Ịrịka 6:20 - IWE ỌNỊNỊ

²⁰ Dị ọ kụ̀rà ẹyịza ẹnẹẹ tụ ẹba hi Ẹnẹyịmavara anka ịsa ịsọvọ. Avaba ịsa ẹnẹẹ ẹnịrị uye ịrẹva ọnịrị usi ẹ sị vị Ẹnẹyịmavara yị ohirẹsụ irehi Ohomorihi. Àa maanị sị ọ mẹ, dị aza ana a nyị tụ irenyi aanị nẹngụ hu eche.

Ịrịka 6:20 ပူးပေါင်းရင်းမြစ်များ

Ịrẹyị Ọzwọzịsa 9:7

Wa naa sị ayohine rị ịsa ọnị waa nyị, dị wee hu waa mẹrị kẹnẹ; agụvị ka Ohomorihi ọ raa sị ụvọ tụ ịnị ịsị ọnị waa mẹ yị wụ.

Ayịsaya 25:6

Ẹnẹyịmavara Ochẹtẹẹngụ vaa mẹ̀ ịsa ozoza gụ ẹtẹ ịrẹsụ ataba dị ọ ka ọzọza ẹ̀ va rị. Ịsa ọnọọ ộ nyị eche ene zoza ẹtẹẹtẹrẹ ne beri uye ene zoza.

Ayịsaya 35:10

Ẹnịnị vaa sị ayohine na ngụ Ijeruasarẹmị, dị ẹ yaa jẹ ịrajẹ, dị ẹ yaa jị ahẹ naa pooro. Ẹnịnị vaa jẹ pooro, dị ẹ mā vana yẹ ịsị aā hị́ orere ọnịrị ayodu pàá.

Ireevi 10:15

Ẹ vaa sị usi ọnịrị ịrachị uye ịsọvọ ọnọnịị vẹ ịjị àaa sị ụhị anịị vaa yị Ẹnẹyịmavara, dị à rị ọ ịra ịpa ẹnẹẹ ẹ vaa vị ẹ́ẹwụrị ezi ewu pooro zịna-zịna nị.

Ireevi 23:11

Ọ vaa sị ọdụ ọnọọ yị Ẹnẹyịmavara, ẹyịza ọtirenyi ọ vị yị Ẹnẹyịmavara nị agụvị ọ̀ dọ wụ nịnị. Eyinẹhẹ ẹkụhị ụhwọtụ ohirẹsụ irehi Ohomorihi vaa sịị sị ọ yị Ẹnẹyịmavara nị.

Ireevi 7:30

Ọnị ụvọta vaa sị ọ vẹ anka ịsọyịrị ana a sị va mẹ̀ ịsọvọ. Ọ vaa kụ́ ụhị ọnịrị ịrẹva ịsụpa ọnị ọ́ sị va mẹ̀ ịsọvọ aanị vaa yị Ẹnẹyịmavara anka ẹyịza ụnarenyi.

Ireevi 7:31

Ohirẹsụ irehi Ohomorihi vaa rị ụhị ọnọnị ịra ịrẹsụ ụta ịsọvọ, ama ịrẹva ịsụpa ọnọnị vị ana a vaa sịị yị avaba ẹnị ohirẹsụ irehi Ohomorihi nịnị.

Ireevi 7:32

Ẹnẹyịmavara usi eyi ụvọrị ịsụpa ana a sị va mẹ̀ ịsọvọ aanị vị ana a vaa sịị yị ohirẹsụ irehi Ohomorihi ene pe ọza ọnọọ mẹ̀ ịsọvọ anị. Ẹyịza ụnarenyi ọ vị nị.

Ireevi 7:34

Ịrẹva ịsụpa ana a sị vaa mẹ̀ ịsọvọ aanị vị ẹyịza ụnarenyi, dị usi eyi ụvọrị ịsụpa ọnọọ vị ịsa ọgụvọ ụnarenyi ọnị Ẹnẹyịmavara dọ Anisirẹrị nịnị, dị ọ sị ẹnị ohirẹsụ irehi Ohomorihi nị. Aanị Anisirẹrị nịnị mẹ vaa sị ọsọnịị yị ohirẹsụ irehi Ohomorihi nịnị pooro nị.

Ireevi 9:21

Ama dị Eerọnị sị ịrachị uye ẹnẹẹ beri usi ụvọrị anị dị ọ sị yị Ẹnẹyịmavara anka ẹyịza oturenyi avọọ nị, ohirẹsụ irehi Ohomorihi nịnị ẹ nyị anka Imosiisi mẹ mẹ̀ ẹ ọda nị.

Ịzakaraya 10:7

Anisirẹrị nịnị vaa nyị ụkata anka isoja nịnị, ayị ẹnịnị vee hine anka aza enee hú eche avọọ nị. Ezi ịrẹma ẹnịnị vaa tamayị dị ayị ẹnịnị ee hine agụvị ịsị Ẹnẹyịmavara mẹ̀.

Ịzakaraya 9:15

Ẹnẹyịmavara Ochẹtẹẹngụ vee sere aza anị, di e vu ọnịvị ẹnịnị ẹtẹ. Ẹnịnị vee nowu eyi ịrẹkụ anka aza ene hu eche avọọ. Ẹ vaa dọ ọnịvị ẹnịnị anya vaa ha, di e sii anka anya ịsa ịsọvọ ana a và hí ịrẹsụ ụta hụụnị ẹnya avọọ.

Ịzakaraya 9:17

Ẹ vaa da zoza kẹnẹ! Ọpa ezweyi ẹnịnị vaa hụ anka ịzọọ anka akụ ịnị aarẹ, a vị ẹtụtụ igirepi ịnị ụbazị ịvayịnị avọọ nị.

Ịrịka 18:18

Uye ịsọvọ ẹnẹnị vị ẹnịnị anka aā mẹ sị ịrẹva uye ọnịrị usi ụvọrị anị tụ ẹba ịrẹsụ ụta ịsọvọ avọọ.

Ịrịka 5:25

Dị ohirẹsụ irehi Ohomorihi dọ ọ ayị hụrẹ ụvọ, dị ọ kụ̀rà tụ́ ẹba hi Ẹnẹyịmavara, dị ọ sị ọ na ịrẹsụ ụta.

Ịrịka 6:21

Aanị a mẹẹ̄ za ido aza ana ra sị Ẹnẹyịmavara nị. Àa nyị ọza ịnị ẹngụ ẹnịnị ana zẹ ịzẹzẹ ịsa ọsa, dị ọ mẹ anka ịsị ọ ka.

Imatiwu 26:29

Ịzẹyịza m maa kà a wụ nịnị nị, me mē vene hú eche ọnọnị pooro ne tù ẹkụhị oni mi vee hú ọọ ọwọọwa ịzị Ada amị yà aa mẹ ịjọva.”

Ịmaakị 14:25

Ịzẹyịza m maa kà a wụ nịnị nị, me mē vene hú eche ọnọnị pooro ne tù ẹkụhị oni mi vee hú ọọ ọwọọwa ịzị Ohomorihi yà aa mẹ ịjọva.”

Ịjọọnụ 19:30

Dị Ijeesu hú eche ọnọọ, dị ọ ka, “Ma sị mẹ ta.” Dị ọ ká ịrẹsụ hi, dị ọ hụrẹ ụhwẹ anị ụvọ nị.