Ịrịka 8:13 - IWE ỌNỊNỊ

¹³ Ịrẹma ọsọnị, dị Anireevi nịnị va jẹẹ ọvịdị ụta anị eyi Eerọnị ọnịrị ezi anị, dị Eerọnị sị wa chire Ẹnẹyịmavara ụvọ.

Ịrịka 8:13 ပူးပေါင်းရင်းမြစ်များ

Ịrịka 18:6

Ẹnẹyịmavara kà a ọnị ụvọta ọ́ nyị Anireevi nịnị hụụnị akakana avaba Anisirẹrị nị. Ẹ sị mẹ̀ anka ẹyịza yị ọnị avọọ nị. Ẹnị ẹ vaa mẹ̀ ụkọrọ yị ọnị ịnị ajẹngụ anị nị.

Ịrịka 8:11

dị Eerọnị sị wa chire Ẹnẹyịmavara ụvọ anka ẹyịza ọnị ẹ sị yọ agụvị ẹ mẹ̀ ụkọrọ anị.

Ịrịka 8:12

Ọ vavẹ ịrẹma ọnọọ, dị Anireevi nịnị ẹ kụ ụvọ tụra ụnọ ẹnẹẹ ịrẹsụ. Dị a sị ụnọ ọnya mẹ̀ ịsọvọ ẹvagu ịvị, dị a rị ụnọ ọsa ịra dị a sị hine Ẹnẹyịmavara ayị.

Ịrịka 8:14

Ịsa ana a mẹ aanị, vaa sị zụ ka Anireevi nịnị ẹ sị vara ọtirenyi agụvị ka ẹ sị vara aza Ẹnẹyịmavara.

Ịrịka 8:21

Anireevi nịnị ẹ che enyi sẹ ẹngụ ẹnịnị, dị ẹ nyị ẹvagu hụụnị ịvị ẹnịnị, dị ẹ nyịna achị ẹnịnị. Dị Eerọnị sị wa vẹ ọvịdị ụta, dị ộ mẹ̀ ịsọvọ ịvị ẹnịnị agụvị dị Ẹnẹyịmavara ọ dọ wa.

Aniroomi 12:1

Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.