Iruuku 1:6 - IWE ỌNỊNỊ

⁶ Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Iruuku 1:6 ပူးပေါင်းရင်းမြစ်များ

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

Oyinyima 7:1

Inowa mẹ̀ sị ẹpa ọnọọ mẹ, di Ẹnẹyịmavara kà a yị Inowa ka: ọnịrị avaba aza anị ẹ̀ na ngụ ịnị ẹpa ọnọọ. Ọ kà ini eyi anị, ẹnị ịnyara aa mẹ̀ ebira ana vọrọ ịnị avaba aza ene hi ẹhẹ aanị nị.

1 Ohinọyị 15:5

Idevidi ộ mẹ̀ ebira ana vọrọ ini eyi Ẹnẹyịmavara. A yi nyị ụmẹ ọnị ọ sị sị ahụ jị ọchị nyee ịnị avaba ọda ẹnị Ẹnẹyịmavara mẹ yọ, pooro ịnị ẹhẹ anị, à yị hụhụ vị ịnị ịrẹyị Uriya Anihiti kẹnẹ.

1 Ohinọyị 9:4

Wàa zẹẹ ka waa zị ụsẹ ini eyi amị anka Idevidi ada awụ mẹ̀ sị ayị ọnya zị ụsẹ, dị ọ mẹ̀ ebira ana vọrọ, dị waā mẹ avaba ịsị mị mẹ ọda anịị wụ, dị wa rẹ si eyi pè avaba ọda amị irenyi-irenyi,

2 Ohinọyị 20:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị.

2 Ịtọpa 17:4

Ộ hẹkẹ Ohomorihi ada anị, dị ọ saasa ọda Ohomorihi, dị ẹ yị hama ohinọyị Anisirẹrị nịnị mẹ̀ ịsa ẹnẹ mẹ nị.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ijoovu 1:8

Dị Ẹnẹyịmavara họ̀ ọ use ka o meme re Ijoovu kẹ? Ijoovu vị ọnịrẹyịzẹyịza ana nyị angwahi anị. Ọ yị mā mẹ̀ ebira odivi.

Ijoovu 9:2

avaba ịrẹyị ọnị Ibiridadi kà vị ịzẹyịza. Ẹ yị nyị ọzarẹyịrẹsụ ana zụ rị ịhị ọvịdị Ohomorihi.

Ahẹ Ụgama 119:6

Màa vavọọ aa sị ụvọọ za avaba ọda ọnị ụ mẹ, ụhị ọ yị vaa nyị mị.

Iruuku 1:7

Ẹnịnị ẹ yị ma ozi agụvị ka Erizabẹẹtị vị ọbọrị. Ẹnị ẹyịva ệ da vịra ẹtẹẹtẹrẹ.

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Iruuku 2:25

 nyị ọnọrụ ọnya aanị Íjerusarẹmị ọnị ịrẹha anị rị Isimiyọnị. Ọnịzẹyịza ọ vị nị, dị ọ rẹẹ̄ hẹkẹ Ohomorihi nị. Ee zí eyi ka Ohomorihi ọ̀ va kụ́ Anisirẹrị vavẹ udi ẹnịnị. Ụhwẹ Ọnịnị yà ịnị ayị anị.

Odeyi 2:25

Idevidi ộ vịdị kà a ini oze Ijeesu ka: “Mee re Ohomorihi Ananyị yị ọ́vịdị amị ụpọsa-ụpọsa; ọ yà eyi ụvọrị amị, ẹ yị nyị ịsị ẹ zụ mẹ mị.

Odeyi 23:1

Dị Ịpọọrụ và eyi ká anikootu, dị ọ ka, “Ẹwụ nịnị anda ayị, mâ yẹ ka ẹ yị nyị ịsị mị mẹ anaa vọrọ ka ọ̀ jị ịvị yị ayị amị ọ́vịdị Ohomorihi pooro ve tù ajịnị.”

Odeyi 24:16

Dị maa sịị vụrị ka me re ka ayị amị ộ nị ọ́vịdị Ohomorihi ọnịrị aza nị.

Odeyi 8:21

Wẹ yị nyị ụvọ tụ́ ịnị ụkọrọ ayị ọnọnị, agụvị ka wẹ yị nyị ayị ọnya ini eyi Ohomorihi.

