Ịrịka 8:8 - IWE ỌNỊNỊ

⁸ Ẹnịnị ẹ sị ụnọ ọnịrị ịsa ịsọvọ ayị akụ ana a sị angwẹ orivi hura vẹ. Ẹ sị ụnọ ọhụva ana a vaa sị mẹ̀ ịsọvọ vaka vẹ.

Ịrịka 8:8 ပူးပေါင်းရင်းမြစ်များ

Ọyịkụra 29:1

Ịhị wàaa sị Eerọnị nịnị vaa mị ka ẹ̀ va vi ohirẹsụ irehi amị dị ẹ̀ẹ mẹ ụkọrọọ mị, dị ụ mẹ ịsị mee vee juwe anị aanị. Zama ozi imaaru ọnya ọnịrị ịdẹba ẹẹva ẹnị ẹ̀ yị nyị ịsị ẹ mẹ̀ vụrụ-vụrụ dị wa sị waa hụụnị ịsụpa awụ.

Ọyịkụra 29:3

Kụ́ wa hi ini uji ịjị wàa sị imaaru ọnịrị ịdẹba ẹnẹẹ aa vaa mị ịsọvọọ mị, dị ụ sị ọ beri ọ va yị mị.

Ayịsaya 53:10

Ama ô ze Ẹnẹyịmavara eyi ka ọ̀ vavọọ rị ụya. Isu anị ọ vị ịsọvọ ana mẹ ka à vagu ịvị yị aza nị. Agụvị avọọ, o vee re ezi anị; o vee kú orubo. Ọnị Ẹ́nẹyịmavara vaa sị mẹ̀ ịsa o sì ka ọnị aa mẹ nị.

Ireevi 1:3

Àa vị ịsị ịsọvọ ana a rị ịra ọza ọnọọ aa sị vẹ nị, abaabo ọ vị ka ọ̀ sị imaaru araka ẹnẹ ẹ̀ yị tụ ọkụmị nị. Dị ọ̀ sị ọ vẹ enoze ọnị ọnị Ẹnẹyịmavara ọnịrị Imosiisi yàa gẹ agụvị dị ịsọvọ anị ọ̀ dọ rị.

Ireevi 16:3

Ama ọ̀ọ vaa ngụ aha ọnịnị ọnọnị, áa nyị ka ọ̀ vịdị sị ozi ụnọ ọnya mẹ̀ ịsọvọ ịvị da, dị ọ̀ rẹ sị ịdẹba ọnya mẹ̀ ịsọvọ ana aā rị ịra.

Ireevi 2:1

Ọza ọnyọọnyị ọ̀ọ sị ẹ̀hụ́ akụ avọọ aa vaa mẹ̀ ịsọvọ hi Ẹnẹyịmavara, aa nyị ka ọza ọnọọ ọ̀ kwọ̀ ọ dị ọ̀ vị́ ẹtẹẹtẹrẹ. Ọza ọnọọ vaa và angwẹ hi ọ ịrẹsụ, dị ọ rẹ sị eturare anaa dà agụ ohine àa ka a hi ịra vaka a,

Ireevi 4:14

obobooro ọnị ẹnịnị ẹ̀ẹ yẹ ka ẹnị ẹ́ sị ịvị mẹ, avaba ẹkụra vaa sị ozi ụnọ ọ yị mẹ̀ ịsọvọ ịvị ẹnịnị. Ẹ vaa sị ọ vẹ enoze ajẹngụ Ẹnẹyịmavara.

Ireevi 4:3

Àa vị ohirẹsụ ọbanyị irehi Ohomorihi ọ mẹ ịvị nị, ọ raa mẹ ka aza ana vọ ẹ̀ rị ịvị, ịvị ọnị ọ́ mẹ avọọ, ọ vaa sị ozi ụnọ araka ọnị ẹ̀ yị tụ ọkụmị vaa mẹ̀ ịsọvọ ịvị anịị yị Ẹnẹyịmavara.

Ireevi 8:2

Ọ̀ kụ́ Eerọnị ọnịrị ezi anị vẹ enoze ajẹngụ anị; dị ọ̀ kụ́ ẹnya ohirẹsụ irehi Ohomorihi, angwẹ ene e siī sisi ọza ịrẹsụ ọnịrị ụnọ ana aa sịị mẹ̀ ịsọvọ agụvị ebira odivi aza vaka wa vẹ, ọ ka Imosiisi ọ̀ rẹ kụ́ ịdẹba ẹẹva ọnịrị uji ana a kụ́ ịbụrẹdị ọnị ọza ẹ̀ yị sị owu tụ vẹ.

Aniroomi 8:3

Ịsa ọnị ọda Imosiisi ọ̀ yị zụ mẹ, agụvị ka ọza ọ yị zẹẹ ka ọ̀ sị ụkata anị tụ́ ẹhẹ, Ohomorihi ọnị ọ sị ọọ mẹ. Ohomorihi ộ tụ́ Ozi anị vẹ ẹhẹ anka ọzarẹyịrẹsụ ana vị ọnịvị avọọ, ka ọ̀ va kụ́ ịvị aza kwooze. Ộ vẹ agụvị ọ̀ va vị ịsọvọ ịvị ana aza ana vọ mẹ.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.