Ịrịka 6:12 - IWE ỌNỊNỊ

¹² Ịrẹma ọnọọ, a nyị ka e tenyi sị wa chire Ohomorihi ụvọ agụvị ka eku ẹnẹ vịdị hị́ ò si du. Agụvị avọọ dị a sị atẹmẹ ịrayị ọnya mẹ̀ ịsọvọ ịvị wa.

Ịrịka 6:12 ပူးပေါင်းရင်းမြစ်များ

Ọyịkụra 12:5

Ọ kà atẹmẹ ẹnị ẹ̀ẹ sị ọ vị ịdẹba ịrayị ọnya, dị asị a nyị ịsị ẹ mẹ̀ ẹ vụrụ-vụrụ. Dị ọ ka òo zee wa eyi ahịka ẹvụ ẹ vavọọ sị nị.

Ezikẹẹrị 18:24

Ama ọza ọyịza ọ̀ọ và hụụnị ebira ọyịza anị, dị ọ́ naa mẹ̀ ebira odivi anaa nyị ọnị ịhyẹrẹ ana ọza odivi aa mẹ nị, ọza ọnọọ ọ́ọ́ zụ yara kẹ? Éyiye de. Ẹ́ yị nyị ebira ọyịza ọnị ọ́ vịdị mẹ ana a vaa tamayị anị. Vị́ o vee sú nị, agụvị ka ẹ yị vị ana mẹ ịzẹyịza ọnịrị agụvị ka ọ vanaa mẹ̀ ebira odivi.

Ireevi 14:24

Ohirẹsụ irehi Ohomorihi vaa sị ozi atẹmẹ ọnọọ ọnịrị angwẹ orivi dị ọ sị wa mẹ ẹyịza ụnarenyi yị Ẹnẹyịmavara, ohirẹsụ irehi Ohomorihi ọ nyị nị.

Ireevi 5:6

Ọ vaa sị atẹmẹ ọnya avị ẹvụ vaa mẹ̀ ịsọvọ ịvị anịị hi Ẹnẹyịmavara. Ohirẹsụ irehi Ohomorihi vaa sị ịsụpa ọnọọ mẹ̀ ịsọvọ yị ọza ọnọọ, dị a vagu ịvị ọnị ọ mẹ.

Ireevi 5:7

Ama ọza ọnọọ ẹ̀ yị zụ sị ozi atẹmẹ à vị ẹvụ, ọ vaa sị arivadi ẹẹva à vị arekuku ẹẹva vaa mẹ̀ ịsọvọ ịvị anịị yị Ẹnẹyịmavara. A vaa sị ọnyara mẹ̀ ịsọvọ ịvị anị, dị a sị ọsa mẹ̀ ịsọvọ ana aa rị ịra.

Ịrịka 6:11

Dị ohirẹsụ irehi Ohomorihi sị arekuku ọnya mẹ̀ ịsọvọ ịvị, dị ọ sị ọsa mẹ̀ ịsọvọ anaā rị ịra. Avaba ịsọvọ ẹnịnị vị anaā gụ wa ẹngụ agụvị ka ẹ sị ụvọ kanyị oku. Ịhị ọnọọ gẹdẹ-gẹdẹ a raa varẹma tenyi sị ẹyị ẹnịnị chire Ohomorihi ụvọ nị.

Ịrịka 6:13

Ọda ana za aza ana sị ẹngụ ẹnịnị tụ irenyi yị Ohomorihi yị. Ịnị ịsọvọ ọdịrẹma ana aā mẹ̀, dị ọzịnya-ọzịnya ẹnịnị na ọvịdị oze ana na ngụ ajẹngụ Ohomorihi,

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 3:15

Dị Ijeesu tụ́ ohi, dị ọ́ kà a yọ ka, “Naavọ wa vavọọ mẹ ẹ! Yàa vavọọ mẹ, ịsa ọnị Ohomorihi si ka ya mẹ̀, ị yaa mẹ avọọ nị”. Ịjọnọọ dị Ịjọọnụ zẹẹ yọ nị.

Ijemiisi 2:10

Ọza ọ̀ọ daka sị eyi pe avaba ọda Ohomorihi, dị ọ jịnẹ ọnya kẹnẹ nị, avaba ọda Ohomorihi bemi ọ jịnẹ avọọ nị.

2 Ịjọọnụ 1:8

Sị eyi pe ẹngụ awụ nịnị agụvị asị ụkọrọ awụ nịnị na vị osusu, ama dị ụ wa zụ rị ọgụ ụkọrọ awụ nịnị gụ.