Ịrịka 8:12 - IWE ỌNỊNỊ

¹² Ọ vavẹ ịrẹma ọnọọ, dị Anireevi nịnị ẹ kụ ụvọ tụra ụnọ ẹnẹẹ ịrẹsụ. Dị a sị ụnọ ọnya mẹ̀ ịsọvọ ẹvagu ịvị, dị a rị ụnọ ọsa ịra dị a sị hine Ẹnẹyịmavara ayị.

Ịrịka 8:12 ပူးပေါင်းရင်းမြစ်များ

Ọyịkụra 29:10

Dị ụ sị imaaru ọnọọ vẹ ọvịdị ajẹngụ ịzị aā gẹ, di Eerọnị ọnịrị ezi anị ẹ̀ sị ụvọ tụra imaaru ọnọọ ịrẹsụ.

Ireevi 1:4

Ọza ọnọọ vaa sị ụvọọ tụra a ịrẹsụ dị Ohomorihi dọ ịsọvọ anị, dị ọọ vagu ịvị anịị yọ.

Ireevi 14:22

Ọ rẹ vaa sị arivadi ẹẹva ọnịrị arekuku ẹẹva, anka ọpa ọnị ọ zụ mẹ, ọnya vị ana a vaa sịị mẹ̀ ịsọvọ ịvị, dị a sị ọnya mẹ̀ ịsọvọ ana aā rị ịra.

Ireevi 16:11

Ịjị Eerọnị ọ̀ọ raa sị ụnọ ọnọọ vẹ ọ̀yị mẹ̀ ịsọvọ ịvị yị ẹngụ anị, dị ọ́ raa pà ẹvagu yị ẹngụ anị ọnịrị aza anị nị, ọ vaa wụ̀ ọ.

Ireevi 16:21

Eerọnị vaa sị ụvọ anị ẹyịvaa tụra ẹvụ ọnọọ ịrẹsụ, dị ọ dọ irenu avaba ịsị edivi, ọnịrị ịvị ana Anisirẹrị nịnị mẹ̀ akamawụ ẹnịnịị kụ ọ ịrẹsụ, dị o chí ẹnya anị hi ẹvụ ọnọọ ịrẹsụ. Ọ̀ọ vavọọ sị ọ mẹ, dị ọ va dụ ẹvụ ọnọnị na ngụ ụnọmị. Á nyị ọza ana a nyị ka ọ̀ vavọọ dụ ẹvụ ọnọọ nị.

Ireevi 16:6

Eerọnị vị a sị ụnọ ọnyaa mẹ̀ ịsọvọ ịvịị yị ẹngụ anị, dị ọ sị pa ka à vagu ọnị ọnịrị aza anị.

Ireevi 4:15

Ẹnị ọdọvịdị nịnị ẹkụra vaa sị ụvọ tụra ụnọ ọnọọ ịrẹsụ dị ẹ wụ̀ ọ ịzọọ.

Ireevi 4:20

Ọ vaa mẹ araka imaaru ọnọnị anka ọ́ mẹ mẹ ana á sị vaa mẹ̀ ịsọvọ ịvị avọọ. Aanị ọ mẹ vaa mẹ̀ ịsọvọ yị aza agụvị ịvị ẹnịnị, dị a vagu ịvị ẹnịnị yị wa nị.

Ireevi 4:35

Ọ vaa kụ avaba ụhị atẹmẹ ọnọọ anka a mẹ kụ ụhị atẹmẹ ana a sị va mẹ̀ ịsọvọ ọyị pe Ohomorihi mẹ uzee avọọ, dị ọ rị ọ ịra ịrẹsụ ụta beri ịsọyịrị ana a sì va mẹ̀ ịsọvọ yị Ẹnẹyịmavara. Aanị ohirẹsụ irehi Ohomorihi mẹ vaa mẹ vaa mẹ̀ ịsọvọ yị ọza ọnọọ, dị a vagu ịvị anị yọ nị.

Ireevi 4:4

Ọ vaa sị ọ vẹ enoze ajẹngụ Ẹnẹyịmavara, òo tu ịzọọ, dị ọ sị ụvọ tụra a ịrẹsụ, dị ọ wụ̀ ọ ọvịdị Ẹnẹyịmavara ịzọọ.

