Ịrịka 5:7 - IWE ỌNỊNỊ

⁷ Ọ dọ irenu ebira odivi ọnị ọ̀ mẹ̀, dị o si ụta beri achehi ẹẹhị varẹma yị ọza ọnị ọ mẹ̀ ẹ hi.

Ịrịka 5:7 ပူးပေါင်းရင်းမြစ်များ

Ahẹ Ụgama 32:5

Di mi ve nyima dị maa kụ́ irenu amị nị ka mâ rị ịvị mẹ yị kụkụ dà ịvị amị ọnyọọnyị tẹ Ẹnẹyịmavara, mị ka maa dọ irenuu wụ ka mâ rị ịvị M mẹ̀ vavọọ dọ irenu, dị ụ vagu mị ịnị ịvị ọnị mị rị nị.

Ụhịrẹyị 28:13

Ẹ yị ve zoza yị ọza anaa jị oku ku ịvị anị, ama ọza anaa dọ irenu ịvị anị dị ọ va hụụnị anị, vị ọnị Ẹnẹyịmavaraā vayị anị.

Ireevi 26:40

Ọ kà ama ẹnịnị ẹ̀ẹ dọ irenu ịvị ẹnịrị ohiku ẹnịnị, ohiku ẹnịnị ana và eyirazị ka ọnị, dị ẹyaa mẹ ịsị ọnị ọnị è yi sì,

Ireevi 26:41

ana mẹ ka ọnị ọ̀ rẹ mẹ ịsị ẹnẹ ẹnịnị è yi sì hi wa, dị ọnị kụ wa ve hi ịnị ẹtẹ ọnịvị ẹnịnị nị. Ọ kà, ẹnịnị ẹ̀ẹ sị ayị ẹnịnị và ẹngụ ẹnịnị nẹtẹ, dị ẹnịnị dọ ka ẹnị ẹ̀ rị ụya ịvị ẹnịnị nị.

Ireevi 5:15

Ọza oo nyeeyi, dị ẹ yị sị ịsa ana vị Ẹnẹyịmavara va yọ nị, ọ sị ịvị mẹ. Ọza ọnọọ vaa sị ịdẹba à vị ẹvụ ẹnẹ ẹ̀ yị tụ ọkụmị vaa mẹ̀ ịsọvọ ọyị sị ụta varẹma yị Ẹnẹyịmavara. Ịsa a sịị̄ ngọ ịsa ịnị irehi Ohomorihi a vaa sị ngọ ọ, dị a yẹ ọpa ọnị ọ vị nị.

Ireevi 5:16

O vee si ụta ịsa ana vọrọ ka ọ̀ si vẹ dị ẹ yị sị ọ vẹ avọọ, dị o sí achehi ẹẹhị anị vaka a. Ọ vaa sị ọ vaa yị ohirẹsụ irehi Ohomorihi, dị ohirẹsụ irehi Ohomorihi sị ịsụpa ọnị ọ sị vẹ, mẹ̀ ịsọvọ yị ọ agụvị ịvị anị, dị a vagu ọ.

Ireevi 5:5

Ụmẹ ọnị ọza ọ̀ọ sị rị ịvị ẹngụ ịrẹyị ẹnẹnị, ọza ọnọọ ọ̀ na dọ irenu anị ka ọnị ọọ maanị mẹ̀ ịvị.

Ireevi 7:7

Ịsị a sị mẹ̀ ịsọvọ ịvị aza ọnịrị ịsa ịsọvọ ọ̀yị sí ụta varẹma vị ọnyọọnya, ọda ọnyọọnya ọ za ẹnị ẹyịva nị. Ohirẹsụ irehi Ohomorihi ana sị wa vẹ ịrẹsụ ụta, ọ nyị uye anị nị.

Ịrịka 5:8

Ama ọza ọnọọ òọ wusu dị ẹ yị nyị anda anaa vọrọ ka o si ụta yị nị, ọ sị ịsa ọnọọ beri ịdẹba ọnị ọ sị nyịna ịvị anị yị ohirẹsụ irehi Ohomorihi agụvị ka Ẹnẹyịmavara ọ kụkụ nyị nị.

Iruuku 19:8

Dị Ịzakịyọsị kwẹẹtẹ jẹẹ, dị ọ kà a yị Ananyị yị ka, “Re, Ananyị yị! Mị vaa sị achẹva avaba ịsa ọnị mị nyịị mẹ ọpịsarị nịnị ẹyịza; aza ọnị mị vịdị mẹ rị, mi vee sí ọọ yọ oze ẹẹna.”

Ijosuwa 7:19

Dị Ijosuwa kà a, “Ozi emi, ka ịzẹyịza ịzẹnị ọvịdị Ẹnẹyịmavara ana vị Ohomorihi Anisirẹrị nịnị. Ka irenu awụ kà a mị booro anị ịsị ụ mẹ̀. Asị ụ da a gu.”