Di Ohomorihi rẹ ka ọnị ộ jẹẹ pè e, ọnị vee sere e aha tụra aha ọnị ọ̀ọ nọ. Ọ rẹ ka ọnị aa sị ọ vaa vẹ ịnị ẹtẹ ọnọnị. Avaba ịsị ọnị ka ọnị aa mẹẹ yọ aanị, à yị nyị ka ọnị ọ yị mẹ̀ ẹ, ka ọnị ẹ yị vaa va ịrẹma anị.
Aarịhịnị navọ wa mẹ ka ò zee yị eehi emi ozi ahụ awụ, dị waa mẹ ọyịzaa yị wa pooro. Ẹnẹyịmavara Ochẹtẹẹngụ wa sị ọ kà, wa raà mẹ̀ aduwa yị eehi emi ozi ahụ awụ. Mâ yẹ ka irehi amị vi oni o vee zee yi pooro zịna-zịna.”
Navọ anka u mè si eyi pè igoreyi awụ dị wẹ̀ yị zẹẹ ka à nyị ịsị ẹ jị ngụ ọ avọọ wa vavọọ sị eyi pe mi Navọ wa gana avaka kú mi agụvị asị aza edivi zụ sị ịsa ọnyọọnyị mẹ mị Wâ yẹ ka ọbarọza ẹnẹẹ ana kara amị avọọ ẹ zụ wụ̀ ọza.
“Ẹmị Ẹnẹyịmavara ọ hị́ wụ, dị mị sị ụkata wụ nị, dị me re ka aza aa mẹ̀ ịsa ana vọrọ ịnị ẹhẹ. Oze ịnị ịpa awụ mi vee wo otoo yị avaba aza nị. Oze ịnị ịpa awụ mị vaa zịị sị ẹtohweyi vaa yị anẹhẹ nịnị nị.
Ohomorihi ayị, navọ wa wụ́ aduwa ọnịrị ịpẹ ọnị maa da aanị. Irehi ahẹkẹ awụ ene du và hí ẹtẹ aanị, navọ wa varẹma tenyi ọ dā jẹẹ e tenyi ọ da dị avaba aza ẹ yẹ́ ka ẹwa vị Ohomorihi nị.
Booro aanị, o si tù ka ma vẹ ịdị awụ. Mẹ yị kụkụ vaa yà ịnị ẹhẹ. Aza awụ ẹnị vị ene yi hi ịnị ẹhẹ. Ọga, ana vị Ọnịnị, sị ụkata awụ sị eyi pe aza ọnị ụ raà sị mị, agụvị dị ẹ̀ zụ vị ọnya, anka ẹ́mịrị ẹwụ mẹ̀ vị ọnya!
Ohomorihi ọ nyẹngụ sị eyi pe wu nịnị ka asị ụ hyẹdụ hụụnị oze anị; dị ọ sị́ wụ nịnị va tụ ịdị anị ịnị ụbanyị anị, wẹ́ yị vaa nyị ịvị vụrụ-vụrụ ịzọọ nịnị, dị ayị awụ nịnị ee hine ẹtẹẹtẹrẹ.
Ẹ mẹ̀ vavọọ hi ịzọọ, di e vene re ka Ibowazị ộ hụrẹ ịnị ubooro Ịbẹtịrẹhẹmị aa vẹ nị. Dị ọ kụ́ anụkọrọ ẹnẹẹ nị, dị ọ ka, “Ẹnẹyịmavara ọ̀ yà pè wụ nịnị.” Dị ẹnịnị va ụkụ yọ ka, “Ẹnẹyịmavara ọ navọ ò zee wu.”
Ohomorihi vi ene vee sere aza ana sị ayị tụra a. Aza ana aa mẹ̀ ebira edivi vị ọnị ọ vaa mẹ ka è vu tụ́ ịnị ịrahụ; ọza ẹ yị zụ sị ụkata anị ụvọta sị nyị ehuna ọnịvị anị.
