Ịrịka 9:16 - IWE ỌNỊNỊ

¹⁶ Avọọ ẹtẹ mẹ vana ya ịnị avaba ụmẹ nị.

Ịrịka 9:16 ပူးပေါင်းရင်းမြစ်များ

Inehemaya 9:12

Dị ọ zụ ohiku ẹnịnị oze ịnị ụnọmị nị, ọnị ọ da eguhi jẹ ka ọ̀ zụ wa oze ọọdụ, dị eguhi ọnọọ vị ịra ọbanyị ene eyee sii re ẹtẹẹ zị ụsẹ ịnị ịrahụ nị.

Inehemaya 9:19

Ama Ohomorihiī vayị ọza ẹtẹẹtẹrẹ, dị ọ̀ yị navọ ka è vú ẹtẹ ịnị ụnọmị nị. Eguhi ộ zụ wa oze ọọdụ, dị ịra a sị ẹtohweyi zụ wa ịrahụ nị.

Ahẹ Ụgama 105:39

Di Ohomorihi gana eguhi kú Anisirẹrị, dị ọ sị ịra yị wa ka è sii re ẹtẹ nị.

Ahẹ Ụgama 78:14

Ẹnịnị màa na, Ohomorihi aa si eguhii zụ̀ wa oze ọọdụ, ịrahụ dị ọ hu ịra hụrẹ ẹbẹẹba va yị wa.

Ọyịkụra 40:34

Ịjọnọọ di eguhi chaka kú ajẹngụ ọnọọ dị ụbanyị Ẹnẹyịmavara dọ avaba ajẹngụ ọnọọ nị.

Ọyịkụra 40:38

Ụmẹ ọọdụ di eguhi Ẹnẹyịmavara yà ịrẹsụ ajẹngụ ọnọọ. Ịrahụ dị a nyị ịra ana yà ini eguhi ọnọọ. Avọọ avaba Anisirẹrị nịnị mè re e pooro ẹ màa na nị.

1 Anịkọrịntị 10:1

Ẹwụ nịnị ẹyịnyara amị, mee sì ka wa tamayị ịrẹyị ohiku ayị nịnị. Â nyị eguhi ọnya aanị anaā yà ẹbẹẹba ẹnịnị pooro. Avaba ẹnịnị ệ sị ahụ zị oze ini Irehu Ovivi na para hu.

2 Anịkọrịntị 5:19

Ini oze Ikirisiti, Ohomorihi ọ raà vara anẹhẹ ọta anị. Ohomorihi ọ yị kụkụ za ịvị ẹnịnị tụ́ wa ọrọkọ. Ô si enube chire yi ụvọ ka yaa kà a ka ọnị ọ raà vara aza ọta anị.

Iwe Ọhụhị Imosiisi ana aa hị́ Ọyịvatụrọda 1:33

Ohomorihi vana dọ ọvịdị ẹnịnị nee si aha ịzị ẹ vaa jị udi tụ́. Ọnị ọ vị ịra ọbanyị yị wa ịrahụ, dị ọ vị eguhi yị wa ọọdụ, dị aa zụ wa oze ẹnẹ vaa zị.

Ẹtore 21:3

Dị mị wụ́ ọngwẹ ọbanyị ọnya hụrẹ ẹbẹẹba vẹ, dị ọ ka, “Re! Irehi Ohomorihi yàrị aza. Ohomorihi yàrị aza. Ohomorihi vaa raa pe wa, dị ẹ vị aza anị. Dị Ohomorihi ọnị ụvọta yà ịda ẹnịnị, dị ọ vị Ohomorihi ẹnịnị.