Ịrịka 7:62 - IWE ỌNỊNỊ

⁶² Ẹnya igooru oweyi ọnya ana kụ eturare ohihi tụ;

Ịrịka 7:62 ပူးပေါင်းရင်းမြစ်များ

Ahẹ Ụgama 112:2

Irima ezi ẹngụ aza ẹnẹẹ vị ana vaa nyị ụkata ịnị ẹtẹ ọnọọ. Obooro aza ana mẹ̀ ebira ana vọrọ vi oni o vee zee yị.

Ayịsaya 66:20

Ẹ vaa kụ anda ẹnịnị ene hi ẹhẹ vaa vẹ eehi va yị Ẹnẹyịmavara anka ọza o rere sị va yị ọ avọọ. Ẹ vaa kụ wa vẹ ịrẹsụ ataba ọnịnị anị Ijerusarẹmị ịrẹsụ umaata, ịkẹrịkẹtẹ, ịnyaakụmị, ịkẹkẹ ịrẹkụ ọnịrị aha ẹnya anị. Ẹ́ vaa kụ wa vẹ anka a mẹẹ̄ kụ ẹyịza ọyị sị mẹ̀ ịsọvọ ịnị ẹnya ana nị vẹ ịnị irehi Ohomorihi avọọ nị.

Ịdanịyẹrị 9:27

Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.

Ịrịka 7:61

Dị ọ sị ẹnya isiriva ọnya ana rata ẹhụ Ikirogirami ọnya rị ẹjịjị, dị ọ sị ẹnya isiriva ọsa ana za chanyị-chanyị ana rata ẹhụ ikirogirami ọnya. Dị ayị ọnịrị angwẹ orivi hi ẹnya ẹyịva, dị aa ngọ ọ anka a mẹ vọrọ, dị a sị mẹ̀ ịsọvọ ayị ana a kwọ̀ nị.

Ịrịka 7:63

ụnọ ọnya, ịdẹba ọnya, ozi ịdẹba ịrayị ọnya mẹ̀ ịsọvọ ana a rị ịra.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Anihwiripi 4:18

Ẹpahwịrọdịtụsị ộ sị avaba ịsa ọnị ụ sị tụ́ ọ va yị mị. Avaba ịsị mee sì saka-saka, ma sị ọ nyị booro aanị; ọ́ọ hyakụ si huna ọpa oni mee sì. Ẹyịza ẹnẹẹ vị ana sị mẹẹ anka ịsa ana ahụ anị zoza avọọ; vị ọ rẹ yà anka ịsọvọ ene zé Ohomorihi eyi ẹtẹẹtẹrẹ avọọ nị.

Anihiburu 13:15

Agụvị avọọ ini oze Ijeesu, à vẹ yaa ga Ohomorihi pooro! Ụga ọnị yaa sịị yọ vị ana sị mẹẹ anka ịsọvọ ọnị yaa mẹẹ hi Ohomorihi avọọ. Ọnị ọ vi ka yaa sị irenu ayịị kà a ka aza anị ị vị nị.

Ẹtore 5:8

Ịjị ọ raà sị iwe ọnọọ, dị ịsa ẹẹna ẹnẹẹ ana nyị ụhwẹ, beri azọkụ ohurẹẹna ẹnẹẹ tana tụra ẹtẹ ọ́vịdị Ozi atẹmẹ ọnọọ nị. Avaba ẹnịnị ệ sị ịsa a sịị̄ jị ahẹ ene véné igita rị ụvọ, dị ẹ rẹ nyị ịchacha ọgana ana a sị igooru mẹ ene eturare ozoza yà ịnị anị nị. Eturare ọnọọ vị aduwa aza Ohomorihi.

Ẹtore 8:3

Dị anggẹẹrị ọsa ana nyị ẹnya eturare ana a sị igooru mẹ vẹ, dị ọ va jẹ ẹ pe ụta nị. Â sị eturare rụrụ yọ ka ọ̀ và a hura aduwa avaba aza Ohomorihi, dị ọ̀ sị ọọ nọ ị́rẹsụ ụta ana a sị igooru mẹ ana yà ọvịdị aga ohinọyị ọnọọ.

Ẹtore 8:4

Dị areyi eturare ana aa rị ịra aanị dà, beri aduwa avaba aza Ohomorihi hụụnị ẹnya eturare ọnị anggẹẹrị ọnọọ sị rị ụvọ nọ ọvịdị Ohomorihi nị.