Ịrịka 32:23 - IWE ỌNỊNỊ

²³ Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa.

Ịrịka 32:23 ပူးပေါင်းရင်းမြစ်များ

Oyinyima 13:13

Ama Anisodọmị vị aza edivi hangụ-hangụ, dị ẹ nyayịnẹ aa mẹ̀ ebira odivii ene du Ẹnẹyịmavara ayị nị.

Oyinyima 4:7

Ọ kà ọọ yaanị mẹ̀ ebira ana vọrọ, ịnẹ anị yaanị ee hine aanị. Ọ rẹ ka ọ̀ yị mẹ̀ ebira ana vọrọ, ịvị ọ sị gụrị ọ ee sì ka ọnị ọ̀ nyị ehuna anị Ọ kà ama ọ̀ sị vụrị di ò re ka ọnị ô huna a.”

Oyinyima 44:16

Di Ijuda ka, “Nda, sịị zụ kà aanị? Sị ị vị ana zụ kụ́ dị ya rị ịhị? Ohomorihi ọ raà sị ịvị ayị tụ́ ẹhẹ. Nda, avaba ayị saka ọ vị ọrịhị awụ nị, ẹyị ọnịrị ọza ene e re ako ịnị ụvọ anị.”

2 Ịsamụwẹrị 3:39

Ịzẹyịza ẹmị a nyị mẹ ohinọyị ịnị ụmẹ ọnọnị nị, mẹ yị nyị ụkata. Ezi Izeruya ẹnịnị ẹ sị kata huna mị. Avaba aza ana aa mẹ̀ ịsa edivi aanị, Ẹnẹyịmavara ọ̀ navọ ò si wa atọ ịsa odivi ẹnị ẹ yaa mẹ.”

1 Ohinọyị 2:32

Ẹnẹyịmavara va họ̀ ọ oponu aza ọnị ọ wụ. Aza ẹnẹẹ ọnị ọ wụ̀ ọ vị ọnịzẹyịza, dị ẹ rẹ nyị ebira ozoza huna a nị. Ijowabi vị ana sị ụ̀hwọ̀ wụ̀ aza ẹnẹẹ, ama Idevidi ada amị ẹ yị yẹ. Aza ẹnẹẹ ọnị ọ vavọọ wụ ẹ vị Abịna ozi Ineri ana vị ọga isoja Anisirẹrị ọnịrị Amasa ozi Ijeteri ana vị ọga Isoja Anijuda.

1 Ohinọyị 2:33

Ijowabi ọnịrị ezi anị ịrẹma-ịrẹma vị oni oponu aza ẹnẹẹ vaa yà ịrẹsụ ẹnịnị pooro zịna-zịna. Ama Ẹnẹyịmavara vị ana vaa sị ẹngwọọrọ yi Idevidi ọnịrị ezi anị ịrẹma-ịrẹma ne beri aneehi aanị ọnịrị ohinọyị ọnị ọ rị, pooro zịna-zịna.”

Ahẹ Ụgama 139:11

Jẹẹ ma rẹ va kà a ka etohozi ọ̀ va kụ́ mị, à vị ka ẹtohweyi ọ̀ vara ịrahụ kú mị dị asị e re mi.

Ahẹ Ụgama 140:11

Asị ụ zẹẹ ka ò zoza yị aza ana aa dà irechee kú ọza. Navọ ahịka odivi-odivi ò ve tù aza ene ee sì ka ẹnị ẹ̀ wụ̀ ọza nị, dị ahịka odivi ọnọọ ọ wụ̀ wa nị.

Ahẹ Ụgama 90:8

Wâ yẹ avaba ebira odivi ọnị yaa mẹ, ẹ yị nyị ikonya ọnị ụ wẹ̀ yị yẹ.

Ụhịrẹyị 13:21

Odivi oō du ọza ọhịmị echi nị ama ọnịzẹyịza vị eneē re ọyịza.

Ụhịrẹyị 24:16

Ọnịzẹyịza ọ̀ọ hyẹdụ pooro, ọ vaa kwẹẹtẹ ama akanya vi ene vee vu ọza ọhịmị ẹtẹ.

Ụhịrẹyị 5:22

Ebira odivi aza ọhịmị vị anaa va ịrẹpa ee zi wa. Ebira ịvị ọnị ẹ yaa mẹ̀ ọ vị ọha ana za wa nị.

Ayịsaya 3:11

Ama dị ụ kà a yị aza edivi ka ẹ sị dà. Ụya aa vẹ ịrẹsụ ẹnịnị agụvị ka ebira ẹnẹ mẹ, a vaa sị ọgụ anịị yị wa.

Ayịsaya 59:12

Ebira odivi ẹnịnị vị ana gwẹẹtẹ ọvịdị Ohomorihi, dị ẹ yaa jị ịvị yị wa. Ẹnịnị ẹ yẹ avaba ebira odivi ẹnẹ mẹ̀.

Ijona 1:7

Dị anụkọrọ ẹpa ẹnẹẹ gẹ eyi ka eni è sì iruvo ọza ana kụ́ odivi ọnọọ tù ẹnị nị. Ẹ mẹ̀ zama ẹtẹ re, dị ọ za Ijona nị.

Aniroomi 2:9

Avaba aza ana àa mẹ odivi saka-saka vaa rị ụya, di eyi ẹnịnị ee ví. Aniju nịnị o vịdị vee tù nị, di ò re ve tù aza ana vọ ẹnẹ ẹ̀ yị vị Aniju.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

Ijosuwa 7:18

Dị Ijosuwa sị anovwoovu Izabidi ozi Ịzẹra tụ ẹhẹ ikonyi-ikonya, dị ahịka Eekanị ana vị ozi Ikami ana vị aazị Izabidi eku za nị.