Aniroomi 8:4

Ohomorihi ộ vavọọ mẹ, agụvị ẹyị ana aa zị ụsẹ anka Ụhwẹ Ohomorihi mè sì, ọ̀ zụ mẹ avaba ịsa ana vọrọ saka-saka ọnị ọda Ohomorihi sì ka aa mẹ.

1 Anịkọrịntị 11:2

Mâ yẹ ka waa tamayị amị nịnị ini oze tụra oze. Wâ mẹẹ ẹtẹẹrẹ nịnị. Waa yịị saasa ịsa ọnị mị raà sị zụ̀ wụ nịnị.

2 Anịkọrịntị 1:12

Yâ yẹ ịnị ayị ịzẹyịza ka ebira ayị ịnị ẹhẹ ọnọnị ọnịrị ịsị yee pe wu nịnịị mẹ, ka ayị ọnya beri ebira Ohomorihi ị yaa sịị mẹ̀ ẹ nị. Ayamva Ohomorihi ọ mẹ ka ya vavọọ mẹ nị. Ẹ yị vị ịrẹyọyẹ ọza kẹnẹ ọ vị. Agụvị avọọ ị yaa sịị jẹ nị.

Iwe Ọhụhị Imosiisi ana aa hị́ Ọyịvatụrọda 5:33

Saasa avaba ọda ọnị Ẹnẹyịmavara ana vị Ohomorihi awụ mẹ agụvị dị oze yị wụ, dị waa kú orubo ịnị ẹtẹ ọnị Ẹnẹyịmavara ana vị Ohomorihi awụ vaa sị yị wụ.

Anihwiripi 2:15

Wa vavọọ mẹ agụvị asị ụ na nyị ohuvọ, dị ụ wa zụ nị nịnị. Ọnọọ ọ vaa mẹ ka wa zụ vị ezi Ohomorihi ẹnẹ ẹ̀ yị nyị ịsa odivi nị. Ụ mẹ̀ yà ịnị akakana anẹhẹ edivi ana ayị ẹnịnị ẹ̀ yị vọrọ aanị, áa vọrọ ka wa vị ẹtohweyi yị wa tụ́ ịnị ẹhẹ nịnị.

Anikorasi 1:22

Ama ọyaanị, ini oze isu oni Ozi anị sú, Ohomorihi ọ sị wụ nịnị vara ọta anị. Ô sú, agụvị ọ̀ zụ sị wụ nịnị nọ ịdị Ohomorihi, dị ụ wa vị ọnịnị nịnị, dị asị ụ nyị ohuvọ, dị asị ụ rẹ nyị ịvị nịnị vụrụ-vụrụ.

1 Anịtẹsaronika 3:13

Ini oze avọọ, dị ụ wa vị ọnịnị nịnị ọ́vịdị Ohomorihi Ada ayị ịnị ụmẹ oni Ijeesu Ananyị yị vaa sị vaa vẹ beri avaba aza anị!

2Ipita 3:14

Agụvị avọọ, ẹwụ nịnị anda ayị, u mèe zí ẹkụhị ọnọọ eyi nịnị avọọ, sị vụrị di u we re ka wáa nyị ebira ọnịnị, dị asị ụ nyị ohuvọ ini eyi Ohomorihi, dụ wa nyị ẹngwọọrọ tụ́ ịdị anị!

1 Ịjọọnụ 2:29

Wáa yẹ nịnị ka Ijeesu Ikirisiti vị ọnịrẹyịzẹyịza; agụvị avọọ wa rẹ yẹ ka ọza ana àa mẹ̀ ịsa ana vọrọ, ozi Ohomorihi ọ vị nị.

1 Ịjọọnụ 2:3

Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị.

1 Ịjọọnụ 3:7

Ẹwụ nịnị ezi emi, asị ụ zẹẹ ka à nyị ọza ene vene wu nịnị! Ọza ana àaā mẹ ịzẹyịza, ọnịrẹyịzẹyịza ọ vị nị, anka Ikirisiti ọnị mẹ̀ rẹ vị ọnịrẹyịzẹyịza.