Iruuku 1:52 - IWE ỌNỊNỊ

⁵² Ọ sị aza ana nyị ọda jị hụrẹ udi ẹnịnị. Dị ọ kụkụ sị aza ẹnẹ ẹ̀ yị nyị ịsị ẹ vị, dị ọ kà wa hịrẹ nị.

Iruuku 1:52 ပူးပေါင်းရင်းမြစ်များ

Ịrẹyị Ọzwọzịsa 4:14

Ẹngụ ozweyi ọnọọ ọ zụ hụụnị ẹngwa va rị ohinọyị, ọ̀ọ daka vị ka ịnị osiye a ma a tụ nị.

Ezikẹẹrị 17:24

Avaba ọchị ene hi ẹtẹ Isirẹrị vaa yẹ ka ọnị ọ vị Ẹnẹyịmavara nị. Ọnị ọọ̄ dị ọchị ana gọdọ nyẹtẹ, dị ọnị mẹ ka ọchị ene weyi ọọ gọdọ nị. Ọnị ọọ̄ mẹ̀ ka ọchị ohwoohu nịnị ẹ wụ, dị ọnị mẹ ka ọchị ana sị wụ ọ̀ vara ohwoohu nị. Ọ kà ọnị Ẹnẹyịmavara ọ sị ọ ka. Ịsị ọnị ka ọnị vaa mẹ, vị ọnị ọnị vaa yịị mẹ.

Emọsị 9:11

Ẹnẹyịmavara kà ụmẹ aa vẹ ọnị vaa varẹma tenyi ẹkụra Idevidi ene du. Ọ kà ọnị vee tenyi eburu irehi anị ene wú. Ọnị vee tenyi ọ̀ da, anka ọ mẹ vịdị yaa ịyẹẹyẹ

Ịmaakị 6:3

Aanị ka ẹ yị vị ikahunta ọnọọ yị, ana vị ozi Imeri? Aa vị ọnị ọ rẹ vị ẹnẹbẹnị Ijemiisi ọnịrị Ijosẹsị beri Ijudasi ọnịrị Ịsayịmọnị? Aa vị ẹyịrị ẹyịnyara anị anẹẹ e dudu yà ịzẹnị?” Dị ẹnịnị aa kụ́ ayị anị nị.

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

Iruuku 18:14

Dị Ijeesu ka, “Dị ma kà a wụ nịnị ka ọdẹkẹhirehi ọnọọ Óhomorihi jị ịhị yị, dị aa nọ eehi nị, ẹ yị vị Anihwarisi ọnọọ. Agụvị ka ọza ana àa kà ẹngụ anị hịrẹ, vị Ohomorihi vaa kà a chí nị; ọza ana àa rẹ kà ẹngụ anị chí, dị Ohomorihi kà a hịrẹ.”

Ijemiisi 4:10

Kà ẹngụ awụ nịnị chi ọvịdị Ohomorihi Ananyị yị, ka ọ vaa sị wụ nịnịị tụ́ ẹba!

1 Ịsamụwẹrị 2:4

Ohomorihi o reè che ọkịta ọkụrẹkụ nịnị ana nyị ụkata. Dị ọ sị aza ana vịdị vị ọkụmị dị ọ vara wa ọnụkata nị.