Ịrịka 6:3 - IWE ỌNỊNỊ

³ ẹ yị kụkụ vee hú eche ọnyọọnyị; ọ yị vee hú eche ịvayịnị ana raà sụrẹyị ọnịrị igirepi, ọ yị rẹ vaa rị ẹtụtụ igirepi ọnyọọnyị ana sị wụ̀.

Ịrịka 6:3 ပူးပေါင်းရင်းမြစ်များ

Ireevi 10:9

À sị ọnịrị ezi anị ngụ ịnị ajẹngụ ọnị Ẹnẹyịmavara ẹnịnị èe si eche hú o, ọ ka ẹnịnị ẹ̀ẹ vavọọ mẹ, vị́ eyee sú nị. Aanị avaba evere awụ nịnị mẹ saasa ọda ọnọnị pooro nị.

Emọsị 2:11

Dị Ẹnẹyịmavara kà ọnị ọ nyị ezi ẹnịnị ẹnyị ka ẹ vị ọnụtụ anị. Dị ọnị sị aza ẹnyị tụ́ irenyi yị ẹngụ anị nị. Dị ọ họ̀ wa ka ịzẹyịza waa yọ nị?

Emọsị 2:12

Dị ẹnịnị aa ka aza Ẹnẹyịmavara eche, dị ẹ raa dụ ọnụtụ Ohomorihi ka asị ẹ kà etore ẹnịnị nị.

Ịrịka 6:4

Ẹnịnị yị vaa rị ịsọyịrị ana sị ẹtụtụ ọchị ẹnẹẹ mẹ.

Iruuku 1:15

Ọzọbanyị ọ vaa vị ini eyi Ananyị yị nị. Ọ yị va nyayịnẹ ẹ hú eche vụrụ-vụrụ, ọ̀ daka vị eche ọkatẹngụ. Hụụnị ịnị ịnẹ ọnyị anị Ụ́hwẹ Ọnịnị vaa dọ avaba ayị anịị hụrẹẹ vẹ nị.

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Anẹhwẹsọsị 5:18

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị!

1 Anịtẹsaronika 5:22

Sị ụvọ hụụnị irima avaba ịsa odivi nịnị.

1 Itimoti 5:23

Asị u rè kuku hú enyi kẹnẹ, wee hú eche chee-chee aanị agụvị ịnẹ awụ ọnịrị ịsa, ẹnẹ ẹ̀yị mā jẹẹ dị ọ̀ zị wụ.

Anihiburu 9:10

Ịsa ẹnẹnị vị ịrẹyị ịsọyịrị ọnịrị ịsa oyihú ne beri ẹngụ irenyi-irenyi ọyịnyịna. Avaba ẹnẹẹ vị ịsa ịnị ẹhẹ ọnọnị kẹnẹ, ana ahịka ụmẹ chee ẹ jẹẹ yị nị, dị Ohomorihi ọ̀ va vara avaba ịsa ọwọọwa.

Ọdọvịdị 13:14

Ọ kà, ose anị ọ na sị eyi pe avaba ịsa ọnị ọnị ra mẹ ọda anị yị ọ. A sị ọ rị ịsa ọnyọọnyị ana sị ẹtụtụ ọchị ịvayịnị mẹ. Dị a sị ọ re hu ịsa ọnyọọnyị anaa mẹrị ọza. A sị ọ rẹ rị ịsa ọnyọọnyị anaa dọ ọza ọtị.

Ọdọvịdị 13:4

Dị ọ kà o teyi ẹtẹ dị asị o hu eche, dị ọ hyakụ va vị eche ọkatẹngụ ana zụ hụra mẹrị ọza, dị asị ọ rẹ rị ịsa enyisi ọnyọọnyị.