Ịrịka 33:1 - IWE ỌNỊNỊ

¹ Ịrẹha ẹnẹnị ẹ vị ịrẹha ẹkụra irenyi-irenyi ịzị Anisirẹrị nịnị yaa jẹẹ tụhwọ dị ẹ́ va hụrị Ijipiti va ngụ Imowabi nị. Imosiisi ọnịrị Eerọnị ana vị ọdọvịdị ẹnịnị vị ene to wa ịrẹsụ-ịrẹsụ.

Ịrịka 33:1 ပူးပေါင်းရင်းမြစ်များ

Imika 6:4

Ẹma kụ́ wụ nịnị hụrẹ ẹtẹ Ijipiti vẹ nị, dị mị kụ́ wụ nịnị hụụnị udi ọrịhị nị. Ẹma tụ́ Imosiisi ọnịrị Eerọnị beri Imeriyamị ka ẹ gụ nịnị ụvọ nị.

Ahẹ Ụgama 77:20

Wâ tụ́ Imosiisi ọnịrị Eerọnị ka ẹ̀ẹ tẹsị aza awụ anka aza ene ee sere ịsụpa mẹ̀ẹ tẹsị ịsụpa ẹnịnị avọọ.

1 Ịsamụwẹrị 12:8

Ịnị ụmẹ oni Ijekọvụ ọnịrị aza anị nọ Ijipiti, dị Anijipiti aa sị ụyaa rị wa nị. Di ezi Ijekọvụ nowu na za Ẹnẹyịmavara kà ọ̀ ba ẹnị owu nị. Dị Ẹnẹyịmavara tụ́ Imosiisi ọnịrị Eerọnị ka ẹ na kụ́ ohiku awụ nịnị jịnẹ hụrẹ Ijipiti va ra ịzẹnị.

Ijosuwa 24:5

Ịrẹma anị Ẹnẹyịmavara vaa tụ́ Imosiisi ọnịrị Eerọnị ka ẹ kụ́ Anisirẹrị nịnị hụrẹ ịzọọ. Dị ọ kụ́ akanya tu wa odivi-odivi tu Anijipiti. Dị ọ vaa kụ aza anị jịnẹ hụụnị Ijipiti.

Ọyịkụra 13:18

Di Ohomorihi kụ́ aza ẹnẹẹ jesi kara ẹtẹ na zi oze ịnị ụnọmị ana na ngụ ini Oku ịkẹ-ịkẹ nị. Anisirẹrị nịnị mẹ̀ jịnẹ hụrẹ Ijipiti, vi e tenyi ẹngụ ịrẹkụ nị.

Ọyịkụra 12:51

Ịhị ọnọọ gẹdẹ-gẹdẹ dị Ẹnẹyịmavara kụ́ Anisirẹrị ogu-ogu jịnẹ hụrẹ Ijipiti nị.

Ọyịkụra 12:37

Anisirẹrị nịnị vị ana aa na anka isoja anaā sịị ahụ zị. Oze Iramesisi ẹ zi jịnẹ, di e zi oze Isukoti aa na nị. Ẹnị ana na vị akahị-akahị oze akata (600,000). Ẹnị anọrụ ana sị hụ ọmụha kẹnẹ ọ vị ọnọọ nị. Ọza ọ yị za anyẹnẹẹ ọnịrị ezweyi tụ́ ọ.

Ịrịka 33:2

Ẹnẹyịmavara vị ana mẹ̀ ọda yị Imosiisi ka ọ chẹrẹ ịrẹha ẹkụra-ẹkụra ẹnẹ ệ jẹẹ tụhwọ tịtẹ.

Ahẹ Ụgama 105:26

Di Ohomorihi va tụ́ Imosiisi ozi ahụ anị ọnịrị Eerọnị ọnị nyị,

Ọyịkụra 6:26

Eerọnị ọnịrị Imosiisi ẹnẹẹ gẹdẹ-gẹdẹ Ẹnẹyịmavara kà a yị ka ẹ̀ na kụ́ Anisirẹrị jịnẹ hụrẹ Ijipiti nị. Ọ kà ọ̀ kụ́ wa jịnẹ ógu-ógu.

Ọyịkụra 12:41

Ịhị ọnị ịrayị akava tụra ohurẹẹwụ ọnọọ gụ gẹdẹ-gẹdẹ ịhị ọnọọ dị aza Ẹnẹyịmavara jịnẹ hụrẹ Ijipiti ogu-ogu nị.