ̀ yị vaa và ịnị anị pooro.

Ezikẹẹrị 16:8

Ọ kà ọnị mẹ rẹ vanaa paraahu dị ọnị ré wụ, ọnị ô ré ka wa sị hụụ ọ họ̀ ịrẹyị. Ọnị ộ chire wu awuru ka we si ku ahwaahụ awụ, dị ọnị ka ọnị oo sì ịrẹyị awụ nị. Ẹnẹyịmavara Ananyị ụkata hu ka, ịzẹyịza, ọnị ộ kà a ka ọnị vaa nyị wụ, dị ụ kụkụ sị vara áanị.

Ireevi 26:42

Ọnị vaa tamayị ịrẹyị ọnị ọnị hị́ eku anị yị Ijekọvụ, Ayiziiki, ọnịrị Abụrahamị. Ọnị é yi vee hí ayị ịsa ọnị kà ka ọnị vaa sị ẹtẹ ọnọọ yị ẹnị aza anị.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Aniroomi 11:28

Aniju nịnị ẹyị dọ enube ọyịza, agụvị avọọ ẹnịnị ẹ sị vara ọnịvị Ohomorihi, dị ọnọọ vị ọgụ yị ẹwụ nịnị nị. Ama agụvị ka Ohomorihi ọ sị wa nyị, ẹnịnị yị vị ọta Ohomorihi agụvị ịrẹyị ohiku ẹnịnị.

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.