Ịrịka 31:3 - IWE ỌNỊNỊ

³ Avọọ, dị Imosiisi kà yị Anisirẹrị nịnị ka e tenyi ẹngụ ịrẹkụ ka Ẹnẹyịmavara kà ẹnị ẹ na họ̀ oponu ịsị Animidiya nịnị mẹ ẹnị.

Ịrịka 31:3 ပူးပေါင်းရင်းမြစ်များ

2 Ohinọyị 10:30

Dị Ẹnẹyịmavara kà a yị Ijehu ka, “Wa raà mẹ avaba ịsị mee sii hi evere Ahabị. Agụvị avọọ, mee wo oto yị wụ ka, evere awụ na ngụ ụnanka ọhụna ẹ vanaa rị ohinọyị Ísirẹrị nị”.

2 Ohinọyị 9:7

Ọ kà wa wụ̀ ọga awụ, ohinọyị ana vị ozi Ahabị, agụvị ọnị ọ̀ sị ụya rị Ijezebẹrị agụvị ọnụtụ anị ọnịsẹ nịnị ọnị ọ wụ, ọnịrị agụvị ezi ahụ Ẹnẹyịmavara ana vọ ọnị ọ wụ.

Ọyịkụra 17:16

Ọ kà iruvo ịrẹha ọnọọ ọ vị ka, “â tana ụvọ hi ịzị Ẹnẹyịmavara yà.” Ọ kà Ẹnẹyịmavara vị ene vee pè Anamarẹkịị kụ̀ ịrẹkụ pooro.

Ijeremaya 46:10

Ajịnị vị ẹkụhị Ẹnẹyịmavara Ochẹtẹẹngụ, Ananyị avaba ọda. Ajịnị aa họ̀ oponu nị. Ajịnị aa sị ụya rị ọnịvị anị nịnị nị. Aza vị ọnị ọ́ vaa wụ̀ pooro ne tu ịjị oo si du ọ eyi, dị ọ mẹ ka eteesu ò hú ẹnịnị pooro ne tu ka asị ó kuku zụ hu. Ajịnị Ochẹtẹẹngụ aa sị azaa mẹ̀ ịsọvọ eyi ẹbẹẹba ọ̀ sị gụrị Iyuhwuretisi nị.

Ijeremaya 50:28

Ijeremaya ka, wụ́ nịnị, aza ene zwè hụrị Ịbabịrọnị va tẹ, maa kà a, Ananyị yị Ohomorihi ayị mẹmẹ aa họ̀ oponu ịsị Anibabironi nịnị vịdị va mẹ ịnị Irehi anị.

Ireevi 26:25

Ọ kà ọnị vaa kụ ịrẹkụụ tù wa, dị ọnị sị sị ụya rị wa agụvị ka ẹnịnị ẹ́ yị saasa ịrẹyị ọnị ọnịrị wa hị́ eku yị ẹngụ tụ. Ẹnịnị ẹ̀ẹ kụ ẹngụ tụ ịnị ẹkụra ẹnịnị ka à sị a nyị ịsẹ mẹ ẹnị, ọnị vaa tụ wa ụkụ ẹnẹ ẹ̀ yị ma wụ ahọ̀nọ. Ọnọọ ọ vaa mẹ ka ẹnịnị ẹ̀ hụrẹ ẹngụ ẹnịnị ụvọ yị ọnịvị ẹnịnị nị.

Ịrịka 25:11

agụvị ịsị Ịhwịnẹhasị mẹ̀ aanị, ọnị ẹ yị kụkụ vee du ayị hi wa. Ẹ yị dọ ka aa hẹkẹ ori ẹnyẹnyị, agụvị avọọ ọnị ẹ yị vu wa ẹtẹ nị.

Ịrịka 25:13

Dị ọ kà agụvị ka Ịhwịnẹhasị ọ̀ sị ịrẹsụ yị ọnị, ọnịrị evere anị ẹ vaa vị ohirẹsụ irehi anị pooro nị.

Ịrịka 31:4

Ịrẹsụ ọnyọọnya ẹ tụ́ anọrụ akahị nọ ịrẹkụ.

Ọdọvịdị 5:2

Ga Ẹnẹyịmavara! Anisirẹrị nịnị ê tenyi ẹngụ ịrẹkụ; Ịnị ayohine aza hụrẹ ẹngụ ẹnịnị ụvọ nị.

Ọdọvịdị 5:23

Anggẹẹrị Ẹnẹyịmavara kà a tụ́ ozirenu hi Imerozi. Nyayịnẹ tụ́ ozirenu hi aza ana ra ịzọọ, Ẹnịnị ẹ yị vaa gụ Ẹnẹyịmavara ụvọ, anka isoja, dị ẹẹ kụ́ ịrẹkụ yọ.