Ịrịka 7:13 - IWE ỌNỊNỊ

¹³ Ọ sị isiriva ẹnya ọnyara ana rata ẹhụ Ikirogirami ọnya rị ẹjịjị, dị ọ sị ẹnya isiriva ọsa ana za chanyị-chanyị ana rata ẹhụ ikirogirami ọnya. Dị ayị ọnịrị angwẹ orivi hi ẹnya ẹyịva, dị aa ngọ ọ anka a mẹ vọrọ, dị a sị mẹ̀ ịsọvọ ayị ana a kwọ nị.

Ịrịka 7:13 ပူးပေါင်းရင်းမြစ်များ

1 Ohinọyị 7:43

A rẹ nyị ịkẹkẹ ẹẹwụ, dị a nyị aha ịra ẹẹwụ ene hi ịnị ịkẹkẹ ẹnẹẹ nị.

1 Ohinọyị 7:45

 nyị ụnọkọ ọnịrị ịchọvịrị eweyi ne beri ako ana a sịị̄ kú enyi và ha ọnịrị avaba ẹnya ẹnẹẹ oni Ihirami mẹ yị Isoromọnị ohinọyị. Dị ọ kú wa ne hi ini irehi Ohomorihi nị. Avaba anị vị ọnị ọ sị enyusẹ ana aā hị́ ịkọpa ana swa mẹ.

Ẹzịra 8:25

Ẹzịra ộ ngọ avaba igooru, isiriva ọnịrị ẹnya ana vọ ọnị ọ dọ hụụnị ụvọ ohinọyị, Anajuwe ọnịrị ọdọvịdị Anipesiya nịnị beri Anisirẹrị ẹnị ẹ yị varẹma vẹ eehi. Dị Ẹzịra ga ẹnya ẹnẹẹ yị aza ẹnẹẹ ka ẹ̀ kụ wa na da irehi Ohomorihi nị.

Ọyịkụra 25:29

Igooru ụ vaa sị mẹ ịchacha ene vee hi ịrẹsụ itevuru ọnọọ nị. Ẹnya ọnịrị ako ana vaa sị ka eche ana a sị mẹ̀ ịsọvọ vị ọnị ụ rẹ vaa si igooru mẹ.

Ọyịkụra 30:13

Ọza tụra ọza ana àa za ịrịka vee si ọpa ụta ana a ka è si. Ịsa ana a dọ ka à sịị ngọ ẹkẹhị a vaa sị ngọ ẹkẹhị ọzọza di è re ka ộ gụ nị. Ọzọza ò si ụta ọnọọ agụvị ka ẹmị Ẹnẹyịmavara aa sịị yị nị.

Ọyịkụra 37:16

Ịchacha ene hi ịrẹsụ itevuru ọnọọ vị ana a sị igooru mẹ. Ẹnya ọnịrị ako ana a vaa sị ká eche ana a sị mẹ̀ ịsọvọ vị ana a sị igooru mẹ.

Ijeremaya 52:19

Avaba ẹnya ana a sị igooru ọnịrị isiriva mẹ vị ọnị ẹnịnị kụ́; ẹnya oweyi-oweyi, ẹnya ana a sịị̄ nyị akịna, ịchacha ana aā và a hi aa mẹ̀ ịsọvọ, ẹnya ana aā kụ atịtọọ hi, ọchị ana aā sị ozotupaa gẹ, ẹnya ana aā sị eturare tụ́ ọnịrị ẹnya ana á sịị̄ ka eche naa vàa hi ẹtẹ àaa mẹ̀ ịsọvọ vị ẹnị ẹ kụ bemi-bemi.

Ịdanịyẹrị 5:2

Ịjị ẹ vavọọ ee hú eche ọnọnị, dị Iberisaza vana tụ́ ka, à na kụ ako ọnịrị ẹnya ana ada anị Inebukadineza, kụ́ hụụnị irehi Ohomorihi ana ya Ijerusarẹmị vẹ nị. Ako ọnịrị ẹnya ẹnẹnị vị ana sị igooru ọnịrị enyusẹ ana aā hị́ isiriva mẹ. Ohinọyị ka ọnị ee si ka ọnịrị ọdọvịdị ẹkụra nịnị, ose anị nịnị ọnịrị onyeehi anị nịnị è si hú eche.

