Ịrịka 5:8 - IWE ỌNỊNỊ

⁸ Ama ọza ọnọọ òọ wusu dị ẹ yị nyị anda anaa vọrọ ka o si ụta yị nị, ọ sị ịsa ọnọọ beri ịdẹba ọnị ọ sị nyịna ịvị anị yị ohirẹsụ irehi Ohomorihi agụvị ka Ẹnẹyịmavara ọ kụkụ nyị nị.

Ịrịka 5:8 ပူးပေါင်းရင်းမြစ်များ

2 Ohinọyị 12:16

Ọza ẹ yị ma sị ẹkẹhị ana a sị vẹ ọyị sí ụta varẹma ọnịrị ana a sị vẹ agụvị ịvị tụ́ ịnị apoti ọnọnị. Ohirẹsụ irehi Ohomorihi nịnị ẹ nyị nị.

Ireevi 5:16

O vee si ụta ịsa ana vọrọ ka ọ̀ si vẹ dị ẹ yị sị ọ vẹ avọọ, dị o sí achehi ẹẹhị anị vaka a. Ọ vaa sị ọ vaa yị ohirẹsụ irehi Ohomorihi, dị ohirẹsụ irehi Ohomorihi sị ịsụpa ọnị ọ sị vẹ, mẹ̀ ịsọvọ yị ọ agụvị ịvị anị, dị a vagu ọ.

Ireevi 6:5

Ọ̀ọ daka vị ịsa ọnị ọ hị́ eku ireche ụvọ anị. O vee sí avaba anị varẹma yị ọza ana nyị ịsa ọnọọ, dị ọ sị́ achehi ẹẹhị anị vaka a yọ ịhị tụra ịhị ana aa sịị mẹ̀ ịsọvọ ịvị ọnị ọ mẹ.

Ireevi 7:7

Ịsị a sị mẹ̀ ịsọvọ ịvị aza ọnịrị ịsa ịsọvọ ọ̀yị sí ụta varẹma vị ọnyọọnya, ọda ọnyọọnya ọ za ẹnị ẹyịva nị. Ohirẹsụ irehi Ohomorihi ana sị wa vẹ ịrẹsụ ụta, ọ nyị uye anị nị.

Ịrịka 5:7

Ọ dọ irenu ebira odivi ọnị ọ̀ mẹ̀, dị o si ụta beri achehi ẹẹhị varẹma yị ọza ọnị ọ mẹ̀ ẹ hi.

Ịrịka 5:9

Avaba ịsa ọnị Anisirẹrị ẹ̀ sị va yị Ohomorihi vị ohirẹsụ irehi Ohomorihi ana a tana ẹ yị.