Ịrịka 9:22 - IWE ỌNỊNỊ

²² Ọ̀ọ daka vị ẹkụhị ẹẹva, ọ vị ụhwẹ, a vị ịrayị eguhi mẹ ịrẹsụ ajẹngụ nị, Avaba Anisirẹrị vị ana vavọọ e zi ọ. Ịhị ọ̀ọ kwẹẹtẹ kẹnẹ ẹnị re wu ẹnịnị dị ẹ yaa zị ụsẹ nị.

Ịrịka 9:22 ပူးပေါင်းရင်းမြစ်များ

Ahẹ Ụgama 107:7

Di Ohomorihi va zụ̀ wa oze ana vọrọ na ngụ ịnị ẹkụra ana vọrọ ka ẹ̀ ra nị.

Ahẹ Ụgama 143:10

Ẹwa vị Ohomorihi amị nị. Navọ ịsị wèe sì ka ma mẹ, ma yẹ. Navọ ò zee mi, dị waa zụ̀ mị oze ọnị mi vaa zi, di asị a nyị ịrẹyị.

Ahẹ Ụgama 32:8

Di Ohomorihi kà ọnị vaa zụ̀ mi oze ana a vọrọ ka mị va zị. Ọ kà ọnị pè mii jị uwe, di ọnị ee sere mị

Ahẹ Ụgama 48:14

Ohomorihi ọnọnị ọ vị Ohomorihi ayị pooro zịna-zịna nị Ọnị ọ vaa zụ̀ yị oze pooro ịnị ẹhẹ nị.

Ahẹ Ụgama 73:24

Wee pè mi juwe ana mẹ ka asị mi nyeeyi, mâ yẹ ka ụ vaa dọ mịị pè ẹngụ, dị ụ sị ụbanyị mị ịnị ụmẹ ọdịrẹma.

Ahẹ Ụgama 77:20

Wâ tụ́ Imosiisi ọnịrị Eerọnị ka ẹ̀ẹ tẹsị aza awụ anka aza ene ee sere ịsụpa mẹ̀ẹ tẹsị ịsụpa ẹnịnị avọọ.

Ọyịkụra 39:42

Anisirẹrị nịnị vị ana mẹ̀ ụkọrọ ọnọọ anka Ẹnẹyịmavara mẹ̀ kà a yị Imosiisi gẹdẹ-gẹdẹ.

Ọyịkụra 40:16

Ịzẹyịza di Imosiisi mẹ avaba ịsa ẹnẹẹ anka Ẹnẹyịmavara mẹ̀ kà a yọ nị.

Ịrịka 1:54

Dị Anisirẹrị nịnị mẹ avaba ịsị Ẹnẹyịmavara kà yị Imosiisi nị.

Ịrịka 8:20

Imosiisi ọnịrị Eerọnị ne beri Anisirẹrị nịnị ẹ mẹ̀ avaba ịsa ọnị Ẹnẹyịmavara kà yị Anireevi nịnị.

Ịrịka 9:17

Ụmẹ ọnị eguhi ọ̀ọ va hịrẹ ịrẹsụ ajẹngụ, dị aza aa saasa a ịzị ọ zị pooro ne tu ịzị ọ jẹẹ, dị ẹ ka ahụ jẹẹ ịzọọ.

Ịrịka 9:21

Ụmẹ ẹnyị eguhi vị ana mẹ eyinẹhẹ kẹnẹ, dị aza kwẹẹtẹ obobooro ọnịrị ụmẹ tụra ụmẹ ọnị eguhi oo hu ahụ.

Odeyi 1:4

Ẹ mẹ̀ sị wara gụ, dị Ijeesu hú wa ụvọ, dị ọ ka, “Asị ụ hụrẹ Ijerusarẹmị nịnị! Ama jẹẹ zí ẹyịza ana Ada amị wo oto anị ka ọnị vaa sịị yị wụ nịnị anka m mẹ̀ vịdị kà a wụ nịnị.