Ịrịka 32:38 - IWE ỌNỊNỊ

³⁸ Inebo ọnịrị Ịbaarị-Imeyoni neberi Isibima vị ene ree tenyi dà, dị ẹ sị ịrẹha ọwọọwa yị wa.

Ịrịka 32:38 ပူးပေါင်းရင်းမြစ်များ

Oyinyima 26:18

Di Ayiziiki rẹ varẹma chị ịkangga ẹnẹẹ ana ada anị Abụrahamị vịdị chị di Anihwirisiti nịnị kụ́ ezi hi ọ nị Abụrahamị mè wusu nị. Di ahịka ịrẹha ana ada anị vịdị aa hị́ ịkangga ẹnẹẹ ọnị raa hị́ wa nị.

Ẹzịra 10:43

Aza ana hụụnị ovwoovu Inebo ẹ vị Ijeyẹrị, Imatitiya, Izabadi, Izebina, Ijadayi, Ijowẹrị, ọnịrị Ịbẹnaya.

Ahẹ Ụgama 16:4

Ama aza ana aa hẹkẹ ori avọọ, ụya ẹnịnị vaa da dẹngụ Ẹ̀ẹ yàa mẹ̀ ịsọvọ, ama mẹ yị va bẹ ụvọọ tụ́ ọ yị wa Mẹ yị vaa kà ịrẹyị kanyị wa.

Ọyịkụra 23:13

Re ka avaba ịsị mị kà wụ aanị, wâ sị eyi pè e waa saasa a. Asị ụ na hị́ ịrẹha ori ọnyọọnyị, asị a hyakụ wụ́ ka wa si irenu awụ kà ịrẹyị ẹnịnị.

Ayịsaya 16:8

Ịsa ịnị aarẹ Ịhẹsịbọnị ọnịrị aarẹ ana yà Isibima e kú du ha saka-saka. Ọchị ịvayịnị ene hi ịzọọ vịdịị tụ̀ dị aza aa sịị mẹ eche oni ohinọyị nịnị ee hú di aa mẹrẹ wa. Ọchị ẹnẹẹ vị ana vịdị gụ ẹtẹ huu hụụnị ụnọmị eyi ọnị ọyịị̄ zịị vẹ, dị ọ vavọọ na ngụ ụtọ oku nị. Ama a sị avaba anị du ha saka-saka.

Ayịsaya 46:1

Vị́ ori Anibabironi nịnị ta aanị nọ! Ịbẹẹrị ọnịrị Ineebo vị ori ẹnẹ ẹ vịdịị hẹkẹ, ama booro aanị e ree kune wa tụra ịkẹrịkẹtẹ nịnị. Ịsụpa ọnị ọ sị ngụ ẹngụ e kụnẹ wa tụra nị.

Ijeremaya 48:1

Ijeremaya kà, ịrẹyị ọnị Ẹnẹyịmavara Ochẹtẹẹngụ tụ ọnị hi aza ene hi Imowabi yị. Ịrẹyị o tu ẹwụ nịnị ene hi Inebo ẹngụ. Ẹkụra awụ nịnị ee vee vú ẹtẹ. Ẹtẹ Ikiriyatayimi vị ana a vaa mẹ̀ ụhị nyị, dị aa za a. Aha ụkata ẹnịnị vị ana a vaa gara a ha.

Ijeremaya 48:21

Ẹnẹyịmavara kà, ó si tu ka à mẹ̀ ọkarẹyị yị ẹkụra ene hi aha ana nẹba hu aha ana vọ. A vaa mẹ̀ ọkarẹyị yị Ihoroni, Ijahiza, ọnịrị Imehwaati.

Ijeremaya 48:23

A vaa mẹ̀ ọkarẹyị yị Anikiriyatayimi, Anịbẹtị-Igamuri ẹnịrị Anịbẹtị-Imewoni nịnị.

Ezikẹẹrị 25:9

ọnị vaa navọ ka ọnịvị nịnị ẹ̀ kụ ịrẹkụ tu ẹkụra-ẹkụra ene hi ụtụụtọ Imowabi. E vee nyimaa hụrị ẹkụra ẹnịnị ana nyị eyi ana aā hị́ Ijesimoti, Ịbaarị-Imeyoni ọnịrị Ikiriyata-Iyimi.

Ịrịka 22:41

Eyinẹhẹ anị, dị Ịbarakị sị Ịbaraamị nọ ịnị ataba Ibamoti Ịbaarị. Ịrẹsụ ataba ọnọọ vị ana va ịzị Anisirẹrị ya chire.

Ịrịka 32:3

Ataroti, Idiboni, Inimira, Ịhẹsịbọnị, Erire, Isebami, Inebo ọnịrị Ịbẹyọ,

Ịrịka 32:37

Dị Anirubẹnị nịnị ẹnị re tenyi dà ẹkụra Ịhẹsịbọnị, Erire, Ikiriyatayimi,

Iwe Ọhụhị Imosiisi ana aa hị́ Ọyịvatụrọda 32:50

Ịrẹsụ ataba ọnọọ Imosiisi vee su tụ́ anka ọhụva anị Eerọnị me su, di e ne e tụ́ ịrẹsụ ataba Ịhọrị.

Ijosuwa 23:7

Asị ẹwụrị aza ẹnẹnị ana vọ beri ẹwụ nịnị rị vabẹ. Asị ụ kà ịrẹyị ịrẹha ori ẹnịnị, a vị dị ụ wa sị̀ hị́ eku, a vị ka wa hẹkẹ ẹ, dị ụ wa tana tụra ẹtẹ yị wa.