Iruuku 1:7 - IWE ỌNỊNỊ

⁷ Ẹnịnị ẹ yị ma ozi agụvị ka Erizabẹẹtị vị ọbọrị. Ẹnị ẹyịva ệ da vịra ẹtẹẹtẹrẹ.

Iruuku 1:7 ပူးပေါင်းရင်းမြစ်များ

Oyinyima 17:17

Di Abụrahamị tana tụra ẹtẹ, dị ọ và eyi kú ẹtẹ di ee nyinyi nị. Di ee ro o ịnị ayị anị ka: áá kụkụ zụ ma ozi yị ọza ana sị gụ ịrayị ẹchẹhị? Isera ana sị gụ ịrayị ẹnarẹwụ aanị ọ kụkụ zụ ma ozii?”

Oyinyima 18:11

Abụrahamị ọnịrị Isera ẹ sị vịra ẹtẹẹtẹrẹ. Isera ọnị ọ yị hyakụ kụkụ re ịsa ọnyẹnẹẹ anị.

Oyinyima 25:21

Ose Ayiziiki vị ọbọrị, dị Ayiziiki aa dá ịpẹẹ yị Ẹnẹyịmavara nị. Ẹnẹyịmavara ộ wụ́ aduwa anị, di Irebeka ee zyẹẹ nị.

Oyinyima 30:1

Irechẹrị ô re ka ọnị ọ yị ma ozi yị Ijekọvụ. Di o nyima di ee pè onyeyiza anịị kụ̀ ụ̄hị nị. Dị ọ ka Ijekọvụ ọ̀ yị si ozi yị ọnị ma, vị ọnị ee sú nị.

1 Ohinọyị 1:1

Ịnị ụmẹ ọnya ohinọyị ana aā hị́ Idevidi ọ sị vịra ẹtẹẹtẹrẹ, ộ ta bo. Ahị aa za a, ịta kẹnẹ ẹ yị kú ọ ahị.

2 Ohinọyị 4:14

Erisa ộ vana họ̀ Igehazi ka: Sị́ ẹnị zụ mẹ̀ ẹ yọ da? Dị Igehazi tụ́ ohi ka, ọnẹẹ ọnọnị ẹ yị ma ozi, dị ọva anị re sì bo nị.

Iruuku 1:5

Ịnị ụmẹ ọnya aanị ọnị Ịhẹrọdị vị ohinọyị Ijudiya, â nyị ohirẹsụ irehi Ohomorihi ọnya ana aā hị́ Ịzakaraya. Ini ogu Abija Ízakaraya yà nị. Ose anị vị ozi Eerọnị, ịrẹha anị ọ rị Erizabẹẹtị nị.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Iruuku 1:8

Ẹkụhị ọnya, o si tù ka ogu Ịzakaraya ọ̀ na mẹ̀ ụkọrọ. Dị Ịzakaraya aa mẹ̀ ụkọrọ anị anka ohirẹsụ irehi Ohomorihi ọ́vịdị Ohomorihi nị.

Aniroomi 4:19

Abụrahamị aa vaa gụ ịrayị ẹchẹhị, ama vị ọ yị nyayịnẹ sị ayị tụra Ohomorihi nị, ọ yị jị ọọ ịrẹka. O yi ro o ka ọnị ọ yị kụkụ zụ ma ozi, ọnịrị ka Isera ose anị ọ sị kụ̀rà ozi.

Anihiburu 11:11

Isera ọnị ọ rẹ sị ayị tụra Ohomorihi, agụvị avọọ di o zụ zyẹẹ, dị ọ ma ozi ọnya nị. Ịnị ụmẹ ọnọọ, Isera osi huna ọza ana vọrọ ka ọ̀ kụkụ zụ ma ozi. Ama Isera ộ sị ayị tụra Ohomorihi ana ka ọnị vaa mẹ̀ ịsa ka ọnịzẹyịza ọ vị nị.

1 Ịsamụwẹrị 1:2

Erikana ộ nyị ọnẹẹ ẹẹva. Ọnyara ọ rị Ịhaana, dị ọsa ọnị rị Ipenina nị. Ipenina ọnị ộ ma ozi, ama Ịhaana ọnị vị ọbọrị.