Ịrịka 32:22 - IWE ỌNỊNỊ

²² Ịjị Ẹnẹyịmavara ọ́ raà gụ ẹnịnị ụvọ dị ẹ dọ ẹtẹ ta nị, di e re oze varẹma vẹ eehi agụvị ka ẹnịnị ẹ ra mẹ ịsị Ẹnẹyịmavara kà ọnịrị ịsị a vọrọ ka ẹ mẹ yị anda ẹnịnị Anisirẹrị. Ịjọnọọ, dị Ẹtẹ ọnọọ vaa vị ẹnịnị.

Ịrịka 32:22 ပူးပေါင်းရင်းမြစ်များ

2 Ịsamụwẹrị 3:28

O si ku chee, di Idevidi va wụ́ ka aanị Ijowabi mẹ̀ mẹ nị. Di Idevidi ka, “Ẹnẹyịmavara ee re e ka ẹmịrị aza ọnị mị vị ohinọyị anị ẹ yị bẹ tụ́ ịnị isu Abịna ozi Ineri. Ịvị amị ẹ yị vaa rị yị pooro pàá.

Ahẹ Ụgama 78:55

Anẹkụra ọnọọ vị ọnị ọ dụ hụụ ịzọọ, dị ọ gà ẹtẹ anị yị aza anị ka ọ̀ vị ogu ẹnịnị nị. Dị ọ kụ́ Anisirẹrị ka è hi ini eehi aza ẹnẹẹ nị.

Ireevi 14:34

Ịjị waa na sị ngụ ẹtẹ Ikanaani, ọnị ọnị ọnyọọnyị ịnị ẹtẹ ọnọọ ọ̀ọ chị́ uru nị.

Ịrịka 32:21

Avaba ọkụrẹkụ ẹnịnị vaa jịnẹ Okuha Ịjọdanị anka Ẹnẹyịmavara mẹ kà a, dị ẹ gẹ ịrẹkụ tu ọnịvị ẹnịnị pooro di Ẹnẹyịmavara ọ sị wa nyị ẹbẹẹba ẹnịnị.

Iwe Ọhụhị Imosiisi ana aa hị́ Ọyịvatụrọda 3:20

Isoja ẹnịnị vaa saasa Anisirẹrị ana vọ pooro dị ẹnịnị ẹ dọ avaba ẹtẹ ọnị Ẹnẹyịmavara ana vị Ohomorihi ẹnịnị àa sị yị wa akẹnẹ irehu Ijodani eyi ọsa. Ịrẹsụ ọzọza ọ sị ẹtẹ nyị, dị isoja ọzọza vavẹ ịnị ẹtẹ anị.

Ijosuwa 1:15

pooro dị Ẹnẹyịmavara ọ̀ sị ụhwọtụ yị wa, ọnị mẹ mẹmẹ yị ẹwụ nịnị. Dị ẹnị ẹ rẹ dọ ẹtẹ ẹnịnị ọnị Ẹnẹyịmavara ana vi Ohomorihi ẹnịnị aa sị yị wa. Ọ kà ịjọnọọ dị ẹ̀ va vavẹ ịnị ẹtẹ ana a raà dọ yị wa, dị ọ kụkụ vị ẹẹnịnị. Ọ kà ẹtẹ ọnọọ Imosiisi ọnụtụ Ẹnẹyịmavara sị yị wa tụ́ akẹnẹ Okuha Ịjọdanị oze ọnị ọyịị̄ zịị hụrẹ nị.

Ijosuwa 10:30

Ẹnẹyịmavara sị ẹkụra ọnọọ chi wa ụvọ, dị ẹ wụ̀ avaba aza ọnịrị isoja ẹnịnị ha nị. Ijosuwa ọnị ụvọta wụ ohinọyị Iribina anka ọ mẹ wụ ohinọyị Ijeriko avọọ nị.

Ijosuwa 10:42

Agụvị ka Ẹnẹyịmavara ộ vụ ịrẹvụ yị Ijosuwa, dị ọ wụ ohinọyị ẹnẹẹ dị ọ dọ wa ẹtẹ nị.

Ijosuwa 11:23

Ijosuwa ộ dọ avaba ẹtẹ anka Ẹnẹyịmavara mẹ ọda yị Imosiisi. Dị Ijosuwa sị ẹtẹ ọnọọ yị Anisirẹrị ka ọ vị ẹẹnịnị nị. Dị ọ ga yị wa ịrẹsụ. Agụvị avọọ ẹnịnị tụ́ ụhwọ́ hụụnị ịrẹkụ ọyị kụ nị.

Ijosuwa 13:8

Ịrẹsụ Irubẹnị ọnịrị Igadi beri achẹva Ịmanasẹ ệ vịdị raà dọ ẹtẹ hụụnị ụvọ Imosiisi ozi ahụ Ẹnẹyịmavara akẹnẹ Ijodani.

Ijosuwa 18:1

Ịrẹma ọnị Anisirẹrị nịnị raà dọ avaba ẹtẹ ọnọọ ta, dị ẹ avaba ẹnịnị kụ ẹngụ gụ Isiro, dị ẹ jị ajẹngụ ịzị ẹnịrị Ohomorihi aa gẹ nị.

Ijosuwa 2:19

Ama ẹnẹ yị vaa nyị ụvọ tu ịnị usu ọza tura ọza ana aa jịnẹ hụụnị ịnị irehi ọnọọ tụ́ ẹhẹ ịnị ụpatẹsị nị.

Ijosuwa 22:4

Booro anị, Ẹnẹyịmavara Ohomorihi awụ nịnị ọ raà mẹ ẹngwọọrọ yị anda awụ nịnị anka o mè wo oto yị wa. Agụvị avọọ, varẹma wa nọ eehi awụ nịnị ịnị ẹtẹ ọnị Imosiisi ozi ahụ Ẹnẹyịmavara sị yị wụ nịnị akẹnẹ Ijodani eyi ọsọọ.

Ijosuwa 22:9

Ịzẹyịza, ezi Irubẹnị nịnị, ezi Igadi, ọnịrị achẹva ezi Ịmanasẹ nịnị ệ varẹma aa nọ eehi ẹnịnị. Ẹnịrị Anisirẹrị nịnị ana vọ ệ hahi Isiro ịnị ẹtẹ Ikanaani, dị ẹyaa nọ ẹtẹ Igiriyadi nị. Ịzọọ ọ vị ẹtẹ ẹnịnị nị. Ẹnẹyịmavara ọ mẹ ọda yị Imosiisi ka ọ̀ sị ịzọọ yị wa nị.