Ịrịka 5:17 - IWE ỌNỊNỊ

¹⁷ Dị ọ sị enyi ọnịnị tụ ịnị ụnọkọ, dọ ka ezi ini eteesu irehi Ohomorihi va hura a.

Ịrịka 5:17 ပူးပေါင်းရင်းမြစ်များ

Ijoovu 2:12

Ịjị ẹnịnị re e hụrẹ aha ẹnẹẹnẹ ka ọ sị vara, dị ẹ va orere hi nị. Dị ẹ yaa jị òrèrè booro-booro nị. Dị ẹ na awuru ẹnịnị hi ẹngụ dị ẹ kụ edudu ku ịrẹsụ ẹnịnị, dị ẹ va ẹngụ hi nị.

Ọyịkụra 30:18

“Sị enyusẹ ana aā hị́ ịkọpa dị ụ wa sị mẹ̀ ẹnya ọnya ana a vaa sị nyịna ụvọ. Dị ụ rẹ sị ịkọpa mẹ ohyẹtẹ anị ana a vaa sị ọnọọ tụra. Dị ụ sị ọ tụ́ ịnị akakana ajẹngụ ịzị aā gẹ ọnịrị ụ́ta ọnọọ.

Ijeremaya 17:13

Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.

Arụwẹ 3:29

Navọ ya wụ̀ chire ịnị ịrẹsụ ọkahi, ka ẹyịyara ẹ vaa nyị ọyịtureyi.

Ịrịka 5:16

Dị ohirẹsụ irehi Ohomorihi sị ọnẹẹ ọnọọ vị ọvịdị Ẹnẹyịmavara.

Ịrịka 5:18

Dị ọ hụ́ ịta hụrẹ ana vị ọnẹẹ ịrẹsụ, dị ọ sị ịsa ịsọvọ ọnọọ tụra a ụvọ. Dị ọnị sị ịpa ọnịrị enyi ọnyịrẹyị ana a sị tụ́ ozirenu rị ụvọ.

Ịjọọnụ 8:6

Ịrẹyị ọnọnị vị ene eyee sii be Ijeesu, agụvị di è zụ re ịrẹyị ẹnẹ ẹnị vaa sị za a. Ama di Ijeesu nyima nẹtẹ, dị aa sị igegee chẹrẹ ịsa tụ́ ini eteesu nị.

Ịjọọnụ 8:8

Di o re nyima nẹtẹ, dị ọ raa chẹrẹ ịsaa tụ́ ini eteesu nị.