Ireevi 5:7

Ama ọza ọnọọ ẹ̀ yị zụ sị ozi atẹmẹ à vị ẹvụ, ọ vaa sị arivadi ẹẹva à vị arekuku ẹẹva vaa mẹ̀ ịsọvọ ịvị anịị yị Ẹnẹyịmavara. A vaa sị ọnyara mẹ̀ ịsọvọ ịvị anị, dị a sị ọsa mẹ̀ ịsọvọ ana aa rị ịra.

Ireevi 8:14

Dị ọ va sị ụnọ araka ana aa sịị mẹ̀ ịsọvọ agụvị ebira odivi aza vẹ nị. Ịjị ọ raa sị ọ vẹ dị Eerọnị ọnịrị ezi anị sị ụvọ tụra a ịrẹsụ nị.

Ireevi 8:15

Imosiisi ộ wụ ụnọ ọnọọ, dị ọ ka anị nị, ộ jị igege ngụ ọnọọ, dị ọ sị dá ọpanyị ụta ọnọọ ịnị ọgọgọ ẹyịna, ọnị ọ̀ sị sị ọtirenyi nị. Ộ sị ọnọọ ana vọ, dị ọ́ và a hi iruvo ụta ọnọọ nị. Aanị ọ́ mẹmẹ sị ụta ọnọọ tụ irenyi yị Ẹnẹyịmavara, dị ọ vara a ọnịnị nị.

Ireevi 8:18

Ịjị Imosiisi sị ọsọnị mẹ, dị ọ va sị ịdẹba ana aa sị mẹ̀ ịsọvọ ana a rị ịra vẹ. Dị Eerọnị ọnịrị ezi anị sị ụvọ tụra a ịrẹsụ nị.

Ireevi 8:34

Imosiisi ka, Ẹnẹyịmavara ọ mẹ̀ ẹ ọda ka ya mẹ avaba ịsị ọnị ị maanị mẹ ajịnị aanị nị, agụvị dị a sị sị ịvị awụ nịnị kwooze nị.

Ireevi 9:7

Dị Imosiisi kà a yị Eerọnị ka, ọ̀ nọ ịzị ụta ya, dị ọ̀ na mẹ̀ ịsọvọ ịvị ọnịrị ịsọvọ ana aā rị ịra ọ̀ yị sị ịvị anị ọnịrị ịvị anineehi ana vọ kwooze, ọ ka ọ̀ na mẹ̀ ịsọvọ ọnọnị yị aza ẹnẹnị, dị à sị ịvị ẹnịnị kwooze; Anaka Ẹnẹyịmavara mẹ kà a.

Ịrịka 6:14

dị ọ mẹ̀ ịsọvọ ẹnịnị yị Ẹnẹyịmavara. Dị ọzọza sị ozi ịdẹba ịrayị ọnya ọnị ẹ yị nyị ụkụ mẹ̀ ịsọvọ anaā rị ịra, dị ọ sị ozi atẹmẹ ịrayị ọnya ọnị ẹ yị nyị ụkụ mẹ̀ ịsọvọ ịvị. Dị ọ rẹ sị ịdẹba ana nyị ẹngụ anị mẹ̀ ịsọvọ ẹngwọọrọ,

Ịrịka 6:16

Di ohirẹsụ irehi Ohomorihi sị ịsa ịsọvọ ẹnịnị na ọvịdị Ẹnẹyịmavara nị. Dị ọ mẹ̀ ịsọvọ ịvị ọnịrị ịsọvọ anaā rị ịra.

Ịrịka 8:13

Ịrẹma ọsọnị, dị Anireevi nịnị va jẹẹ ọvịdị ụta anị eyi Eerọnị ọnịrị ezi anị, dị Eerọnị sị wa chire Ẹnẹyịmavara ụvọ.

Ịrịka 8:8

Ẹnịnị ẹ sị ụnọ ọnịrị ịsa ịsọvọ ayị akụ ana a sị angwẹ orivi hura vẹ. Ẹ sị ụnọ ọhụva ana a vaa sị mẹ̀ ịsọvọ vaka vẹ.

Anihiburu 9:22

Anka ọda Imosiisi, ọ sị vọ chee, a hị́ ka avaba ịsa aā sị anyaa vara ọnịnị nị. Ẹ̀ yị vị e che anya sẹ́ ẹtẹ, ọza ọyị zụ nyịna ịvị kwooze.