Ịrịka 31:54 - IWE ỌNỊNỊ

⁵⁴ Imosiisi ọnịrị Eriyaza ẹ̀ dọ ẹyịza ẹnẹẹ hụụnị ụvọ ọga isoja na tụ ịnị irehi Ẹnẹyịmavara agụvị dị ọ dọ wa ha.

Ịrịka 31:54 ပူးပေါင်းရင်းမြစ်များ

Ẹzịra 7:5

ozi Abisuwa, ozi Ihwinehasi, ozi Eriyaza, ozi Eerọnị ohirẹsụ ọbanyị irehi Ohomorihi.

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ahẹ Ụgama 145:7

Avaba ịsa ozoza ọnị waa mẹẹ yị aza vị ẹnị ẹnịnị vaa sị jị ahẹ.

Ahẹ Ụgama 18:49

Ẹnẹyịmavara, agụvị ịsị ụ maanị mẹ aanị mị vaa sị ụbanyịị wụ ịnị akakana anẹkụra ẹnẹ ẹ̀ yẹ wụ, dị maa jị ahẹ gono wu.

Ọyịkụra 28:12

di we kuru wa za ọtụrịza ana yà ịnị ịharamịra ọnọọ. Ịrẹta ẹnẹẹ a vaa sị tamayị ezi Anisirẹrị pooro nị. Avọọ Eerọnị mẹ̀ vaa kụ́ ịrẹta ẹnẹẹ tụra ịza anị, dị ọ̀ mẹ ka ẹmị Ẹnẹyịmavara maā tamayị ẹnịnị pooro nị.

Ọyịkụra 30:16

Dị ụ dọ ẹkẹhị ọnọọ ẹnị ẹ sị va hị́ ẹngụ ẹnịnị varẹma dị aa sịị mẹ̀ ụkọrọ ịnị ajẹngụ ịzị aā gẹ. Ẹkẹhị ọnọọ vi ene si si ụta ẹngụ ẹnịnị. Ọ vaa mẹ ka ma tamayị di mee sere wa.”

Ịzakaraya 6:14

Amu ohinọyị ọnọọ vị ana vaa sị tamayị Iheremi, Itobaya ọnịrị Ijedaya beri Iheni ozi Ịzẹhwanaya ịnị irehi Ohomorihi.

Ịrịka 16:40

Ịsa ana mẹ aanị vaa ka Anisirẹrị nịnị ọnọ ka ọza kẹnẹ-kẹnẹ ọnị ẹ yị vị evere Eerọnị ẹ yị nyẹngụ nọ ọvịdị Ẹnẹyịmavara na rị eturare ịra ịrẹsụ ụta. Ọza àa vavọọ mẹ vee re ịsị tu Ikora ọnịrị aza ana saasa a. Dị Ẹnẹyịmavara kà yị Imosiisi ka ọ vavọọ mẹ nị.

Iruuku 22:19

[Dị ọ rẹ sị Ịbụrẹẹdị, dị ọ kụ́ Ohomorihi avọ tụ́ ọọ nị. Dị ọ dà a, dị ọ sị yị ezirẹma anị nị. Dị ọ ka, “Ọsọnị ọ vị ẹngụ amị ana a sị mẹ̀ ịsọvọ agụvị awụ nịnị nị. Waa mẹ ọsọnị, dị ụ wa sịị tamayị amị nịnị!”

Odeyi 10:4

Ô re anggẹẹrị ọnọọ, dị angwa hí ọọ nị. Dị ọ ka, “Sị ẹ vị ọnọọ, Ananyị yị?” Dị anggẹẹrị ọnọọ ka, “Ohomorihi ọ raà tamayị aduwa awụ ọnịrị ẹyịza ọnị ụ waa mẹ.

Ijosuwa 4:7

Ịjọnọọ ẹnịnị vaa kà zụ wa Ẹnẹyịmavara mẹmẹ za enyi ịnị irehu Ijodani jẹẹ ọvịdị apoti oto anị. Dị a sị ọ jịnẹ irehu ịrẹsụ ẹtẹ ọyịwụ. Ịrẹta ẹnẹẹ Anisirẹrị nịnị vaa sị tamayị ụmẹ ọnọọ pooro zịna-zịna nị.