Ịrịka 6:23 - IWE ỌNỊNỊ

²³ Eerọnị ọnịrị ezi anị ẹ maanị mẹ̀ aduwa yị Anisirẹrị nịnị: ẹ kà a ka,

Ịrịka 6:23 ပူးပေါင်းရင်းမြစ်များ

Oyinyima 24:60

Dị anda Irebeka mẹ̀ aduwa yọ dị ẹ ka, “Ọyịnyara ayị, ọza ọ yị va zụụ za ozi ewu ịrịka. Ozi ewu ẹ vaa nyị ẹbẹẹba ọnịvị ẹnịnị dị ẹ dọ wa ẹkụra ẹnịnị.”

Oyinyima 47:10

Di Ijekọvụ kụ́ Ihwarawo, dị ọ hụụ ịzọọ nị.

Oyinyima 47:7

Di Ijosẹẹhụ rẹ sị Ijekọvụ ada anị na zụ̀ Ihwarawo nị. Di Ijekọvụ kụ́ Ihwarawo nị.

Oyinyima 48:20

Di Ijekọvụ mẹ̀ aduwa yị wa ịhị ọnọọ nị, dị ọ ka, “Anisirẹrị vị ana vaa mẹ̀ aduwaa yị ẹngụ dị ẹ ka Ohomorihi ọ̀ navọ ò zee wu anka o mè zee yị Ehwireemi ọnịrị Ịmanasẹ.” Avọọ ọ mẹ̀ sị Ehwireemi tụ́ ọvịdị Ịmanasẹ nị.

1 Ohinọyị 8:55

Dị ọ kwẹẹtẹ jẹẹ dị ọ mẹ̀ aduwa yị avaba Anisirẹrị ana wara gụ nị. Di o nowu dị ọ ka,

1 Ịtọpa 23:13

Amịramị ana vị ozi ọzọkụ anị ọ ma Eerọnị ọnịrị Imosiisi nị. Eerọnị ọnịrị avaba evere ezi anị vị ana a nyị tụ́ irenyi ka ẹ̀ sị eyi pe ịsa Ohomorihi pooro zịna-zịna. Ẹnị ẹ vaa rị eturare ịra àa hẹkẹ Ẹnẹyịmavara nị. Ẹnị ẹ vaa mẹ ụkọrọọ yị Ẹnẹyịmavara, dị ẹ yaa sị ịrẹha anịị mẹ̀ aduwaa yị aza anị nị.

2 Ịtọpa 30:27

Dị ohirẹsụ irehi Ohomorihi ọnịrị Anireevi mẹ̀ aduwa ka Ẹnẹyịmavara ọ mẹ ka oze yị wa. Dị Ohomorihi ya ịneku dị wa aduwa ẹnịnị dị ịsọvọ ẹnịnị dọ̀ ọ rị nị.

Ọyịkụra 39:43

Di Imosiisi zama ụkọrọ ọnọọ re di o re ka vị ẹ mẹ̀ ẹ anka Ẹnẹyịmavara mẹ̀ kà a yị ẹnị nị. Dị ọ mẹ̀ aduwa ka ò zee yị wa nị.

Ịrịka 6:22

Dị Ẹnẹyịmavara kà yị Imosiisi ka,

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

1 Anịkọrịntị 1:3

Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ nịnị, dị ẹ̀ sị ẹngwọọrọ yị wụ nịnị!

2 Anịkọrịntị 13:14

Ẹyịza ọọhẹ Ananyị yị Ijeesu Ikirisiti ọnịrị oyisì Ohomorihi ọnịrị uze Ụhwẹ Ọnịnị ọ̀ yà pe avaba awụ nịnị.

Iwe Ọhụhị Imosiisi ana aa hị́ Ọyịvatụrọda 10:8

Ịrẹsụ ataba, Ẹnẹyịmavara ya nị Anireevi nịnị ka e si eyi pe apoti oto anị nị. Ẹnịnị ọ̀ nyị ka ẹ vị ohirẹsụ irehi anị nị. Ẹnị ẹ zụ mẹ̀ aduwa ka o zee yị aza dị ọ dọ rị nị ụkọrọ anaa sị yị wa pooro tu ajịnị ọ vị ọnọọ nị.

Iwe Ọhụhị Imosiisi ana aa hị́ Ọyịvatụrọda 21:5

Ohirẹsụ irehi Ohomorihi vaa nọ ịzị agụvị ka ẹnị Ẹnẹyịmavara sị ọkarẹyị ịrẹyị chire ụvọ. Ẹnẹyịmavara ọ̀ nyị wa ka ẹẹ hẹkẹ ọnị, dị ẹ mẹ̀ aduwa yị aza ka o zee yị wa.

Iwe Ọhụhị Imosiisi ana aa hị́ Ọyịvatụrọda 33:1

Aanị Imosiisi, ọza Ohomorihi mẹẹ mẹ̀ aduwa yị Anisirẹrị nịnị dị ò ve su nị.

Anihiburu 7:1

Imerikizẹdẹkị ọnọọ vị ohinọyị Ịsarẹmị, dị ọ rẹ vị ohirẹsụ irehi Ohomorihi yị Ohomorihi ana nẹba hu keekere nị. Abụrahamị ộ và hụrị ịrẹkụ aa vẹ, ọ mẹ̀ na wụ ohinọyị ẹnyị aanị. Imerikizẹdẹkị ộ va gẹrị ọ, dị ọ mẹ̀ aduwaa yọ nị.

Anihiburu 7:7

Ẹ yị nyị ka àa jị ọ ịrẹka ka ọza ana mẹ ka ò zé yị ọza o huna ọza ọnị ọ mẹ ka ò zé yị nị.

Ijosuwa 8:33

Ịjọnọọ, dị avaba Isirẹrị beri ọzọga ẹnịrị azọkụ, ọdọvịdị nịnị ne beri ohirẹsụ nịnị jẹẹ va eyi ka apoti oto ana ya ọvịdị ohirẹsụ irehi Ohomorihi ana sị apoti Ẹnẹyịmavara. Achẹva ẹnịnị ya ọvịdị ataba Igerizimi, dị achẹva ọsa ya ọvịdị ataba Ẹba anka Imosiisi ozi ahụ Ẹnẹyịmavara mẹ mẹ̀ ọda ka ẹnịnị ẹ mẹ̀ aduwa yị aza ịpaapa.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!

2 Ịjọọnụ 1:3

Ohomorihi Ada ayị ọnịrị Ozi anị Ijeesu Ikirisiti ẹ̀ mẹ ọyịza yị yị, dị ẹ̀ rẹ sị ẹngwọọrọ yị yị. Ọ vaa sịị yị ị màa saasa ịzẹyịza anị, di i ree sì ịrẹyị ẹngụ.