Ịrịka 4:5 - IWE ỌNỊNỊ

⁵ Àaa nyị ka ẹyaa kwẹẹtẹ hụrị aha ọnyị ngụ ọsa, Eerọnị ọnịrị ezi anị ẹ vịdị va ngụ ịnị ajẹngụ na tụ achị ịnị akakana ne ku apoti oto da nị.

Ịrịka 4:5 ပူးပေါင်းရင်းမြစ်များ

1 Ịtọpa 15:15

Anireevi nịnị ệ za okutẹ ana a mẹ tụ eyi ẹnyị-eyi ọsa, dị ẹ sị apoti ọnọọ tụra ịza nị. Avọọ Ẹnẹyịmavara mẹ kà a yị Imosiisi ka ọ̀ mẹ̀ ẹ ọda nị.

1 Ịtọpa 23:26

Avọọ ẹ yị kụkụ nyị ka Anireevi nịnị ẹẹ kụ ajẹngụ ịzị Ẹnẹyịmavaraā yà ọnịrị avaba ẹnya ana a sịị̄ mẹ ahẹkẹ.

2 Ịtọpa 3:14

Isoromọnị ộ mẹ̀ achị ọnị uvuru ọnịrị ọdọzeeyirị ne beri ovivi, vaka achị ọhẹhẹ jị oze. Achị ẹnẹẹ vị ana a va uhwoto icherubi nịnị tụ́.

Ọyịkụra 36:35

Ệ sị owu onivuru ọnịrị owu ana a sị enyi onivuru ọnịrị ovivi pō vabẹ dị a sị mẹ enyi anị ne beri owu ovivi dị ẹ ta a vabẹ di e si hi ịta ajẹngụ ọnọọ nị. Dị aza ana yẹ eyi ụkọrọ sị uhwoto icherubi mẹ̀ ụkọrọ hị́ ọ nị.

Ọyịkụra 40:3

Ọ kà ọ̀ sị apoti oto dị ọ sị ịta anị jị ọ.

Ọyịkụra 40:5

Ọ kà ọ̀ rẹ sị ụta ana a sị igooru kú ịzị a yaà rị eturare ịra dị ọ̀ sị tụ́ ọvịdị apoti oto, dị ọ̀ va sị ịta dị ọ̀ sị jị oze ana a zị naa ngụ ịnị ajẹngụ ọnọọ.

Ayịsaya 25:7

Ịrẹsụ ataba ịzọọ Óhomorihi vaa yà dị ọ kụ́ ayodu kwooze yị avaba aza nị.

Ireevi 16:2

Ọ̀ kà a yị ọyịnyara anị Eerọnị ka, à sị ọ sị avaba ụmẹ ngụ aha ọnịnị ịzị a sị ịta jị, agụvị ka ịzọọ ọnị yaā sị ẹngụụ zụ̀ ịnị eguhi, akẹbẹẹba oku apoti oto nị. Ẹ̀ yị saasa ịrẹyị ọnọnị vị ọnị aa wụ̀ ọ nị.

Ịrịka 10:14

Inasoni ozi Aminadabi ọ vị ọdọvịdị ana kụ avaba ịrẹsụ ana jị udi beri Ijuda tụ ọvịdị aza ana vọ, dị ẹ sị uyi rị ụvọ nị.

Ịrịka 4:15

Eerọnị ọnịrị ezi anị ẹ sị mẹ ta dị ezi Ikoha va kú ẹnya ẹnẹẹ nọ ịzị a nọ. Ama ẹ yị nyị ọza ana nyayịnẹ sị ụvọ kanyị ẹnya ẹnẹẹ ẹ vị e si isu yị ẹngụ anị. Ezi Ikoha kẹnẹ ẹ zụ kú ẹnya ẹnẹẹ nị.

Ịrịka 4:4

Ẹnị ẹ nyị ọyị sị eyi pe ẹnya ana a sị mẹ ahẹkẹ ịnị irehi Ẹnẹyịmavara nị.

Ịrịka 7:9

Ama ẹ yị nyị ịsị Imosiisi sị yị Anikohati nịnị agụvị ka ẹnị e sị eyi pe ụkọrọ ẹnya Ẹnẹyịmavara ana a sị ịrẹsụ ịza kụ nị.

Imatiwu 27:51

Dị achị ọratụpọ anaa sị che irehi Ohomorihi, há hi ẹẹva hụrẹ ẹbẹẹba na ngụ ụvẹtẹ waara nị. Dị ẹtẹ henyi, dị ịrẹta nịnị há hi ẹẹva nị.

Iwe Ọhụhị Imosiisi ana aa hị́ Ọyịvatụrọda 31:9

Dị Imosiisi chẹrẹ ọda ẹnẹnị tịtẹ, dị ọ̀ sị yị ohirẹsụ irehi Ohomorihi nịnị ana vị ezi Ireevi, ana sị eyi pe apoti oto Ẹnẹyịmavara ọnịrị ọdọvịdị Anisirẹrị nịnị.

Anihiburu 10:20

Ijeesu ọ raà na oze ọwọọwa yị. Oze ọnọọ vị anaā sịị ọza naa ngụ ịnị ọyịyara. Ẹngụ anị ọ sị sị yị na para ịta (ana a sị jị oze Aha Ọnịnị keekere ini irehi Ohomorihi) hu na ngụ ịzọọ nị.

Anihiburu 9:3

Ịnịnẹ anị, â nyị aku ana a sị ịta ọsa ana ratụpọ jị oze anị. Ịzọọ aā hị́ Aha Ọnịnị keekere nị.

1 Ịsamụwẹrị 6:19

Anịbẹtị Isemesi mẹ̀ jịnẹ vẹ di eyee re Apoti Ẹnẹyịmavara ọnọọ goro-goro, dị Ẹnẹyịmavara wụ ẹnị ẹtarẹwụ ịnị aza ẹnẹẹ nị. Ịjị Ẹnẹyịmavara vavọọ tana ụvọ za Anịbẹtị Isemesi, di eyee sụ ùnè ẹtẹẹtẹrẹ nị.