Ịrịka 8:11 - IWE ỌNỊNỊ

¹¹ dị Eerọnị sị wa chire Ẹnẹyịmavara ụvọ anka ẹyịza ọnị ẹ sị yọ agụvị ẹ mẹ̀ ụkọrọ anị.

Ịrịka 8:11 ပူးပေါင်းရင်းမြစ်များ

Ọyịkụra 29:24

Wàa vavọọ raà kụ́ ọ, dị ụ kụ́ ọ tụ́ ịnị ụvọ Eerọnị ọnịrị ezi anị. Dị ẹ maanị henyi ọ ọvịdị ẹmị Ẹnẹyịmavara. Ọnọọ ọ vị ẹyịza ana a sị va mị nị.

Ireevi 7:30

Ọnị ụvọta vaa sị ọ vẹ anka ịsọyịrị ana a sị va mẹ̀ ịsọvọ. Ọ vaa kụ́ ụhị ọnịrị ịrẹva ịsụpa ọnị ọ́ sị va mẹ̀ ịsọvọ aanị vaa yị Ẹnẹyịmavara anka ẹyịza ụnarenyi.

Ireevi 7:34

Ịrẹva ịsụpa ana a sị vaa mẹ̀ ịsọvọ aanị vị ẹyịza ụnarenyi, dị usi eyi ụvọrị ịsụpa ọnọọ vị ịsa ọgụvọ ụnarenyi ọnị Ẹnẹyịmavara dọ Anisirẹrị nịnị, dị ọ sị ẹnị ohirẹsụ irehi Ohomorihi nị. Aanị Anisirẹrị nịnị mẹ vaa sị ọsọnịị yị ohirẹsụ irehi Ohomorihi nịnị pooro nị.

Ireevi 8:27

Imosiisi ộ kụ avaba ịsọyịrị ẹnẹnị chire Eerọnị ọnịrị ezi anịị ụvọ, dị ẹnịnị sị ọ vẹ anka ẹyịza ụnarenyi ẹnẹ ẹ sị va yị Ẹnẹyịmavara nị.

Ireevi 8:29

Imosiisi ộ sị ịrachị ịdẹba ana a sị mẹ̀ ịsọvọ aanị, dị ọ sị ọ tụ́ ẹba, dị o mí ọ ọvịdị Ẹnẹyịmavara anka ẹyịza oturenyi nị. Ịpa ene tu Imosiisi ịnị ịdẹba ana a sị mẹ̀ ịsọvọ aanị ọ vị ọnọọ nị. Avọọ gẹdẹ-gẹdẹ Ẹnẹyịmavara mẹ mẹẹ ọdaa yọ nị.

Ịrịka 6:20

Dị ọ kụ̀rà ẹyịza ẹnẹẹ tụ ẹba hi Ẹnẹyịmavara anka ịsa ịsọvọ. Avaba ịsa ẹnẹẹ ẹnịrị uye ịrẹva ọnịrị usi ẹ sị vị Ẹnẹyịmavara yị ohirẹsụ irehi Ohomorihi. Àa maanị sị ọ mẹ, dị aza ana a nyị tụ irenyi aanị nẹngụ hu eche.

Iwe Ọhụhị Imosiisi ana aa hị́ Ọyịvatụrọda 10:8

Ịrẹsụ ataba, Ẹnẹyịmavara ya nị Anireevi nịnị ka e si eyi pe apoti oto anị nị. Ẹnịnị ọ̀ nyị ka ẹ vị ohirẹsụ irehi anị nị. Ẹnị ẹ zụ mẹ̀ aduwa ka o zee yị aza dị ọ dọ rị nị ụkọrọ anaa sị yị wa pooro tu ajịnị ọ vị ọnọọ nị.