Ireevi 2:1

Ọza ọnyọọnyị ọ̀ọ sị ẹ̀hụ́ akụ avọọ aa vaa mẹ̀ ịsọvọ hi Ẹnẹyịmavara, aa nyị ka ọza ọnọọ ọ̀ kwọ̀ ọ dị ọ̀ vị́ ẹtẹẹtẹrẹ. Ọza ọnọọ vaa và angwẹ hi ọ ịrẹsụ, dị ọ rẹ sị eturare anaa dà agụ ohine àa ka a hi ịra vaka a,

Ireevi 27:25

Avaba irihi ana a vaa jị vị ana vaa saasa ọpa ana a sịị̄ mọ ịsa ịnị irehi Ohomorihi.

Ireevi 27:3

ọpa ẹkẹhị ọnị ohirẹsụ Irehi Ohomorihi nịnị vaa dọ ịrẹsụ ọnọrụ ana vị ịrayị oohu na ngụ ịrayị ẹbẹẹta vị akahị. Ọpa avọọ aa dọ ịnị irehi Ohomorihi nị.

Ịzakaraya 14:20

Ẹkụhị ịhị ọnọọ, a vaa chẹrẹ ịsa tụ ịnị ikono ana a sị jẹ umaata ka ọnịnị yị Ẹnẹyịmavara. Avaba ụnọkọ ana a sị mẹ̀ ịsa ini eehi Ẹnẹyịmavara vaa vị ọtirenyi anka ẹnya ana ya ọvịdị ụta avọọ.

Ịrịka 15:4

Ọza anaa sị ẹngụ ịsọvọ ẹnẹẹ vaa yị Ẹnẹyịmavara, ọ sị ayị ikirogirami ọnya vahụra angwẹ orivi vẹ.

Ịrịka 28:5

Ịsọvọ ọnyọọnya vị ana a sị ayị ana kwọ ikirogirami ọnya va hura angwẹ orivi irita ọnya rị ọ ịra.

Ịrịka 29:6

Ịsọvọ irenyi ẹnẹnị vị ana aa mẹ beri ịsọvọ ụhụụhwẹ ọnịrị ịsọvọ eyinị-eyinị, dị a sị ayị ọnịrị eche tụ́ ọ a mẹ juwe anị. Avaba ịsa ịsọvọ ẹnịnị vị ana aa rị ịra dị agụ anị o hine Ẹnẹyịmavara ẹtẹẹtẹrẹ.

Ịrịka 3:47

Dị Ẹnẹyịmavara kà Imosiisi ọ dọ isiriva ẹẹhị ịrẹsụ ọzịnya-ọzịnya ana a vị ẹhụ ẹkẹhị ịnị irehi Ohomorihi.

Ịrịka 7:12

Ọnịpaapa ana vaa sị ịsa ịsọvọ ịnị ẹkụhị Ịpaapa ọ vị Inasoni ana vị ozi Aminadabi hụụnị ịrẹsụ Ijuda.

Ịrịka 7:14

Ẹnya igooru oweyi ọnya ana kụ eturare ohihi tụ;

Ịrịka 7:73

Dị ọ sị ẹnya isiriva ọnya ana rata ẹhụ Ikirogirami ọnya rị ẹjịjị, dị ọ sị ẹnya isiriva ọsa ana za chanyị-chanyị ana rata ẹhụ ikirogirami ọnya. Dị ayị ọnịrị angwẹ orivi hi ẹnya ẹyịva, dị aa ngọ ọ anka a mẹ vọrọ, dị a sị mẹ̀ ịsọvọ ayị ana a kwọ̀ nị.

Imatiwu 14:11

Dị a sị ịrẹsụ anị tụ́ ịnị ịchacha, dị a sị yị ozi ọnẹẹ ọnọọ, dị ọ sị ọ na yị ọnyị anị nị.

Imatiwu 14:8

Dị ọnyị anị tụ́ ọ ịrẹyị nị; agụvị avọọ dị ọ kà a yị Ịhẹrọdị ka, booro aanị oni ee sì ka à sị ịrẹsụ Ịjọọnụ ọhwọzenyi tụ́ ịnị ịchacha yị ọnị.