Ịrịka 7:10 - IWE ỌNỊNỊ

¹⁰ Ịnị ẹkụhị ana a sị ụta ịsọvọ chire Ẹnẹyịmavara ụvọ, ọdọvịdị Anisirẹrị ẹnị ẹwụrẹva ẹ̀ sị ịsa ana a sị mẹ̀ ịsọvọ vẹ nị.

Ịrịka 7:10 ပူးပေါင်းရင်းမြစ်များ

1 Ohinọyị 8:63

Isoromọnị ộ mẹ̀ ịsọvọ yị Ẹnẹyịmavara kà à nyị ẹngwọọrọ. Imaaru ọnị ọ sị mẹ̀ ịsọvọ ọnọọ vị akawụ-akawụ oze ịhịnọnyị, dị atẹmẹ ẹnị vị akawụ-akawụ oze ịrẹka nị. Ịjị ọ vavọọ sị ọ mẹ, di Isoromọnị ọnịrị avaba Anisirẹrị si irehi ọnọọ yị Ẹnẹyịmavara nị.

2 Ịtọpa 7:5

Imaaru ọnị Isoromọnị sị mẹ̀ ịsọvọ ọnọọ vị akawụ-akawụ oze ịhịnọnyị (22,000) dị atẹmẹ ẹnị vị akawụ-akawụ oze ịrẹka (120,000) nị ịjị ọ vavọọ sị ọ mẹ dị Isoromọnị ọnịrị avaba Anisirẹrị sị irehi ọnọọ yị Ohomorihi nị.

2 Ịtọpa 7:9

Ẹnịnị ệ vavọọ ya ịzọọ mẹ ẹkụhị ịhịmba ene e sị ụta ịsọvọ tụ́ irenyi yị Ohomorihi, ẹkụhị ịhịmba ọhụva vị ẹnẹ ẹ sị rị eche. Ịhị ẹ tụ́ ọ ẹkụhị ịhịnta ịnị ẹkụhị ịhịmba ụpẹ ọhụva, avaba ịragụ ya mẹ̀ aduwa ana a sị za a ẹtẹ nị.

Inehemaya 12:27

Ịnị ụmẹ ọnị a sị sị ọvọ Ijerusarẹmị chire Ohomorihi ụvọ, â hị́ Anireevi nịnị hụrẹ avaba ẹtẹ Ijuda vẹ Ijerusarẹmị va mẹ ọgụvọ. Ẹnịnị ê ve beri wa jẹ ịrajẹ, dị ẹ jị ahẹ, di e hu ịchacha, Igita, okokoro ọnịrị ẹnya isohu ana vọ kụ́ Ohomorihi avọ nị.

Inehemaya 12:43

Ohomorihi ộ mẹ̀ ayị aza hine ẹtẹẹtẹrẹ, dị ẹ yaa jẹ, dị ẹ mẹ̀ ịsọvọ ọrụrụ-ọrụrụ nị. Ẹnịrị anyẹnẹẹ beri ezweyi e dudu rị eche ọnọnị nị. Ẹ maa jẹ Ijerusarẹmị, ọngwẹ ẹnịnị vị ọnị aza aa wụụ hụrẹ aha ẹnẹẹnẹ.

Ahẹ Ụgama 30:1

Ẹnẹyịmavara ẹwụ mị vaa sị ụbanyịị yị nị agụvị ka wa sị mị dọ tụ́ Wẹ rẹ vaa navọ ka ọnịvị amị è huna mị dị ẹ̀ vaa jẹ.

Ịrịka 7:1

Ẹkụhị ọnị Imosiisi jị ajẹngụ Ẹnẹyịmavara ta, ộ sị ọ chire Ẹnẹyịmavara ụvọ na vaka avaba ẹnya irehi ọnịrị ụta ịsọvọ ne beri ẹnya anị.

Ịrịka 7:11

Ẹnẹyịmavara ộ ka yị Imosiisi ka, ọdọvịdị ọnyọọnya ọ nyị ẹkụhị anị ana a sị ịsa ịsọvọ anị vẹ.

Ịrịka 7:84

Aanị a mẹ mẹ̀ ịsọvọ ana a sị sị ụta ịsọvọ yị Ohomorihi nị. Ịnị ụmẹ ọnọọ, ọdọvịdị Anisirẹrị nịnị ẹ̀ kụ ịchacha isiriva ẹwụrẹva, ẹnya okenyi isiriva ẹwụrẹva, ẹnya ọrịsa igooru ẹwụrẹva va tụ ịnị ajẹngụ Ẹnẹyịmavara,

Ịrịka 7:88

Avaba ịsụpa ana sị mẹ̀ ịsọvọ ẹngwọọrọ vị ụnọ ohurẹẹna, ịdẹba ẹbẹẹta, ịdẹ ẹbẹẹta, ọnịrị ozi ịdẹba ịrayị ọnya ẹbẹẹta. Avaba ẹsẹnị ẹ vị ịsa ịsọvọ ana a sị sị ụta chire Ohomorihi ụvọ nị.

Iwe Ọhụhị Imosiisi ana aa hị́ Ọyịvatụrọda 20:5

Ịjọnọọ dị ọdọvịdị awụ nịnị vaa ka yị ọkọnị isoja ana gụ ka; Ọza ọọ da irehi ọwọọwa ọnị ẹ yị kụ na ngụ, oo na eehi. Ẹ yị vọrọ ka ẹngụ ọza ọnọọ o su eyi ịrẹkụ dị ọzẹnẹsa kẹnẹ ọ naa ra ịnị irehi ọwọọwa anị.