Ịrịka 9:19 - IWE ỌNỊNỊ

¹⁹ Eguhi ọnọọ ọ daka ku ịrẹsụ ajẹngụ anị, ẹnịnị vị ana yịị jẹẹ ịzọọ anka Ẹnẹyịmavara mẹ mẹ̀ ọda anị yị wa.

Ịrịka 9:19 ပူးပေါင်းရင်းမြစ်များ

Ọyịkụra 40:37

Ama eguhi ọ̀ yị ta hụụ ịrẹsụ ajẹngụ, ẹyị vaa na. Ộ dị ịhị eguhi ọ̀ọ ta hụụ ịrẹsụ ajẹngụ di e re ve nyima ụsẹ.

Ireevi 8:35

Enoze ajẹngụ Ẹnẹyịmavara ụ́ vaa yà nịnị ọọdụ ọnịrị ịrahụ pooro dị ẹkụhị ịhịmba ọ mẹ nị, dị waa mẹ ịsị ọnị Ẹnẹyịmavara mẹ ọda anị yị wụ nịnị. Wẹ̀ yị vavọọ mẹ̀ ẹ nịnị, u wee sú nịnị nị o. Aanị Ẹnẹyịmavara mẹ mẹ̀ ẹ ọda yị mị nị.

Ịzakaraya 3:7

Ịsị ọnị Ẹnẹyịmavara Ochẹtẹẹngụ kà yị, Ọ kà Ijosuwa ọ̀ọ zị ụsẹ ịnị avaba oze anị, dị ọ mẹ̀ ịsa ọnị ọnị sì nị, ọ vaa mẹ ịjọva tụra irehi anị ịrẹsụ, dị ọ vị ọga tụra avaba ohweje ene hi ini irehi anị nị. Ọnị vaa sị ọ tụ́ udi ịnị akakana aza ene hi ịzọọ.

Ịrịka 3:8

Ẹnịnị e vee si eyi pe avaba ẹnya ene hi ajẹngụ Ẹnẹyịmavara ọnọọ nị.

Ịrịka 9:18

Ẹnẹyịmavara ọ̀ọ ka ẹ kwẹẹtẹ, dị ẹ kwẹẹtẹ, ọ̀ọ ka ẹ jị udi tụ ịzọọ, dị ẹ ka ahụ jẹẹ. Ụmẹ tụra ụmẹ ọnị eguhi ọ ya ịrẹsụ ajẹngụ, ẹ yị nyị ọza ana kwẹẹtẹ.

Ịrịka 9:20

Ụmẹ ẹnyị eguhi vị ana mẹ ẹkụhị che kẹnẹ ịrẹsụ ajẹngụ, dị Ẹnẹyịmavara ọ kà a ka ẹẹ kwẹẹtẹ, dị ẹ rẹ kwẹẹtẹ.