Ịrịka 6:9 - IWE ỌNỊNỊ

⁹ Àa nyị ọza mẹmẹ su gụrị ẹngụ aza ẹnẹẹ vi ene du ẹyị ịrẹsụ ẹnịnị ẹngụ. A nyị ka ẹ hụụnị ịnị akakana aza ẹkụhị ịhịmba, dị ẹ kụ ịrẹsụ àaa mẹ ido anị

Ịrịka 6:9 ပူးပေါင်းရင်းမြစ်များ

Ezikẹẹrị 44:27

Ẹnẹyịmavara kà ịhị ọ́ọọ vanaa ngụ aha ọnịnị naa mẹ̀ ụkọrọ, ọ vaa vịdị mẹ̀ ịsọvọ yị ẹngụ anị agụvị ịvị ọnị ọ rị.

Ireevi 14:8

Ọza ana nyị ka à mẹ ido ụkụ ana za a aanị vanaa nyịna ịta anị, dị ọ kụ́ ẹyị anị, dị ọ hụ enyi, ọ̀ọ sị enyi hụ, ọ kụkụ vaa nị. Ịrẹma ọnọọ, ọ vaa vẹ vaa ra beri aza ana vọ ịzị e hi, ama ọ vaa vịdịị yà ịrẹma ajẹngụ anịị mẹ ẹkụhị ịhịmba da.

Ireevi 14:9

Ịhị ẹ tụ ọ ẹkụhị ịhịmba, ọ vaa varẹma kụ ẹyịrẹsụ anị ọnịrị ịrẹwa anị, ẹyị ịnị ẹgọgọ anị ọnịrị avaba ẹyị ịnị ẹngụ anị ana vọ. Dị ọ vana nyịna ịta anị, dị o hú enyi. Ọ̀ọ sị ẹnẹnị mẹ, ọ vaa nị ọgọnị.

Ịrịka 6:18

Avaba ẹnẹnị ẹ ta mẹ, dị ẹnị ana aā nyị tụ irenyi aanị kụ́ ịrẹsụ ẹnịnị ọvịdị oze ajẹngụ Ohomorihi, dị a rị ẹyị ịra ịnị ịra ana aa ka hi ịsa ịsọvọ ẹngwọọrọ.

Ịrịka 6:8

Avọọ ẹ mẹẹ vaa mẹ ịnị avaba ụmẹ ọnị ẹ́ sị vị ọtirenyi yị Ohomorihi nị.

Odeyi 18:18

Ịpọọrụ ộ yà Ịkọrịntị pe ọdọwụ nịnị kù. Dị ọ hụụ ịzọọ, dị ọnịrị Ipirisira beri Akwira ngụ ẹpa, ka ẹnị ẹ̀ nọ Isiriya nị. Dị ẹ va na, ô beri Ohomorihi zẹẹ ịzẹzẹ Íkenkire, dị ọ kụ́ ịrẹsụ anị nị.

Odeyi 21:27

Ịjị ẹkụhị ịhịmba ọnọọ aa vaa gụ, Aniju ẹnyị ana hụrẹ ẹtẹ Esiya vẹ, ê re Ịpọọrụ ini irehi Ohomorihi. Dị ẹ wụsẹ tụ́ ọkọnị aza ịrẹyị, dị ẹ za Ịpọọrụ nị.

Iwe Ọhụhị Imosiisi ana aa hị́ Ọyịvatụrọda 21:12

Ọ̀ọ maanị yà, sị ọnẹẹ ọnọọ nọ ini eehi awụ, dị ọ kụ́ ịrẹsụ anị, dị ọ rẹ dà apara igege anị.