Ịrịka 9:13 - IWE ỌNỊNỊ

¹³ Àa nyị ọza ọnị ẹ yị nị, a vị dị ẹ yị jịnẹ nị, dị o yi ka ọnị ẹ yị rị eche ọnọọ nị, ọ vaa rị ụya ịvị anị, kụkụ vaa za ọza ọnọọ ịrịka beri aza Ohomorihi agụvị ka ẹ yị sị ịsọvọ va yị Ẹnẹyịmavara ịnị ụmẹ anị.

Ịrịka 9:13 ပူးပေါင်းရင်းမြစ်များ

Oyinyima 17:14

Ọ kà àa nyị ọnọrụ ẹnẹ ẹ̀ yị jị ụvẹvẹnẹ, ọnị yị kụkụ vaa za a tụ́ ịnị aza anị, agụvị ka ọ yị jẹẹ pè ịrẹyị ọnọọ.

Ọyịkụra 12:15

Dị ọ ka Eche ọnọọ òo si tù, ẹ vaa rị Ịbụrẹẹdị ẹnẹ ẹ̀ yị nyị òwù pooro mẹ ẹkụhị ịhịmba. Ịnị ẹkụhị ịpaapa ēni eche nyima, dị ẹ kụ́ avaba owu hụụnị eehi ẹnịnị. Ọ kà àa nyị ọza ana rị ịsa ana nyị owu pooro dị ẹkụhị ịhịmba ọnọọ ọ̀ mẹ, ọ̀ yẹ ka aanị ộ ta ịnị Anisirẹrị.

Ọyịkụra 12:19

Ọza ọ yị nyayịnẹ re òwù ini eehi ẹnịnị pooro dị ẹkụhị ịhịmba ọ̀ mẹ. Ọ kà àa nyị ọza ana rị ịsa ana nyị owu, ọọza ọnọọ ộ ta ịnị Anisirẹrị. Òo zee eyi ọ̀ vị ọzọga.

Ọyịkụra 12:47

Ọ kà avaba Anisirẹrị ẹ vaa rị eche ọnọọ nị.

Ọyịkụra 30:33

Ọza ana àa vavọọ na mẹ ẹngụ angwẹ ọnọọ, à vị ka dị ọ̀ na ká a kú ọza ẹnẹ ẹ̀ yị vị ohirẹsụ irehi amị, ọza ọnọọ ọ̀ yẹ ka ẹ yị kụkụ vị ịnị aza amị ọnị yà.”

Ọyịkụra 30:38

Ọza ana àa na mẹ ẹngụ eturare ọnọọ yị ẹngụ anị ka ọnị ọ̀ọ sịị tụ́ ẹngụ, ọza ọnọọ ọ̀ yẹ ka ọnị ọ yị kụkụ yà ịnị aza amị.”

Ezikẹẹrị 23:49

Ẹnẹyịmavara kà, ẹwụ nịnị ẹyịnyara ẹyịva ẹnẹnị, ọnị vaa sị ụyaa rị wụ nịnị agụvị ịrẹkọyịsẹ awụ nịnị, ọnịrị agụvị ka waa mẹ ori nịnị. Ịjọnọọ, ụ vaa yẹ nịnị ka ọnị ọ vị Ẹnẹyịmavara Ananyị ụkata hu nị.

Ireevi 17:10

Àa nyị Anisirẹrị ọnyọọnyị à vị anẹkụra ọsa ana ra vahụra wa ana rị uye, ọnị vaa và eyirazịị kà ọza ọnọọ, dị ọnị é yi me vene rò o vaka anda ẹnịnị nị.

Ireevi 17:4

àa vị ka ẹ́ yị vị ọ sị ọ vẹ enoze ajẹngụ Ẹnẹyịmavara dị ọ sị va mẹ ịsọvọọ yị ọ, ọza ọnọọ ọ sị ịvị rị ka ộ jị ịsa hi ẹtẹ. Vị ọ jị ịsa avọọ nị; ọza ma vana kụkụ ro ọza ọnọọ vaka aza Ohomorihi.

Ireevi 20:20

Ọza ọ̀ọ sị ose ọyịnyara ada anị à vị ose ọyịnyara ọnyị anị, vị ọ́ mẹ̀ ụhị nyị ọyịnyara ada anị à vị ọyịnyara ọnyị anị ọnọọ avọọ nị. Ẹnị ẹyịva vaa rị ụya ebira odivi ẹnẹ mẹ̀. Ẹ́ yị nyị ọza ana vaa ma ozi ịnị ẹnị ẹyịva. Ẹnịnị ẹ̀ẹ vịdị ma ozi, ozi ọnọọ vị enee sú.

Ireevi 22:9

Ẹnẹyịmavara kà, avaba ohirẹsụ irehi Ohomorihi ẹẹ saasa ọda ọnị ọnị sị yị wa. Ẹ̀ yị vị avọọ, ẹnịnị va mẹ̀ ịvị, di e su agụvị ka ẹnịnị ee sị ahụ jịnẹ ọda ọnị Ohomorihi, Ẹnẹyịmavara ana nyị wa tụ irenyi yị ẹngụ anị nị.

Ireevi 24:15

Ọ kà Imosiisi ọ̀ kà a yị Anisirẹrị nịnị ka ọza tụra ọza ana àa kụ Ohomorihi anị ụhụ vị ana vaa rị ụya ịvị ọnị ọ mẹ̀.

Ịrịka 19:13

Aza anaa kanyị oku ọza, dị ẹ yị hụ enyi ana a sị atịtọ vahụra dị ẹ nị nị, ẹnịnị ẹ ra du irehi Ẹnẹyịmavara ẹngụ. Agụvị avọọ asị a ro wa vaka Anisirẹrị nịnị nị.

Ịrịka 19:20

Ama aza ẹnẹ nị, dị ẹnịnị ẹ yị nyịna ẹngụ ẹnịnị, ẹnịnị ẹ yị kụkụ va yị ịnị evere Anisirẹrị nịnị, agụvị ka ọ ra vara irehi Ẹnẹyịmavara ịsa ịdọtị. Enyi ana sị vara ọza ọnịnị, ee yi chesẹ wa ẹngụ.

Ịrịka 5:31

Ana vị ọnọrụ òo nyeeyi, ọza ẹ yị sị ụya rị ọ; ama ose anị ọ̀ọ rị ịvị, dị ọ rị ụya anị.

Ịrịka 9:7

sị ẹ vẹ dị ẹnị ana kanyị oku ẹ yị zụ rị eche ọyịparahu, dị ẹnị mẹ̀ ịsọvọ hi Ẹnẹyịmavara anka aza ana vọ ụmẹ ọnyọọnya?

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Anihiburu 6:6

Ẹngụ aza ẹnẹẹ ẹ̀ ẹ na hụrị oze Ohomorihi, ẹnịnị vị anaa sị ụvọ ẹnịnị tenyi Ozi Ohomorihii kanyịị za apavahị. Dị ẹ rẹẹ yaa mẹ ụhịị nyị ọ eyi avaba aza.

Anihiburu 9:28

Avọọ Íkirisiti ọnị mẹ̀ rẹ sị ẹngụ anị mẹ̀ ịsọvọ ụpẹ ọnya gene-gene nị, ka ọnị ọ̀ kụ́ ịvị aza ọrụrụ-ọrụrụ kwooze. Ọ rẹ vanaa vaa vẹ ịnị ẹhẹ ọnọnị, ama ayị vị agụvị ịvị. Aza ene ee zí ọọ eyi, aa vaa dọ ọ há nị.